গণাণা 1:16 - Chakma Bible

¹⁶ ইস্রায়েলীয়গুনো ভিদিরেত্তুন্‌ এ বেক্‌ মানুচ্চুনোরে নেযা অলঅ। ইগুনে অলাক্‌ তারার্‌ পুরোণি মানুচ্চুনোর্‌ গুট্টির মুরুব্বী আর ইস্রায়েলীয়গুনোর্‌ ভালোক্‌ বংশর্‌ আজার উগুরে এক্কো নেতা।

গণাণা 1:16 Iomraidhean Croise

যাত্রা 18:21

তুই বেক্‌ মানুচ্চুনো ভিদিরেত্তুন্‌ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্‌। তারারে তুই মানুচ্চুনোর্‌ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে।

যাত্রা 18:25

তে বেক্‌ ইস্রায়েলীয়গুনো ভিদিরেত্তুন্‌ যগাজ্যে মানুচ্চুনোরে বেঈ লোইনে নেতা ইজেবে তারারে নেযেল-কয়েকজনরে আজার উগুরে, কয়েকজনরে শত উগুরে, কয়েকজনরে পঞ্চাজ উগুরে আর কয়েকজনরে দশ জন উগুরে।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

গণাণা 1:15

নপ্তালি-গুট্টির ঐননর পূঅ অহীরঃ।”

গণাণা 1:17

লগেপ্রভু যিগুনোর্‌ নাঙানি কোইয়্যে মোশি আর হারোণে তারারে ডাগি নিলো আর সেই বজরর্‌ দ্বিমাজর্‌ পত্তম দিনোত্‌ তারা বেক্‌ ইস্রায়েলীয়গুনোরে এক সমারে এগত্তর্‌ গুরিলাক। ইস্রায়েলীয়গুনে বংশ আর পরিবারর্‌ নাঙানি কোইনে তারার্‌ পুরোণি মানুচ্চুনোর্ পরিচয় দিলাক্। কুড়ি আর তাত্তুন্‌ বেশ্‌ বয়জর্‌ মরত্তুনোর্‌ নাঙানি এক্কান্‌ এক্কান্‌ গুরি লিগি নেযা অলঅ।

গণাণা 1:4

পত্তি গুট্টিত্তুন্‌ একজন গুরি মান্‌জ্যে তরে সাহায্য গুরিবাক, আর সেই মানুচ্চোত্তুন্‌ তার্‌ বংশর্‌ নেতাবো উয়ো পরিবো।

গণাণা 10:4

যেক্কে এক্কো বাঁশি বাজা অবঅ সেক্কে ইস্রায়েলর্‌ নানান্‌ বংশর নেতাগুনে তমা মুজুঙোত্‌ এইনে এগত্তর্‌ অবাক।

গণাণা 11:17

মুই সিয়েনত্‌ লামি এইনে তঅ সমারে কধা কোম্‌। তঅ উগুরে যে আত্মাগান্‌ আঘে মুই সিয়েনরে তারা উগুরেয়ো দিম্‌। মানুচ্চুনোর্‌ ভারান্‌ বুয়োই নিবাত্তে তারা তরে সাহায্য গুরিবাক। সেক্কে তত্তুন্‌ আর গায়্‌ গায়্‌ দায়িত্বোগান বুয়োই নেযা ন-পুরিবো।

গণাণা 26:9

আর ইলীয়াবর পূঅগুনোর নাঙানি অলঅ নমূয়েল, দাথন আর অবীরাম। এই দাথন আর অবীরামে অলদে ইস্রায়েলীয়গুনোর সেই দ্বিজন নেতা যিগুনে মোশি আর হারোণর বিরুদ্ধে থিয়েয়োন। আরঅ কোরহর দল্লো যেক্কে লগেপ্রভুর বিরুদ্ধে থিয়েইয়্যে সেক্কে ইগুনেয়ো সেই দল ভিদিরে এলাক্।

গণাণা 30:1

মোশি ইস্রায়েলীয়গুনোর গুট্টি-নেতাগুনোরে কলঅ, লগেপ্রভু উগুম্‌ গোজ্যেদে যুনি কনঅ মানুচ্‌ লগেপ্রভু ইদু কনঅ কিজু মানন্‌ বা শমক্‌ খেইনে কনঅ এগেম্বোই নিজোরে বাঁনন্‌, সালে তে যেন তার্‌ কধাগান্‌ রাগায়; তে যিয়েন্‌ কোইয়্যে সিয়েন্‌ তাত্তুন্‌ গরা পুরিবো।

গণাণা 7:2

পরেদি ইস্রায়েলীয়গুনোর নেতাগুনে, অত্তাৎ বংশর নেতাগুনে বক্‌শিজ্ আনিলাক্। ইগুনেই অলাক্‌ সেই বেক্‌ গুট্টিগুনোর্‌-নেতা যিগুনো উগুরে গুণি লোইয়ে মানুচ্চুনোর্‌ দেগাশুনোর্‌ ভারান্‌ এলঅ।

দ্বি’লম্বর বিররণ 1:15

সেনত্যেই মুই তমা গুট্টিত্তুন্‌ জ্ঞানীবলা আর অভিজ্ঞতাবলা সর্দারুনোরে নেযেইনে তমা উগুরে আজার উগুরে নেতা, শত উগুরে নেতা, পঞ্চাশ উগুরে নেতা, দশজন উগুরে নেতা আর অন্য কাম্‌গুরিয়্যে মানুচ্‌ নেযেয়োং।

বিচের গুরিয়্যেগুন 6:15

গিদিয়োনে কলঅ, “মাত্তর্‌ ও মর্‌ প্রভু, মুই কেধোক্কেন্‌ গুরিনে ইস্রায়েলীয়গুনোরে উদ্ধোর গুরিম্‌। মনঃশি-গুট্টি ভিদিরে আমা বংশবো বেগত্তুন তলে, আর আমা গিরি ভিদিরে মর্‌ কনঅ দাম্‌ নেই।”

১ শমূয়েল 22:7

তে তারারে কলঅ, “বিন্যামীন-গুট্টির মানুচ্চুন শুনো, যিশয়র পূঅবো কি তমারে বেক্কুনোরে জাগা-জোমি আর আংগুর ক্ষেত দিবো? তে কি তমারে বেক্কুনোরে আজার সৈন্য বা শত শত সৈন্য উগুরে সেনাপতি নেযেব?

১ শমূয়েল 23:23

তার পৌল্যেই থেবার বেক্‌ জাগায়ানি নিগিলেবে। সে পরেন্দি দোল্‌ হবর্‌ লোইনে ফিরি এজানার পরেন্দি মুই তমা লগে যেম্‌। তে যুনি দেজর্‌ ভিদিরে থায় সালে মুই যিহূদার বেক্‌ বংশগুনো ভিদিরেত্তুন তারে তোগেইনে নিগিলেম্‌।”