গণাণা 10:29 - Chakma Bible

²⁹ ইয়েনর পরেদি মোশি তাঁর শুয়োর্‌বো মিদিয়োনীয় রূয়েলর পূঅ হোববকররে কলদে, “লগেপ্রভু যে দেজ্‌চান্‌ আমারে দিবো বিলি শমক্‌ গোজ্যে আমি সেই দেজ্‌চানন্দি যাহ্ ধুরির্। তুমি আমা লগে এজঅ। আমি তমার ভালেদি চেই, কিত্যে লগেপ্রভু ইস্রায়েলীয়গুনোরে বোউত্‌ ভালেদি গুরিবো বিলি শমক্‌ গোজ্যে।” (গর্বা মাদানা)

গণাণা 10:29 Iomraidhean Croise

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 13:15

যেদক্কানি জাগা তুই দেগিবে সিয়েনি মুই তরে আর তঅ বংশবোরে উমরত্তে দিম্‌।

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 32:12

মাত্তর্‌ তুই দঅ কোইয়োচ্‌, মুই হামাক্কায়্‌ তরে ভালেদ্ গুরিম আর তঅ বংশর্‌ মানুচ্চুনোরে সাগর পার ধুল্যেচর ধোক্ক্যেন গুরিম্‌ যিগুন্‌ গুণিনে শেজ্ গরা ন-যায়।

গীতসংহিতা 100:1

ও দুনিয়ের বেক মানুচ্চুন্, তুমি লগেপ্রভুর নাঙে জয় জয় গরঅ।

গীতসংহিতা 34:8

যগা চাহ্ লগেপ্রভু মংগলময়; বর্‌পেইয়্যে সেই মানুচ্চো, যিবে তাইদু আশ্রয় নেযায়;।

গীতসংহিতা 95:1

এজঅ, আমি লগেপ্রভুর নাঙে হুজির গীদ্ গেই; আমা রোক্ক্যেগুরিয়্যে মুড়োবোর নাঙে রঙ্গ-ফুত্তি গুরিই।

যাত্রা 18:1

গোজেনে তার মানুচ্‌ ইস্রায়েলীয়গুনোত্তে আর মোশিত্তে যিয়েনি গোজ্যে সিয়েনি বেক্কানি মোশির শুয়োরবো মিদিয়নীয় ধর্মগুরু যিথ্রোর্‌ কানত্‌ গেলঅ। লগেপ্রভু কেধোক্ক্যেনগুরি মিসর দেজত্তুন্‌ ইস্রায়েলীয়গুনোরে নিগিলেই আন্যে তে সিয়েনঅ শুন্যে।

যাত্রা 18:12

ইয়েনর্ পরেদি যিথ্রো গোজেনর্ নাঙে পুজ্যে-উৎসর্ব আর অন্য উৎসর্বত্তে য়েমান্‌ আনিল। পরেদি হারোণ আর ইস্রায়েলীয়গুনোর্‌ বেক্‌ বুড়ো মাই-মুরুব্বীগুনে গোজেন মুজুঙোত্‌ মোশি শুয়োর্‌বো লগে হেবাত্তে বজিলাক্।

যাত্রা 18:27

যেরেদি মোশি তার্‌ শুয়োর্‌বোরে বিদেয় দিলো আর তে নিজোর্‌ দেজত্‌ গেলগোই।

যাত্রা 2:18

সে মিলেগুনে তারা বাপ্পো রূয়েল ইধু ফিরি যানার পরেদি তে পিজের্‌ গুরিলো, “এচ্চ্যে তুমি এদক্‌ যাদিমাদি কেনে ফিরি এলা?”

