নহিমিয় 8:16 - Chakma Bible

¹⁶ সেনত্তেই মানুচ্চুনে যেইনে ডেলা আনিনে কয়েকজনে তারার্‌ ঘরর্‌ ছালঅ উগুরে বা উদোনত্‌ বা গোজেনর্‌ ঘরর্‌ উদোনত্‌ বা পানি-গেট্‌তোর্‌ চক্কর্‌বোত্‌ বা ইফ্রয়িম-গেট্‌তোর কায়-কুরে চক্কর্‌বোত্‌ নিজোত্তে নাদামান্‌জ্যর-ঘর্‌ বানেলাক্‌।

নহিমিয় 8:16 Iomraidhean Croise

২ শমূয়েল 11:2

সেক্কে একদিন্যে বেল্যেমাদান্ দায়ূদে তা বিচ্ছোনত্তুন্‌ উদিনে রাজঘরর্‌ ছালত্‌ বেড়ার্‌। এন্‌ সময়োত্‌ তে ছালঅ উগুরেত্তুন্‌ এক্কো মিলেরে গাদদে দেগিলো। মিলেবো চাদে অমকদ দোল্‌।

২ রাজাবলী 14:13

ইস্রায়েলর রাজা যিহোয়াশে বৈৎ-শেমশত্‌ অহসিয়োর নাদিন্‌, অত্তাৎ যোয়াশর পুয়ো যিহূদার রাজা অমৎসিয়রে বন্দী গুরিলো। সে পরেন্দি যিহোয়াশে যিরূশালেমত্‌ যেইনে সে জাগার দেবাল ইফ্রয়িম-গেদোত্তুন্‌ কোণাবোর্‌ গেট্টো সং পেরায় চেরশ আত্‌ লাম্বা এক ভাগ ভাঙি দিলাক্‌।

২ বংশধর 20:5

সেক্কে যিহোশাফটে লগেপ্রভুর ঘর নূয়ো উদোনত্‌ যিহূদা আর যিরূশালেমর বেক্‌ মানুচ্চুনো মুজুঙোত্‌ থিয়্যেইনে কলঅ,

২ বংশধর 33:5

লগেপ্রভুর ঘর দ্বিয়েন উদোনত্‌ তে আগাজর বেক্‌ তারাগুনোর্‌ নাঙে কয়েক্কো ডালিপূজো বানেল।

নহিমিয় 12:37

পয়নালার্‌-গেট্‌তোর্‌ কায়কুরে যিয়েনত্‌ দেবাল উগুরেন্দি উদি যেইয়্যেগোই সিয়েনত্‌ তারা উজু গুরিনে দায়ূদ-শঅরত্‌ উদেদে সিড়িগানন্দি উদিনে দায়ূদোর ঘরর্‌ কায়-কুরে পুগেন্দি পানি-গেট্‌তোত্‌ গেলাক্‌।

নহিমিয় 12:39

সে পরেন্দি ইফ্রয়িম-গেট্‌, যিশানা-গেট্‌, মাছ-গেট্‌, হননেলর তাম্বুলান্‌ আর হম্মেয়ার তাম্বুলোর্‌ কায়-কুরেন্দি মেষ-গেট্‌তুয়ো সং গেলাক্‌। সে পরেন্দি চুগিদার্‌-গেদোর্‌ ইদু যেইনে তারা থামেলাক্‌।

নহিমিয় 8:1

সাত্‌ মাজর্ আগেন্দি বেক্‌ মানুচ্চুনে একলগে মিলিনে পানি-গেদোর্‌ মুজুঙেন্দি চক্কর্‌বোত্‌ এগত্তর্‌ অলাক্‌। তারা ধর্ম-মাস্টর্‌ ইষ্রারে ইস্রায়েলীয়গুনোত্তে লগেপ্রভুর দিয়্যে উগুম্‌, অত্তাৎ মোশির রীদি-সুদোম বোইবো আনিবাত্তে কলাক্।

নহিমিয় 8:3

পানি-গেট্‌তোর্‌ মুজুঙোত্‌ চক্কর্‌বো ইন্দি মুয়োন্‌ ফিরেইনে মিলে-মরদ্‌ আর অন্য যিগুনে বুঝি পারন্‌ তারার্‌ ইদু তে বেন্যে মাদানত্তুন্‌ ধুরি দ্বিবুজ্যে সং সিয়েন্‌ পোড়েই শুনেল, আর বেক্‌ মানুচ্চুনে মন্‌ দিইনে রীদি-সুদোম বোইবোর্‌ কধা শুনেল।

যিরমিয় 19:13

যিরূশালেমর বেক্ ঘরানি আর যিহূদার রাজাগুনোর ঘরানি, অত্তাৎ যেদক্কানি ঘরর্ ছাল উগুরে বেলান, চানান আর তারাগুনো নাঙে তারা আগর্‌বাট্টি জ্বালেদাক আরে দেব-দেবেদাগুনো নাঙে ঢালন-উৎসর্বর জিনিস ঢালি দিদাক্ সেই বেক ঘরানি তোফত ধোক্ক্যেন অসিজি অবঅ।’ ”

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

দ্বি’লম্বর বিররণ 22:8

ঘর্‌ বানেবার অক্তত্‌ তুমি সিয়েন ছালর্‌ চেরোকিত্তে দেবাল ধোক্ক্যেন গুরি কিজু উজু গুরি দিবা, যেনে কনজনে ছাল উগুরেত্তুন পড়িনে মুরি গেলে ঘরর্‌ মানুচ্চুনে তার্‌ মরণানত্তে দায়ী ন-অন্‌।