নহিমিয় 8:10 - Chakma Bible

¹⁰ নহিমিয় কলদে, “তুমি যেইনে গম্‌ গম্‌ হানা আর মিষ্টি রস্‌ খঅ আর যিগুনোর্‌ কনঅ হেবার্‌ নেই তারারে কিজু কিজু পাধেই দুয়ো। এচ্ছ্যে দিন্নো অলদে আমা লগেপ্রভুর নাঙে পবিত্র। তুমি মনত্‌ দুঘ্ ন-আন্য, কিত্যে লগেপ্রভুর দিয়্যে হুজিগান্‌ অলদে তমার্‌ বল্‌।”

নহিমিয় 8:10 Iomraidhean Croise

১ রাজাবলী 8:66

তার্‌ কেল্যে রাজা মানুচ্চুনোরে বিদেয় দিলো। লগেপ্রভু তা চাগর্‌ দায়ূদ আর তা মানুচ্‌ ইস্রায়েলীয়গুনো উগুরে যেদক্কানি ভালেদি গোজ্যে সিয়েনত্তে অমকদ ফুত্তি আর হুজি ওইনে মানুচ্চুনে রাজারে ভালেদি জানেইনে ঘরত্‌ ফিরি গেলাক্।

১ বংশধর 16:27

তারে ঘিরিনে রোইয়্যেদে বাঈনী গরানা আর মহিমা; তার্‌ থেবার্‌ জাগানত্‌ রোইয়্যেদে বল্‌ আর হুজি।

নহিমিয় 8:11

লেবীয়গুনে বেক্‌ মানুচ্চুনোরে জুরো গুরিনে কলাক্কে, “তুমি জুরো অ, কিত্যে এচ্ছ্যে দিন্নো পবিত্র। তুমি মনত্‌ দুঘ ন-আন্য।”

নহিমিয় 8:12

সেক্কে বেক্‌ মানুচ্চুনে অমকদ হুজি ওইনে হানা-দানা গুরিবাত্তে আর হেবার্‌ ভাগ্‌কানি পাদেবাত্তে গেলাক্‌, কিত্যে যেদক্কানি কধা তারারে জানা ওইয়্যে সিয়েনি তারা বুঝি পাজ্যন্‌।

ইষ্টের 9:19

ইয়েনত্যেই আদামর্‌ যিহূদীগুনে, অত্তাৎ যিগুনে দেবাল নেইয়্যে জাগাত্‌ বজত্তি গরন্‌ তারা অদর মাজর্‌ চৌদ্দ দিনোর দিন্নোরে হুজির আর মেইট্‌বানর দিন আর একজন আরেকজনরে হানা পাদেবার দিন ইজেবে পালান্‌।

ইষ্টের 9:22

ইয়েনর্‌ ভেদ্‌তান্ অলঅ, এ দ্বিবে দিনোত্‌ যিহূদীগুনে তারার্‌ শত্রুগুনোর আঢত্তুন্‌ মাব্‌ পেইয়োন আর সে মাজত্‌ তারার্‌ দুঘ্‌ আর আবিলেচ্‌ হানাগান্ মেইট্‌বান পালেইনে বুদুলি যেইয়্যে। তে তারারে লিগিলো যেনে তারা সেই দিনুনোত্‌ মেইট্‌বান আর হুজির দিন আহ্‌ একজন আরেকজনর ইদু খানা পাদেবার আর নাদামানুচ্চুনো ইদু বক্‌শিজ্‌ দিবার দিন বিলিনে পালান্‌।

গীতসংহিতা 149:2

ইস্রায়েলে তার সিরিষ্টি গুরিয়্যেবোরে নিইনে ফুত্তি গোরোক্, সিয়োন মানুচ্চুনে তারার রাজাবোরে নিইনে হুজিয়্যে রাজিয়্যে থাদোক্।

গীতসংহিতা 89:17

তুয়ই দঅ তারার বলর্ শোভাগান; তর্ দোয়্যেলোই আমা বলর্ শিঙুন অজলত্ উদোন্।

গম্ উপদেজ্ 17:22

আজি-হুজি মনানে কিয়্যেগানরে গম্ রাগায়, মাত্তর্ ভাঙা মনানি কিয়্যেগানরে বর্‌বাত্ লাগায়।

উপদেশক 11:2

তঅ ধনুন্ নানান্ বাবোত্যেগুরি খাদা, কিত্তে পিত্‌থিমীত্ কি বাবোত্যে দজা এবঅ সিয়েন্ দঅ তুই হবর্ ন-পাজ্।