যাত্রা 2:21

পরেদি মোশি সেই ধর্মগুরুবো সমারে থেবাত্তে রাজী অলঅ আর তে মোশি লগে তার্‌ ঝিবো সিপ্পোরার মেলা গুরি দিলো।

যাত্রা 3:1

একদিন্যে মোশি তা শুয়োর্‌বো যিথ্রোর্, অত্তাৎ রূয়েলর ছাগল-ভেড়াছাগল পালুন্‌ চরার্‌। যিথ্রো অলদে মিদিয়নীয়গুনোর্‌ এক্কো ধর্মগুরু। ছাগল-ভেড়াছাগলর্ পালুন্‌ চরাদে চরাদে মোশি ধূল্যেচর-চাগালাত্‌ আরেক্‌ কিত্তেদি গোজেন মুড়ো হোরেব ইধু যেইনে লুমিলোগোই।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যাত্রা 6:4

মুই তারাত্যে মর্‌ সুদোমান থিদেবর্ গোজ্যং। সে সুদোমত্‌ মুই কোয়োংগে, তারা বিদেশী ইজেবে যিয়েনত্‌ বজত্তি গুরিদাক্‌ সে কনান্‌ দেজ্‌চান্‌ মুই তারারে দিম।

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

যিরমিয় 50:5

তারা সিয়োনত্ যেবার পথ্‌তানর্ কধা পুযোর্ গুরিবাক্ আর সিন্দি তারার মুয়োনি ফিরেবাক্। তারা এইনে এমন এক্কো জিংকানিবরর্ সুদোম লগেপ্রভু সমারে নিজোরে জোরেবাক্ যিয়েন মান্‌জ্যে ভুলি ন-যেবাক্।

গণাণা 10:28

ইস্রায়েলীয় নানান্‌ দলুন ইঙিরিনে একদাগির পরেদি আরেকদাগি আদা মারিনে যেইয়োন।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

প্রেরিত্‌ 7:5

নিজোর অধিকারত্যে গোজেনে অব্রাহামরে সিয়েনত্ কিচ্চু ন-দিলো, এক্কান ঠেং রাগাইদ্যে ধোক্ক্যেন ভূইয়ো নয়। মাত্তর্ গোজেনে তাইধু এগেম্ গোজ্যেদে যে, তারে আর সে পরেদি তা গুট্টিগুনোত্ত্যে অধিকার ইজেবে তে সেই দেশ্‌চান দিবো। মাত্তর্ সেক্কে অব্রাহামর কনঅ পুয়ো-ছা ন-এলঅ।

দ্বি’লম্বর বিররণ 30:5

তমার পুরোণি মানুচ্চুনোর দেজত্‌ তে তমারে ফিরেই আনিবো আর তুমি সিয়েন আরঅ গজক্ গুরিবা। তে তমারে বোউত্‌ ভালেদি গুরিবো আর তমার পুরোণি মানেইয়ুনোত্তুনঅ তমার মান্‌জ্যর সোংখ্যেগুন বাড়েই দিবো।

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।

বিচের গুরিয়্যেগুন 1:16

মোশি শোরোর্‌ গুট্টিগুনে, যিগুনে জাদে কেনীয় এলাক্‌, তারা খাজোর্‌-শঅ‌রত্তুন্‌ নিগিলিনে অরাদ চাগালার দোগিণে যিহূদা-গুট্টির কোরোল্যে-ভূইয়োর্‌ চাগালাত্‌‌ গেলাক্‌। আর সিদুগোর্‌ মানুচ্চুনো সমারে থেই গেলাক্‌।

বিচের গুরিয়্যেগুন 4:11

ইয়েনর্ আগেন্দি হেবর নাঙে এক্কো কেনীয় অন্য কেনীয়গুনোর, অত্তাৎ মোশির শোর্‌বো হোববর গুট্টিগুনোরে ছাড়িনে কেদশর ইদু সানন্নীমোর এলোন গাজর কায় কুরে তা তাম্বুলান ফেলেয়্যে।

১ শমূয়েল 15:6

তে কেনিয়গুনোরে কলঅ, “ইস্রায়েলীয়গুনে যেক্কে মিসর দেজত্তুন্‌ নিগিলি এচ্ছোন্‌ সেক্কে তুমি তারা উগুরে দোয়্যে দেগেয়ো। তুমি অমালেকীয়গুনো ভিদিরেত্তুন্‌ অন্য কনঅ জাগাত্‌ যগোই, যেনে অমালেকীয়গুনো সমারে মুই তমারেয়ো ভস্ত গুরি ন-ফেলাং।” সেক্কে কেনীয়গুনে অমালেকীয়গুনোত্তুন্ গেলক্কোই।