গণাণা 1:51 - Chakma Bible

⁵¹ থেবার্‌-তাম্বুলান যেক্কে অন্য কনকিত্তে নেযা পুরিবো সেক্কে লেবীয়গুনেই সিবে খুলিবাক আর যেক্কে সিবে মিলেই জানা পুরিবো সেক্কে তারাত্তুনো সিবে মিলে পুরিবো। অন্য কনজনে তাইদু গেলে তারে মারে ফেলা অবঅ।

গণাণা 1:51 Iomraidhean Croise

২ শমূয়েল 6:7

উষর এ ভোক্তিনেইয়্যে কামানিত্তে তা উগুরে লগেপ্রভু রাগে জুলি উদিলো। সেনত্তে লগেপ্রভু তারে আঘাত গুরিলো, আর সেক্কে তে লগেপ্রভুর সুন্দুক্কোর্‌ কায়-কুরে মুরি গেলঅ।

গণাণা 10:11

দ্বিবজরত্‌ দ্বিমাজর্‌ কুড়ি দিনোর দিন্নোত্‌ সাক্ষ্য-তাম্বুল উগুরেত্তুন্‌ মেঘ্‌কান কাদেই গেলঅ।

গণাণা 16:40

মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।

গণাণা 17:13

কনজনে যুনি লগেপ্রভুর থেবার-তাম্বুলো ইদু যায় সালে তে মুরি যেবঅ; সালে আমি কি বেক্কুনে মুরি যেবং?”

গণাণা 17:5

মর্‌ বেঈ লোইয়্যে মানুচ্চোর লুদিক্কো উগুরে অংকুর দেগা যেবঅ। ইঙিরিনে তমা বিপক্ষে ইস্রায়েলীয়গুনোরে আমিঝে বক্‌বক্‌ গুরিবার্‌ আদত্তুন্‌ মুই রেহাই পেম্‌।”

গণাণা 18:22

ইক্কিনেত্তুন্‌ ধুরি অন্য ইস্রায়েলীয়গুনে আর মিলন-তাম্বুলো ইদু যেই ন-পারিবাক্। সিয়েনি গুরিলে তারা তারার পাপর্‌ ফল ভোগ গুরিবাক আর মুরি যেবাক্।

গণাণা 18:3

তর্‌ অধীনোত্‌ থেইনে সাক্ষ্য-তাম্বুলোর বেক্‌ কামানি তারাত্তুন্‌ গরা পুরিবো, মাত্তর্‌ পবিত্র তাম্বুলোর কনঅ জিনিজো ইদু বা পূজোবো ইদু তারা যেই ন-পারিবাক্। সিয়েন গুরিলে তুমি আর তারা বেক্কুনে মারা পুড়িবা।

গণাণা 18:4

তারা তর্‌ কামত্‌ মিজেবাক; মিলন-তাম্বুলোর দেগাশুনোর ভারান্‌, অত্তাৎ সেই তাম্বুলোর বেক্‌ কামর্‌ ভারান্‌ তারা উগুরে থেবঅ। মাত্তর্‌ তমা ইদু লেবীয়গুনে বাদে অন্য কনজনে যেই ন-পারিবাক্।

গণাণা 18:7

মাত্তর্‌ ধর্মগুরু্‌ ইজেবে বানা তুই আর তর্‌ পূঅগুনে পূজোবোর আর পর্দার ভিদিরে কামানি গুরি পারিবাক্। ধর্মগুরুর্ কামান্ মুই দান ইজেবে তমারে দুয়োঙর্। লেবীয়গুনে বাদে আর কনজনে যুনি মিলন-তাম্বুলোর চাগালা ইদু এজন্‌ সালে তারে মারে ফেলা অবঅ।”

গণাণা 3:10

ধর্মগুরু ইজেবে কাম গুরিবাত্তে তুই হারোণ আর তার পূঅগুনোরে নেযা। তারা বাদেয়ো আর কনজনে যুনি ধর্মগুরুর কাম্‌ গুরিবাত্তে যান্‌ সালে তারে মারে ফেলা অবঅ।”

গণাণা 3:38

মিলন-তাম্বুলো মুজুঙোত্, অত্তাৎ থেবার-তাম্বুলো পূগেন্দি মোশি, হারোণ আর তাঁর পূঅগুনোরে তাম্বুল তুলিবাত্তে কুয়ো ওইয়্যে। তাঁরার্‌ দায়িত্বো এলদে ইস্রায়েলীয়গুনোর্‌ ওইনে পবিত্র তাম্বুর বেক্‌ কামানি পরিচালনা গরানা। তাঁরা বাদে আর কনজনে পবিত্র তাম্বুল ইদু গেলে তারে মারে ফেলেবাত্তে কুয়ো ওইয়্যে।

১ শমূয়েল 6:19

বৈৎ-শেমশর কিজু মানুচ্ লগেপ্রভুর সুন্দুক্কো ভিদিরে খুলিনে চেইয়োন বিলি লগেপ্রভু তারারে মারে ফেলেল। তে সেক্কে সে জাগানর্‌ পঞ্চাশ আজার সত্তুর জন মান্‌জ্যরে মারে ফেলেল। তে এই জদবদে আঘাত্তান্‌ গোজ্যে বিলি মানুচ্চুনে আবিলেচ্‌ খা ধুরিলাক্।