গণাণা 11:1 - Chakma Bible

¹ ইস্রায়েলীয়গুনোর যেদক্কানি দুখ্‌-কট্ট অর্‌ সিয়েনিলোই তারা লগেপ্রভুর মুজুঙোত্ কিজিক্-মিজিক্ গরা ধোজ্যন্‌। সিয়েনি শুনিনে লগেপ্রভু অমহদ বেজার্‌ অলঅ। তার পাধেয়্যে আগুনান্‌ তারা ভিদিরে জ্বলা ধুরিলো আর তাম্বুলোর কাজা কুরেন্দি কিজু মান্‌জ্যরে পুড়িনে মারে ফেলেল।

গণাণা 11:1 Iomraidhean Croise

পত্থম 38:10

মাত্তর্‌ তা এ বেবহারান্দোই লগেপ্রভু বেজার্ পেলঅ। সেনত্তে তারেয়ো লগেপ্রভু আর বাঁজি থেবাত্তে ন-দিলো।

২ শমূয়েল 11:27

আবিলেচ্‌ গরানার্‌ পরেন্দি দায়ূদে তারে তা ঘরত্‌ আনিলো। তে তার মোক্‌ অলঅ আর তার্‌ এক্কো পূঅ অলঅ। মাত্তর্‌ দায়ূদে যিয়েন্‌ গোজ্যে সিয়েন্দোই লগেপ্রভু বেজার্‌ অলঅ।

২ রাজাবলী 1:12

জোবত্‌ এলিয় কলঅ, “মুই যুনি গোজেন মানুচ্‌ অং সালে আগাজত্তুন্‌ লামি এইনে যেনে তরে আহ্ তঅ পঞ্চাশজন সৈন্যরে পুড়ি ফেলায়।” সেক্কে আগাজত্তুন্‌ গোজেন আগুনান্‌ পুড়িনে তারে আর তাহ্ পঞ্চাশজন সৈন্যরে পুড়ি ফেলেল।

ইয়োব 1:16

মানুচ্চো সেক্কেয়ো কধা কর্‌ এন সময়োত্‌ আর এক্কো এইনে হবর্‌ দিলো, “আগাজত্তুন্‌ গোজেনর আগুন পড়িনে তঅ‌ ভেড়াপালুনোরে আর চাগরুনোরে পুড়ি ফেলেয়্যে। তরে হবর্‌ দিবাত্তে বানা মুই রোক্ষ্যে পেইয়োং।”

গীতসংহিতা 106:18

তারা দল ভিদিরে আগুন জুলি উদিলো; আগুনো জিলানে পাজি মানুচ্চুনোরে পুড়ি ফেলেল।

গীতসংহিতা 78:21

এ কধাগান শুনিনে লগেপ্রভু রাগে ফুলি উদিলো। যাকোব বিরুদ্ধে তা মনত্ আগুন জুলি উদিলো, ইস্রায়েলর বিরুদ্ধে তা রাগ্‌কান জাগি উদিলো;

গীতসংহিতা 78:63

আগুনানে তারার গাবুজ্যেগুনোরে পুড়ি ফেলেল; তারার গাবুজ্যে মিলেগুনোত্যে মেলা গান ন-অলঅ।

যাত্রা 16:9

সে পরেন্দি মোশি হারোণর মাধ্যমে বেক্‌ ইস্রায়েলীয়গুনোরে এই কধাগান্‌ কবাত্তে কলঅ, “লগেপ্রভু তাঁর্‌ বিরুদ্ধে তমার নানান্‌ বাবোত্যা কধা কদে শুন্যে, সেনত্তেই‌ তুমি তাঁর্‌ মুজুঙোত্‌ উজেই যঅ।”

যিশাইয় 10:17

ইস্রায়েল পহ্‌রান অবঅ আগুনো ধোক্ক্যেন্; তারার্ পবিত্র মানুচ্চো অবঅ এক্কান্ জিলো ধোক্ক্যেন্। সেই আগুনানে একদিনে তার বেক্ কাদা ঝুব্‌‌‌‌‌পুন আর কাদাগাজ্‌‌‌‌‌চুন পুড়ি ফেলেব।‌

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

আবিলেচ্ 3:39

পাপত্তে সাজা পানার্ পরেদি মান্‌‌‌জ্যে কিত্তেই সিয়েন্দোই আবিত্তি গুরিবাক্?

যিহিষ্কেল 20:36

মিসর দেজর্ ধূল্যেচর-চাগালাত্ মুই যেবাবোত্যে তমা পুরোণি মানুচ্চুনোর বিচের্ গোজ্যং সেবাবোত্যে তমারেয়ো বিচের্ গুরিম।

লেবীয় 10:2

ইয়েনত্তে লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল, আর তারা লগেপ্রভুর্ মুজুঙোত্ মুরি গেলাক্।

নহূম 1:5

দাঙর্ দাঙর্ মুড়োগুন তা মুজুঙোত্ গির্‌‌‌‌গিরান আর চিগোন চিগোন মুড়োগুন গলি যান। তে আজিল্ অলে পিত্‌‌‌‌থিমীগান আর সিয়েন ভিদিরে বজত্তিগুরিয়্যেগুন বেক্কুনে গির্‌‌‌‌গিরান।

