নহিমিয় 8:12 - Chakma Bible

¹² সেক্কে বেক্‌ মানুচ্চুনে অমকদ হুজি ওইনে হানা-দানা গুরিবাত্তে আর হেবার্‌ ভাগ্‌কানি পাদেবাত্তে গেলাক্‌, কিত্যে যেদক্কানি কধা তারারে জানা ওইয়্যে সিয়েনি তারা বুঝি পাজ্যন্‌।

নহিমিয় 8:12 Iomraidhean Croise

১ বংশধর 29:22

সেদিন্যে তারা লগেপ্রভু মুজুঙোত্ অমকদ রংগ-ফুত্তি গুরিনে হানা-দানা গুরিলাক্‌। তারা দায়ূদো পুয়ো শলোমনরে এ দ্বিবার্‌ রাজা বিলিনে স্বীগের্‌ গুরিলাক্‌ আর তারে রাজা আর সাদোকরে ধর্মগুরু ইজেবে লগেপ্রভুর নাঙে অভিষেগ্ গুরিলাক্‌।

নহিমিয় 8:10

নহিমিয় কলদে, “তুমি যেইনে গম্‌ গম্‌ হানা আর মিষ্টি রস্‌ খঅ আর যিগুনোর্‌ কনঅ হেবার্‌ নেই তারারে কিজু কিজু পাধেই দুয়ো। এচ্ছ্যে দিন্নো অলদে আমা লগেপ্রভুর নাঙে পবিত্র। তুমি মনত্‌ দুঘ্ ন-আন্য, কিত্যে লগেপ্রভুর দিয়্যে হুজিগান্‌ অলদে তমার্‌ বল্‌।”

নহিমিয় 8:11

লেবীয়গুনে বেক্‌ মানুচ্চুনোরে জুরো গুরিনে কলাক্কে, “তুমি জুরো অ, কিত্যে এচ্ছ্যে দিন্নো পবিত্র। তুমি মনত্‌ দুঘ ন-আন্য।”

নহিমিয় 8:13

সে মাসত্‌ দ্বিদিনোত্‌ বেক্‌ বংশগুনোর্‌ মুরুব্বীগুনে, ধর্মগুরুগুনে আর লেবীয়গুনে রীদি-সুদোমানি গমেডালে বুঝেবাত্তে ধর্ম-মাস্টর্‌ ইষ্রার ইদু এগত্তর্‌ অলাক্‌।

ইষ্টের 9:22

ইয়েনর্‌ ভেদ্‌তান্ অলঅ, এ দ্বিবে দিনোত্‌ যিহূদীগুনে তারার্‌ শত্রুগুনোর আঢত্তুন্‌ মাব্‌ পেইয়োন আর সে মাজত্‌ তারার্‌ দুঘ্‌ আর আবিলেচ্‌ হানাগান্ মেইট্‌বান পালেইনে বুদুলি যেইয়্যে। তে তারারে লিগিলো যেনে তারা সেই দিনুনোত্‌ মেইট্‌বান আর হুজির দিন আহ্‌ একজন আরেকজনর ইদু খানা পাদেবার আর নাদামানুচ্চুনো ইদু বক্‌শিজ্‌ দিবার দিন বিলিনে পালান্‌।

ইয়োব 23:12

তা উগুমানিত্তুন্ মুই সুরি ন-এজং; মর্ নিত্য খাইদে জিনিজোত্তুন্অ বেশ্ তা মুয়ো কধানি মুই বোউত্ দাম দুয়োং।

গীতসংহিতা 119:111

তর্ কধানি মর্ উমরর্ সোম্বোত্তি; সিয়েনি মর্ মনর্ হুজি।

গীতসংহিতা 119:127

সেনত্তে মুই তর্ বেক উগুমানি সোনাত্তুন্ বেশ্, খাটি সোনাত্তুন বেশ্ গম পাং।

গীতসংহিতা 119:130

তঅ কধানি ফগদাং অলে সিয়েনিয়ে পহ্‌‌র্ ফুদেই দে; সিয়েনিয়ে সিদেসিদি মানুচ্চুনোরে বুঝিবার খেমতা দে।

গীতসংহিতা 119:14

ধন-সোম্বোত্তি পেলে মান্‌জ্যে যেবাবোত্যে হুজি অন্, তঅ কধানি মানিনে মুইয়ো সেবাবোত্যে হুজি অং।

গীতসংহিতা 119:16

তর্ সুদোম ভিদিরে থানা মুই হুজি অং; তর্ কধানি মুই ভুলি ন-যেম।

গীতসংহিতা 119:171

মঅ মুয়োন্দি তরে নাঙ্ গিনি পারং, কিত্তে তুয়ই মরে তর্ সুদোমানি শিগেই দুয়োর্।

গীতসংহিতা 119:174

ও লগেপ্রভু, তুই মরে উদ্ধোর্ গুরিবে সেনত্তে মুই আওজ্ গুরি বাজ্জেই আগং; তর্ বেক উগুমানি মর্ হুজির কধা।

গীতসংহিতা 119:72

তর্ মুয়োর উগুমানি মইদু আজার্ আজার্ সোনা-রূবোত্তুন্অ বেশ্ মংগা।

গীতসংহিতা 119:97

মুই তর্ উগুমানি কত্তমান্ গমপাং! গোদা দিন্নোবো মুই সিয়েনি ধ্যান গরং।

যিরমিয় 15:16

তঅ কধানি ফগদাং অলে পরেদি মুই সিয়েনি মনত্ গুজি ললুং; সে কধানি এলদে হুজির্ আর মঅ মনর্ সুগ, কিত্তে ও বেগত্তুন্ খেমতাবলা গোজেন লগেপ্রভু, মুই দঅ তরই।

লূকে লেখ্যে গম্ হবর্ 24:32

সেক্কে তারা একজন আরেক জনরে কলাক্, “পধত্ যেক্কে তে আমা সমারে কধা কর্ আর পবিত্র বোইবো বুঝেই দের্ সেক্কে আমা মনান্ কি জুলি জুলি ন-উদের্?”

রোমীয় 7:18

মুই হবর্ পাং মইধু, অত্তাৎ মঅ পাপ স্বভাব ভিদিরে গম্ বিলি কিচ্চু নেই। যিয়েন্ ঘেচ্চেকগুরি গম্ সিয়েন গুরিবার্ আওজ্ মর্ আঘে মাত্তর্ খেমতা নেই।

ফগদাং পেইয়্যে 11:10

তারা সিগুনোর্ কিয়্যেগানি গোরত্ দিবাত্যে ন-দিবাক্। তারা মুরি যেয়োন বিলিনে যিগুনে এ পিত্‌থিমীর সিগুনে হুজি অবাক্ আর ফুত্তি গুরিবাক্। মানুচ্চুনে একজন আরেকজনরে বক্‌শিজ্ পাধেবাক্, কারন যিগুনে এ পিত্‌থিমীর তারা এই দ্বিজন ভাববাদীত্যে দুঘ্ পেইয়োন।