নহিমিয় 9:7 - Chakma Bible

⁷ তুয়ই লগেপ্রভু গোজেন। তুই অব্রামরে বেঈ লোইনে কল্‌দীয়গুনোর দেজ্‌ছান্‌ ঊরত্তুন্‌ নিগিলেনেই লোই এচ্ছ্যস্‌ আর তা নাঙান্‌ রাগেয়োচ্ছে অব্রাহাম।

নহিমিয় 9:7 Iomraidhean Croise

পত্থম 11:31

অব্রাম, লোট আর সারীরে নেযেইনে তেরহ কনান দেজত্‌ যেবাত্তে কল্‌দীয় দেজ ঊর শঅরত্তুন্‌ যাহ্ ধুরিলাক্‌। অব্রাম অলদে তেরহ পুয়ো, লোটে এলদে তেরহ নাদিন্‌, অত্তাৎ হারণর পুয়ো, আর সারী অলদে তেরহ পূদবো অব্রামর মোক্‌। পোইল্যাদি তারা হারণ নাঙে এক্কান শঅর্‌ সং গেলাক্ আর সিধু বজত্তি গরা ধুরিলাক্ ।

পত্থম 15:7

লগেপ্রভু অব্রামরে কলঅ, “মুই লগেপ্রভু। এ দেজচানর্‌ গিরোজ অবাত্তে মুয়ই তরে কল্‌দীয়গুনোর ঊর শঅরত্তুন্‌ নিগিলেই আন্যং।”

পত্থম 17:5

তরে অব্রাম (যিয়েনর্‌ ভেদ্‌‌তান ‘দাঙর্‌ বাপ্‌’) বিলিনে আর ডাগা ন-অবঅ, মাত্তর্‌ ইক্কেত্তুন্‌ ধুরি তঅ নাঙান্‌ অবঅ অব্রাহাম (যিয়েনর ভেদ্‌‌তান ‘বোউত্‌ মান্‌জোর্‌ বাপ্‌’); কিত্তে মুই তরে ভালোক্কুন জাদর্‌ আগ বাপ্‌ বানেই রাগেয়োং।

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

যিশাইয় 51:2

তমা বাব্‌পো অব্রাহাম আর তমারে যে জর্ম দিয়্যে সেই সারা ইন্দি রিনি চঅ। মুই যেক্কেনে তারে ডাক্যং সেক্কে তে অলদে একজন, আর মুই তারে বর্ দিইনে জনেদি ভালোক্কুন্ গুরিলুং।

দ্বি’লম্বর বিররণ 10:15

তো তমার্‌ পুরোণি মানুচ্চুনো উগুরে তার্‌ টান্ এলঅ বিলিনে তে তারারে কোচ্‌পেইয়্যে। তে পুরো জাদ ভিদিরেত্তুন্‌ তারার্‌ বংশধরুনোরে, অত্তাৎ তমারে বেঈ লোইয়্যে আর এচ্চ্যেয়ো তুমি সেই বেঈ লোইয়্যে জাদ ইজেবে আগঅ।