হবক্‌‌‌‌কূক 3:5

তা আগে আগে যার্ ভানাগান্; তা পিজে পিজে পীড়েগান যার্।

গণাণা 10:33

ইঙিরিনে ইস্রায়েলীয়গুনে লগেপ্রভুর মুড়োবো ইত্তুন্‌ আদা মারিনে তিন দিনোর পদথ্‌ উজেই গেলাক্। তারা ঝিরেবাত্তে এক্কান্‌ জাগা তোগেইনে নিগিলেবার্‌ আজাই সেই তিন দিন সং লগেপ্রভুর বেবস্থা-সুন্দুক্কো তারার্‌ আগে আগে যাহ্ ধুরিলো।

গণাণা 11:18

তুই মানুচ্চুনোরে কঅ‌, তুমি নিজোরে লগেপ্রভুর নাঙে ফারক্‌ গুরি নেযেনে এজেত্তে কেইলেত্তে যুক্কোল্‌ অ, কিত্তে কেল্যেই তুমি য়েরা হেই পেবা। তুমি লগেপ্রভু ইদু কাঁনি কাঁনি য়েরা হেবার কধা কোইয়ো আর জানেয়োদে, ইয়োত্তুন্‌ মিসর দেজত্‌ তুমি গম্‌ এলা। সেনত্তেই ইক্কুনি তে তমারে য়েরা দিবো আর তুমি সিয়েন্‌ হেবা।

গণাণা 12:2

“লগেপ্রভু কি বানা মোশিরে দিইনে কধা কোইয়্যে? আমারে দিইনে কি তে কনঅ কধা ন-হয়?” লগেপ্রভুর এই বেক্‌ কধানি শুনিলো।

গণাণা 14:2

মোশি আর হারোণর বিরুদ্ধে তারা নানান কধা কলাক্‌। তারা বেক্কুনে মিলিনে তারারে কলাক্, “মিসর দেজত্‌ বা এই ধূল্যেচর চাগালাত্‌ মুরি যানাগানই আমার উজিত এলঅ।

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

গণাণা 14:27

“আর কয়দিন এই পাজি জাদ্‌তুনে মর্‌ বিরুদ্ধে বক্‌বক গুরিবাক? তারার্‌ বক্‌বক্‌ গরানা মুই শুন্যং।”

গণাণা 14:28

লগেপ্রভু মোশি আর হারোণরে কলঅ ইস্রায়েলীয়গুনোরে কবাত্তে, “মর্‌ জীংকানির্‌ দিব্য দিইনে কঙত্তে, মুই লগেপ্রভু তমারে যিয়েন্‌ কদে শুন্যং সেধোক্ক্যেন মুই তমাত্তে গুরিম।

গণাণা 16:11

তুই আর তর্‌ দলর্‌ বেক্‌ মানুচ্চুনে লগেপ্রভুর বিপক্ষে দল পাগেয়ো। হারোণে যে কন্না, তুমি তার বিপক্ষে বক্‌বক্‌ গরর্‌?”

গণাণা 16:35

ইন্দি যে দিশঅ পঞ্চাশজন মান্‌জ্যে পৌইরেগ্ উৎসর্ব গোজ্যন্‌ লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল।

গণাণা 17:5

মর্‌ বেঈ লোইয়্যে মানুচ্চোর লুদিক্কো উগুরে অংকুর দেগা যেবঅ। ইঙিরিনে তমা বিপক্ষে ইস্রায়েলীয়গুনোরে আমিঝে বক্‌বক্‌ গুরিবার্‌ আদত্তুন্‌ মুই রেহাই পেম্‌।”

১ করিন্হীয় 10:10

তারা ভিদিরে ভালোকজনে কাঙেলেত্যে পেইনে যেবাবোত্যেগুরি ভস্তগুরিয়্যে দূত্‌তুন্দোই ভস্ত ওইয়োন্ সেবাবোত্যেগুরি তুমি কাঙেলেত্যেগান ফগদাং ন-গোজ্জ্য।

দ্বি’লম্বর বিররণ 25:18

তমার বল্‌পোজ্যে অবস্থায় যিগুনে পিজেন্দি পোজ্যন্‌ তারা সিগুনো উগুরে আক্রমণ চালেয়োন। তারা গোজেনরে ন-দরান্‌।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।

দ্বি’লম্বর বিররণ 9:22

তবিয়েরাতত, মঃসাতত আর কিব্রোৎ-হত্তাবাততঅ তুমি লগেপ্রভুর রাক্কান্‌ জাগেই তুল্য।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

যাকোব 5:4

তমা খেদত্ যে কাম গুরিয়্যেগুনে ফসল কাপ্প্যন্ তুমি তারারে বেতন ন-দুয়ো; আর চঅ, সেই বেতনুনে ইক্কিনে রঅ ছাড়িনে তমারে দুষি বানাদন্। বেগত্তুন্ খেমতাবলা প্রভুর কানত্ সেই কাম গুরিয়্যেগুনোর রঅ ছাড়ানাগানি লুম্মেগোই।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।