উপদেশক 2:24

সালে মান্‌জ্যর পক্ষে হানা-দানা গরানা আর নিজো কামত্ হুজি থানা বাদে গম্ আর কিচ্চু নেই। মুই দেগিলুং ইয়েনি বেক্কানি গোজেন আঢত্তুন্ এজে,

উপদেশক 3:13

ইয়েন গোজেনর্ দান, বেক্ মানুচ্চুনে হানা-দানা গুরিবাক্ আর তার বেক্ কামানিত্তে হুজি অবাক্।

উপদেশক 5:18

সে পরেদি মুই বুঝিলুং, গোজেনে বেলান তলেদি মান্‌জ্যরে যে কয়দিন বাঁজি থেবাত্তে দিয়্যে সেনত্তে হানা-দানা গরানা আর তার্ জদবদে কাম্ গরানার্ মাধ্যমে ঈল্ অনা তার্ তপ্পে গম্ আর যগাজ্যে, কিত্তে সিয়েনই তার্ পাওনা।

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

যিশাইয় 49:5

লগেপ্রভু তা চাগর্ অবাত্তে মরে পেদ ভিদিরে বানেয়্যে যেনে মুই যাকোবরে তাইদু ফিরেই নেযে পারং আর ইস্রায়েলরে তাইদু আনি পারং। মুই লগেপ্রভুর চোগেদি সর্মানিত আর মর্ গোজেনে মর্ বল্।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যোয়েল 2:23

ও সিয়োনর্ মানুচ্চুন, হুজি অ, তমা গোজেন লগেপ্রভুরে নিইনে ফুত্তি গরঅ, কিত্যে তার্ সততার্ কারনে তে তমারে শরৎকালর্ ঝড় দিয়্যে। তে তমারে বোউত্ ঝড় পাধেই দের্, আগ ধোক্ক্যেন শরৎ আর বসন্তকালর্ ঝড় দের্।

সখরিয় 14:21

যিরূশালেম আর যিহূদার পত্তি রানেদে পিলেগুন বেগত্তুন্ খেমতাবলা লগেপ্রভুর নাঙে সুদ্ধো-সাংগ অবাক্ আর যিগুনে য়েমান-উৎসর্বর অনুষ্ঠান পালেবাত্তে এবাক্ তারা সেই পিলেগুনোত্তুন কয়েক্কো নিইনে সিগুনোত্ রানিবাক্। সেদিন্যে বেগত্তুন্ খেমতাবলা লগেপ্রভুর ঘরত্ কনজনে বেবসা ন-গুরিবাক্।

লূকে লেখ্যে গম্ হবর্ 11:41

তমা থাল্-কদরা ভিদিরে যিয়েনি আঘে সিয়েনি বরং ভিক্ষ্যে ধোক্ক্যেন্ দান গরঅ; দেগিবা, বেক্কানি তমা ইধু সিজি অবঅ।

২ করিন্হীয় 8:2

বোউত্ দুঘোত্ তারার্ জদবদে পোরোক্ষ্যে চোল্ল্যে আর যুনিয়ো তারা অমকদ নাঢা মানুচ্ এলাক্, তো তারার্ মনত্ এদক হুজী এলঅ যে, তারা খুলো আঢে দান গোজ্জ্যন্।

ফিলিপীয় 3:4

মুই খালিক্ সিয়েন গুরি পাত্তুং। যুনি কেঅ মনে গরে, আচার-অনুষ্ঠান উগুরে নির্ভর্ গুরিবার্ তার কারন আঘে সালে তে হবর্ পোগ্ যে, মর্ তাত্তুন্ বেশ্ আরঅ কারন আঘে।

ফগদাং পেইয়্যে 11:10

তারা সিগুনোর্ কিয়্যেগানি গোরত্ দিবাত্যে ন-দিবাক্। তারা মুরি যেয়োন বিলিনে যিগুনে এ পিত্‌থিমীর সিগুনে হুজি অবাক্ আর ফুত্তি গুরিবাক্। মানুচ্চুনে একজন আরেকজনরে বক্‌শিজ্ পাধেবাক্, কারন যিগুনে এ পিত্‌থিমীর তারা এই দ্বিজন ভাববাদীত্যে দুঘ্ পেইয়োন।

১ শমূয়েল 25:8

তার কামগুরিয়্যেগুনোরে পুযোর্‌ গুরিলে তে সেই কধাগান জানি পারিবো। সেনত্যেই তে যেনে মর্‌ এই গাবুজ্যেগুনোরে গম্‌চোগে চাই, কিত্যে তারা তার হুজির্ দিনোত্‌ তাইদু এচ্ছোন্। সেনত্যেই তে যিয়েনি পারে সিয়েনিই যেনে তার এই চাগরুনোর আর তার পূঅ দায়ূদোরে দান গরে।”