গণাণা 1:53 - Chakma Bible

⁵³ যেনে ইস্রায়েলীয়গুনো উগুরে লগেপ্রভুর সাজা লামি ন-এজে সেনত্তে সাক্ষ্য-তাম্বুলর্‌ চেরোকিত্তে লেবীয়গুনে তাম্বুল বানেইনে থাহ্‌ পুরিবো। সাক্ষ্য-তাম্বুলোর দেগাশুনোত্তে লেবীয়গুনেই দায়ী থেবাক্।”

গণাণা 1:53 Iomraidhean Croise

১ বংশধর 23:32

ইঙিরিনে লেবীয়গুনে মিলন-তাম্বুলোর আর পবিত্র জাগানি দেগাশুনো গুরিদাক্‌ আর লগেপ্রভুর ঘর সেবা-কামত্তে তারার্‌ ভেই হারোণ বংশধরুনো অধীনোত্‌ কাম্‌ গুরিদো।

২ বংশধর 13:10

“মাত্তর্‌ আমি সেধোক্ক্যেন নয়, লগেপ্রভু আমার গোজেন। আমি তারে ছাড়ি ন-যেই। যে ধর্মগুরুগুনে লগেপ্রভুরে সেবা গরন্‌ তারা হারোণ বংশর মানুচ্‌, আর লেবীয়গুনেয়ো তারার্‌ ঠিগ্ কামানি গরন‌।

২ বংশধর 13:11

পত্তিদিন বেন্যে আর সাজোন্যে ধর্মগুরুগুনে লগেপ্রভুর নাঙে পুজ্যে-উৎসর্বর অনুষ্ঠান গরন্‌ আর তুম্বাজ্‌ আগর্‌বাট্টি জ্বালান। তারা সিজি গোজ্যে টেবিলো উগুরে মুজুঙো-রুটি সাজেইনে রাগান্‌ আর পত্তিদিন সাজোন্যে অক্তত্‌ সোনার চেরাগটগ উগুরে চেরাক্কুন্‌ জ্বালেই দুয়োন্‌। আমি আমা গোজেন লগেপ্রভুর উগুম মজিম কাম্‌ গুরিই, মাত্তর্‌ তুমি তারে ছাড়ি যেইয়ো।

যিরমিয় 23:15

“সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

লেবীয় 10:6

মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

গণাণা 1:50

সাক্ষ্য-তাম্বুলর সাজ-গুজোর জিনিসচানি আর তার্‌ বেক্কানি দেগাশুনোর দায়িত্তো তুই তারা উগুরে দিবে। তারার্‌ কাম অবঅ থেবার-তাম্বুল আর তার্‌ বেক্‌ সাজ-গুজ্‌চানি বুয়োই নেযানা। ইয়েনর দেগাশুনোর্‌ ভারান তারাত্তুনো নেযা পুরিবো আর তারাত্তুনো ইয়েনর চেরোকিত্তে তাম্বুল-বানেইনে থাহ্ পুরিবো।

গণাণা 1:54

লগেপ্রভু মোশিরে যেধোক্ক্যেন উগুম্‌ গোজ্যে ইস্রায়েলীয়গুনে ঠিগ্ সেধোক্ক্যেন গুরিলাক্।

গণাণা 16:46

সে পরেদি মোশি হারোণরে কলঅ, “তর্‌ পৌইরেগর্ কদরাবো লোইনে সিয়েনত্‌ পূজোবোত্‌ আগুন ভোরেইনে তা উগুরে পৌইরেগ্ দিচ্‌ আর যাদিগুরি সেই মানুচ্চুনো ইদু যেইনে তারার্‌ পাপ্পানি ঢাগিবার্‌ বেবস্থা গর্‌। লগেপ্রভুর রাগ্‌‌কান্ ফগদাং অলঅ, ভানাপিড়ে আরাম্ভ ওই গেলঅ।।”

গণাণা 16:9

ইয়েনই কি তমার পক্ষে যগাজ্যে নয়, ইস্রায়েলীয়গুনোর গোজেন সমাজর অন্য মানুচ্চুনোত্তুন্‌ তমারে যুুদো গুরিনে নিজো ইদু আন্যে যেনে তুমি লগেপ্রভুর থেবার-তাম্বুলানর্ কাম্‌ গুরি পারঅ আর সমাজর্‌ মানুচ্চুনোরে সেবা গুরিবাত্তে তারার মুজুঙোত্‌ থিয়্যেই পারঅ?

