নহিমিয় 9:12 - Chakma Bible

¹² তুই দিনো অক্তত্‌ মেঘঅ ছাগ্‌কোই তারারে চালেইনে নেযেয়োচ্‌ আর রেদোত্‌ আগুনো জিল্লোই তারারে যেবার্‌ পদত্‌ পহর্‌ দুয়োচ্‌।

নহিমিয় 9:12 Iomraidhean Croise

গীতসংহিতা 105:39

তারারে ন-দেগিবাত্তে তে তার সেই মেঘ্‌কান মিলি দিলো, আর রেদোত্ পহ্‌র্ দিবাত্তে আগুন দিলো।

গীতসংহিতা 107:7

তে উজু পধেন্দি তারারে নেযেল যেনে তারা কনঅ শঅরত্ যেইনে বজত্তি গুরি পারন্।

গীতসংহিতা 143:8

বেন্যেমাদান্ তুই মরে কোচ্‌পানার কধা শুনেচ্, কিত্তে মুই তঅ উগুরে বিশ্বেজ্ গুরি আগং; কন্ পধেদি যাহ্ পুরিবো সিয়েন মরে দেগা; কিত্তে মঅ মনান্ মুই তইন্দি দুয়োঙর্।

গীতসংহিতা 78:14

দিনোত্ মেঘ দিইনে আর পুরো রেত্তো আগুনো পহ্‌র্‌লোই তে তারারে পথ দেগেয়্যে।

যাত্রা 15:13

তর্‌ অমহদ কোচ্‌পানায়্‌ তুই‌ যিগুনোরে ছাড়েই আনিলে তারারে তুয়ই চালেই নেযেবে। তর্‌ নিজোর্‌ বল্লোই‌ তর্‌ পবিত্র ঘরত্‌ তুই তারারে চালেই আনিবে।

যিহিষ্কেল 20:6

সেদিন্যে মুই তারা ইধু আরঅ শমক্ হেইয়োঙ, মিসর দেজত্তুন তারারে নিগিলেনে তারাত্তে যে দেজ্‌‌‌চান মুই ঠিগ্ গোজ্যং সে দেজত্ তারারে নেযেম্। সিদু দুধ, মধু আর কনঅ কিজুর অভাব নেই; সিয়েন বেগ্ দেজ্‌‌‌চানিত্তুন্ সেরা।

গণাণা 9:16

সে পরেত্তুন্‌ ধুরি অবস্থাগান্‌ সেধোক্কেন্ ওয়া ধুরিলো। থেবার-তাম্বুলান সেই মেঘকান্দোই নাট্যে থেদঅ আর রেদোত্‌ সিয়েন আগুনো ধোক্কেন্ দেগা যেদঅ।

গণাণা 9:21

মাঝে মোধ্যে মেঘ্‌কান বানা সাজোন্যাত্তুন্‌ ধুরি বেন্যেমাদান্ সং থেদঅ। বেন্যে অক্তত্‌ মেঘ্‌কান সোরেই গেলে তারা আরঅ যাহ্ ধুরিদাক। মেঘ্‌কান সোরেই গেলে তারা যাহ্ ধুরিদাক-সিয়েন দিনোত্‌ ওক্‌ বা রেদোত্‌ ওক্‌।

দ্বি’লম্বর বিররণ 1:33

তেয়ই দঅ তাম্বুলান ফেলেবার্‌ জাগায়ান ঠিগ্ গুরিবাত্তে আর পথ দেগেইনে তমারে নেযেবাত্তে রেদোত্‌ আগুনো ভিদিরেন্দি আর দিনোত্‌ মেঘ ভিদিরেন্দি যেবার পদথ্ তমার্‌ আগে আগে যেইয়্যে।