গণাণা 1:1 - Chakma Bible

¹ ইস্রায়েলীয়গুনে মিসর দেজত্তুন্‌ নিগিলি এজানার্‌ পরেদি দ্বিবজরর্‌ দ্বিমাজর্‌ পত্তম দিনোত্‌ লগেপ্রভু সিনাই ধূল্যেচর চাগালাত্‌ মিলন-তাম্বুলো ভিদিরে মোশির লগে কধা কোইয়্যে। তে কলদে,

গণাণা 1:1 Iomraidhean Croise

১ রাজাবলী 6:1

মিসর দেজত্তুন্‌ ইস্রায়েলীয়গুনে নিঘিলি এজানার পরেন্দি চেরশঅ আশি বজর সং ইস্রায়েলীয়গুনো উগুরে শলোমনর্ রাজাগিরির চের্‌ বজরত্‌ সিব মাজত্‌, অত্তাৎ দ্বিমাজত্‌ শলোমনে লগেপ্রভুর ঘরান তুলোনা আরাম্ভ গুরিলো।

যাত্রা 19:1

মিসর দেজত্তুন্‌ নিগিলি এজানার্‌ পরেদি তিন্‌ মাসত্ ইস্রায়েলীয়গুনে সিনাই ধূল্যেচর-চাগালাত্‌ যেইনে লুমিলাক্কোই।

যাত্রা 19:2

তারা রফীদীমান ফেলেই এইনে সিনাই মুড়োবো মুজুঙোত্‌ সিনাই ধূল্যেচর-চাগালাত্ তাম্বুল ঠাঙেলাক্।

যাত্রা 25:22

এই সাক্ষ্য-সিন্দুগোর্‌ ঢাগনীগান উগুরে দ্বিবে করূব সংমোধ্যে মুই তঅ সমারে দেগা গুরিনে ইস্রায়েলীয়গুনোত্তে মর্‌ বেক্‌ উগুমানি তরে দিম্‌।

যাত্রা 40:17

দ্বিবজরর্‌ পত্তম মাজর্‌ পোইল্যা দিনোত্‌ থেবার-তাম্বুলান্‌ বানা অলঅ‌।

যাত্রা 40:2

বজরর্‌ পত্তম মাজর্‌ পোইল্যে দিনোত্‌ তুই থেবার-তাম্বুলান, অত্তাৎ মিলন-তাম্বুলান বানেবে।

লেবীয় 1:1

একদিন্যে মিলন-তাম্বুল ভিদিরেত্তুন্‌ লগেপ্রভু মোশিরে ডাগিলো আর ইস্রায়েলীয়গুনোরে কবাত্তে কলঅ, যুনি তমা ভিদিরেত্তুন্ কনজনে লগেপ্রভুরে উৎসর্ব ইজেবে কিজু দিবাত্তে চায় সালে তে এক্কো য়েমান্‌ লোই‌ এজোক্; সেই য়েমান্নো যেন কনঅ গোরু, ভেড়া বা ছাগল অয়।

লেবীয় 27:34

লগেপ্রভু ইস্রায়েলীয়গুনোত্তে এই বেক্‌ উগুমানি সিনাই মুড়োবোত্‌ মোশি ইদু দিয়্যেগোই।

গণাণা 12:4

হারোণ আর মরিয়মর্‌ কধা শুনোনার্‌ লগে লগে লগেপ্রভু মোশি, হারোণ আর মরিয়মরে কলদে, “তুমি তিনজনে নিগিলি এইনে মিলন-তাম্বুলো ইদু এজঅ।” এই কধাগান্‌ শুনিনে তাঁরা তিনজনে নিগিলি এলাক।

গণাণা 9:1

ইস্রায়েলীয়গুনে মিসর দেজত্তুন্‌ নিগিলি এজানার দ্বিবজরর্‌ পত্তম মাজত্‌ সিনাই ধূল্যেচর চাগালাত্‌ লগেপ্রভু মোশিরে কলঅ,

দ্বি’লম্বর বিররণ 1:3

লগেপ্রভু ইস্রায়েলীয়গুনোর পৌইদ্যেনে মোশিরে যেদক্কানি উগুম্‌ দিয়্যে সিয়েনি তে তারার্‌ যানার্‌ চোল্লিশ বজরে এগার মাজর্‌ পত্তম তারিগোত্‌ তারার ইদু ফগদাং গুরিলো।

দ্বি’লম্বর বিররণ 2:14

কাদেশ-বর্ণেয় ছাড়িনে সেরদ কিঝিঙান্‌ পার্‌ ওই এত্তে আমার্‌ আটত্রিশ বজর্‌ কাদি যেইয়্যে। কাদেশ-বর্ণেয় ফেলেই এবার্‌ আগেন্দি তাম্বুলোত্‌ যিদুক্কুন্‌ সৈন্য এলাক তারা বেক্কুনে এ আটত্রিশ বজর ভিদিরে লগেপ্রভুর শমক্‌ গোজ্যে কধা মজিম মুরি যেইয়োন।

দ্বি’লম্বর বিররণ 2:7

তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গোজ্যে। এই দাঙর্‌ ধূল্যেচর-চাগালার্‌ ভিদিরেন্দি যেবার্‌ অক্তত্‌ তে তমারে দেগাশুনো গোজ্যে। এই চোল্লিশ্‌ছুয়ো বজর্‌ তমা গোজেন লগেপ্রভু তমা লগে লগে থেইয়্যে আর তমার্‌ কনঅ কিজুর্‌ অভাব ন-এলঅ।