গণাণা 17:7

মোশি সেই লুদিক্কুন্ লোইনে সাক্ষ্য-সিন্দুগো ভিদিরে লগেপ্রভুর মুজুঙোত্ রাগেল।

গণাণা 2:17

সে পরেদি মিলন-তাম্বুলান নেযেইনে আদা মারিবাক্ লেবি-গুট্টির মানুচ্চুনে। ইগুনে থেবাক্‌ বেক্‌ চাগালাগানর্ সংমোধ্যে। এক্কানর্‌ পর্‌ এক্কান্‌ যিঙিরিনে তারা তাম্বুলানি টাঙেবাক্‌ সেধোক্কেগুরি তারাত্তুন্‌ পর পর আদা মারিবাক্। পত্তি জনত্তুন্‌ তার্‌ নিজোর দল সমারে থাহ্ পুরিবো।

গণাণা 3:23

পোজিমেন্দি থেবার-তাম্বুলো পিজেন্দি গের্শোনীয়গুনোরে তাম্বুল ফেলেবাত্তে কুয়ো ওইয়্যে।

গণাণা 3:29

থেবার-তাম্বুলোর্‌ দোগিণেদি কহাতীয়গুনোরে তাম্বুল টাঙেবাত্তে কুয়া ওইয়্যে।

গণাণা 3:35

মরারীয় বংশগুনোর নেতা এলদে অবীহয়িলেরর্‌ পূঅ সূরীয়েল। থেবার-তাম্বুলো উত্তোরেদি তারার্‌ তাম্বুলানি টাঙেবাত্তে কুয়ো ওইয়্যে।

গণাণা 3:38

মিলন-তাম্বুলো মুজুঙোত্, অত্তাৎ থেবার-তাম্বুলো পূগেন্দি মোশি, হারোণ আর তাঁর পূঅগুনোরে তাম্বুল তুলিবাত্তে কুয়ো ওইয়্যে। তাঁরার্‌ দায়িত্বো এলদে ইস্রায়েলীয়গুনোর্‌ ওইনে পবিত্র তাম্বুর বেক্‌ কামানি পরিচালনা গরানা। তাঁরা বাদে আর কনজনে পবিত্র তাম্বুল ইদু গেলে তারে মারে ফেলেবাত্তে কুয়ো ওইয়্যে।

গণাণা 31:30

ইস্রায়েলীয়গুনোর্‌ ভাগত্‌ যিদুক্কুন্‌ মানুচ্‌, গোরু, গাধা, ভেড়াছাগল, ছাগল বা অন্য যে কনঅ য়েমান পরিবাক্ তার্‌ পত্তি পঞ্চাশ্‌চুয়োত্তুন্‌ এক্কোত্‌ ধরে ফারগ গুরি রাগেবে। সিগুন্‌ তুই লেবীয়গুনোর্‌ আঢত্‌ দিবে যিগুনো উগুরে থেবার্‌-তাম্বুলান দেগাশুনোর্‌ ভারান্ আঘে।”

গণাণা 31:47

সেই ইস্রায়েলীয়গুনে যে অদ্দেক্ ভাগ পেলাক্ সে ভিদিরেত্তুন্‌ মোশি পত্তি পঞ্চাশজন গাবুজ্যে মিলেত্তুন্‌ এক্কো গুরি আর পত্তি পঞ্চাশচুয়ো য়েমানত্তুন্‌ এক্কো গুরি নেযেইনে লগেপ্রভুর উগুম মজিম লেবীয়গুনোরে দিলো, যিগুনো উগুরে লগেপ্রভুর থেবার-তাম্বুলোর দেগাশুনোর ভারান্ এলঅ।

গণাণা 8:19

ইস্রায়েলীয়গুনো ভিদিরে এই লেবীয়গুনোরে মুই হারোণ আর তার্‌ পূঅগুনোরে দান গোজ্যং, যেনে তারা ইস্রায়েলীয়গুনোর্‌ ওইনে মিলন-তাম্বুলোত্‌ কাম্‌ গরন্‌ আর তারার্‌ পাপ্পানি ঢাগিবার্‌ বেবস্থা গরন্‌। সিয়েনত্যে ইস্রায়েলীয়গুনে পবিত্র তাম্বুলো ইদু গেলেয়ো তারা উগুরে কনঅ দজা লামি ন-এবঅ।”

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।

১ শমূয়েল 6:19

বৈৎ-শেমশর কিজু মানুচ্ লগেপ্রভুর সুন্দুক্কো ভিদিরে খুলিনে চেইয়োন বিলি লগেপ্রভু তারারে মারে ফেলেল। তে সেক্কে সে জাগানর্‌ পঞ্চাশ আজার সত্তুর জন মান্‌জ্যরে মারে ফেলেল। তে এই জদবদে আঘাত্তান্‌ গোজ্যে বিলি মানুচ্চুনে আবিলেচ্‌ খা ধুরিলাক্।