গণাণা 1:22 - Chakma Bible

²² শিমিয়োনর্‌ বংশধরুনো ভিদিরে যিগুনোর্‌ বয়স কুড়ি বা তাত্তুন্‌ বেশ্‌, অত্তাৎ যিগুনে যুদ্ধোত্‌ যেবার্‌ অক্ত ওইয়োন, বংশ আর পরিবারর্‌ পরিচয় মজিম গুণি লোইনে একজন একজন গুরি তারার্‌ নাঙানি লিগি নেযা অলঅ।

গণাণা 1:22 Iomraidhean Croise

পত্থম 29:33

সে পরেদি লেয়া আরঅ পিদিলী অলঅ তার্‌ আরঅ এক্কো পুয়ো অলঅ। তে পুয়োবোর নাঙান্‌ রাগেল শিমিয়োন (যিয়েনর্‌ ভেদ্‌‌তান “তে শুনে”), কিত্তে তে কোইয়্যেদে, “মরে য়েলাফেলা গরানার কধাগান লগেপ্রভুর্‌ কানত্‌ যেইনে লুম্মেগোই, সেনত্তে তে মরে এ পুয়োবোয়ো দিলো।”

পত্থম 42:24

যোষেফে সেক্কে তারা কায়-কুরেত্তুন্‌ সুরি যেইনে কানা ধুরিলো, সে পরেদি ফিরি এইনে তারা লগে আরঅ কধা কলঅ। তে তারা ভিদিরেত্তুন্‌ শিমিয়োনরে বেঈ লোইনে তারা চোগো মুজুঙোত্‌ তারে বানিবাত্তে উগুম দিলো।

পত্থম 46:10

শিমিয়োন পুয়ো যিমূয়েল, যামীন, ওহদ, যাখীন, সোহর আর শৌল। শৌল একজন কনানীয় মিলের্‌ পুয়ো।

গীতসংহিতা 144:1

লগেপ্রভুর বাঈনী ওক্, তে মর্ আশ্রয়-মুড়ো; তে মঅ আঢ্‌তানরে যুদ্ধো গুরিবাত্তে শিগেয়্যে, মঅ আঙুলুনোরে লড়াই গুরিবাত্তে শিগেয়্যে।

গণাণা 1:21

রূবেণ-গুট্টিত্তুন্‌ যিগুনোরে পাহ্ গেল তারার্‌ সোংখ্যে অলাক ছয়চোল্লিশ আজার্ পাঁচশত।

গণাণা 1:23

শিমিয়োন-গুট্টিত্তুন যিগুনোরে পাহ্ গেলঅ তারার্‌ সোংখ্যে অলাক উনষায়েট্‌ আজার্ তিনশত।

ফগদাং পেইয়্যে 7:7

শিমিয়োন গুট্টি ভিদিরেত্তুন্ বার আজার। লেবি গুট্টি ভিদিরেত্তুন্ বার আজার। ইষাখর গুট্টি ভিদিরেত্তুন্ বার আজার।