নহিমিয় 8:1 - Chakma Bible

¹ সাত্‌ মাজর্ আগেন্দি বেক্‌ মানুচ্চুনে একলগে মিলিনে পানি-গেদোর্‌ মুজুঙেন্দি চক্কর্‌বোত্‌ এগত্তর্‌ অলাক্‌। তারা ধর্ম-মাস্টর্‌ ইষ্রারে ইস্রায়েলীয়গুনোত্তে লগেপ্রভুর দিয়্যে উগুম্‌, অত্তাৎ মোশির রীদি-সুদোম বোইবো আনিবাত্তে কলাক্।

নহিমিয় 8:1 Iomraidhean Croise

২ রাজাবলী 23:2

তে যিহূদা আর যিরূশালেমর মানুচ্চুনোরে, ধর্মগুরুগুনোরে, ভাববাদীগুনোরে আর জনগণ আর গণ্যমান্য বেক্‌ মানুচ্চুনোরে লোইনে লগেপ্রভুর ঘরত্‌ গেলঅ। লগেপ্রভুর ঘরত্‌ সুদোমর্‌ যে বোইবো পাহ্ গেলঅ সিবের্‌ বেক্‌ কধানি তে তারা ইদু পড়ে শুনেল।

২ বংশধর 34:15

হিল্কিয় সেক্কে রাজার লিগিয়্যে শাফনরে কলঅ, “লগেপ্রভুর ঘরত্‌ মুই রীদি-সুদোম বোইবো পেইয়োং।” ইয়েন্‌ কোইনে তে শাফনরে সে বোইবো দিলো।

২ বংশধর 34:30

তে যিহূদা আর যিরূশালেম মানুচ্চুনোরে, ধর্মগুরু আর লেবীয়গুনোরে আর গণ্যমান্য মুরুব্বী বেক্‌ মানুচ্চুনোরে লোইনে লগেপ্রভুর ঘরত্‌ গেলাক্‌। লগেপ্রভুর ঘরত্‌ সুদোম যে বোইবো পাহ্ যেইয়্যে সিবের্‌ বেক্‌ কধানি তে তারা ইদু পোড়েই শুনেল।

ইষ্রা 7:1

এই বেক্ ঘটনাগানির পরেদি পারস্যের রাজা অর্তক্ষস্তর রাজাগিরির্ সময়োত্ ইষ্রা বাবিলত্তুন্ এলঅ। ইষ্রা সরায়র পুয়ো, সরায় অসরিয়র পুয়ো, অসরিয় হিল্কিয়র পুয়ো,

ইষ্রা 7:10

ইষ্রা লগেপ্রভুর রীদি-সুদোম পড়িবার, সিয়েনি পালেবার আর তার্ সুদোম আহ্ উগুম ইস্রায়েল দেশত্ শিক্ষ্যে দিবাত্তে নিজোরে গোজেই দিলো।

ইষ্রা 7:11

যিবে ইস্রায়েলরে দিয়্যে লগেপ্রভুর বেক্ উগুম আর সুদোমানি বেপারে শিক্ষ্যে লাভ গোজ্যে সেই ধর্মগুরু আহ্ ধর্ম-মাষ্টর্ ইষ্রা ইদু রাজা অর্তক্ষস্ত এই চিধিগান লেখ্যে:

ইষ্রা 7:6

ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্‌‌তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে।

নহিমিয় 12:26

যেশূয়োর পূঅ, অত্তাৎ যোষাদকর নাদিন যোয়াকীম আর শাজন্‌গুরিয়্যে নহিমিয় আর ধর্মগুরু, ধর্মীয় মাস্টর্‌ ইষ্রার সময়োত্‌ ইগুনে চুগি দিদাক্‌।

নহিমিয় 12:37

পয়নালার্‌-গেট্‌তোর্‌ কায়কুরে যিয়েনত্‌ দেবাল উগুরেন্দি উদি যেইয়্যেগোই সিয়েনত্‌ তারা উজু গুরিনে দায়ূদ-শঅরত্‌ উদেদে সিড়িগানন্দি উদিনে দায়ূদোর ঘরর্‌ কায়-কুরে পুগেন্দি পানি-গেট্‌তোত্‌ গেলাক্‌।

নহিমিয় 8:16

সেনত্তেই মানুচ্চুনে যেইনে ডেলা আনিনে কয়েকজনে তারার্‌ ঘরর্‌ ছালঅ উগুরে বা উদোনত্‌ বা গোজেনর্‌ ঘরর্‌ উদোনত্‌ বা পানি-গেট্‌তোর্‌ চক্কর্‌বোত্‌ বা ইফ্রয়িম-গেট্‌তোর কায়-কুরে চক্কর্‌বোত্‌ নিজোত্তে নাদামান্‌জ্যর-ঘর্‌ বানেলাক্‌।

নহিমিয় 8:3

পানি-গেট্‌তোর্‌ মুজুঙোত্‌ চক্কর্‌বো ইন্দি মুয়োন্‌ ফিরেইনে মিলে-মরদ্‌ আর অন্য যিগুনে বুঝি পারন্‌ তারার্‌ ইদু তে বেন্যে মাদানত্তুন্‌ ধুরি দ্বিবুজ্যে সং সিয়েন্‌ পোড়েই শুনেল, আর বেক্‌ মানুচ্চুনে মন্‌ দিইনে রীদি-সুদোম বোইবোর্‌ কধা শুনেল।

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

লেবীয় 9:5

তারা মোশির্‌ উগুম মজিম্ বেক্‌ জিনিস্‌ছানি মিলন-তাম্বুলো মুজুঙোত্ আনিলাক্ আর ইস্রায়েলীয়গুনে বেক্কুনে যেইনে লগেপ্রভুর্ মুজুঙোত্ থিয়েলাক।

মালাখি 4:4

তুমি মঅ চাগর্ মোশির রীদি-সুদোমর্ কধা, অত্তাৎ মুই তারে হোরেবত্ বেক ইস্রায়েলত্তে যেদক্কানি সুদোম আর উগুম দুয়োং সিয়েনি ইদোত্ তুলো।

মথি লেখ্যে গম্ হবর্ 13:52

সেক্কে যীশু তারারে কলঅ, “স্বর্গ-রেজ্যেগান পৌইদ্যেনে যিদুক্কুন ধর্ম মাষ্টরে শিক্ষ্যে পেইয়োন তারা বেক্কুন এমন্ এক্কো গিরোজ ধোক্ক্যেন্ যিবে তা ভান্ডালত্তুন্ নুয়ো আর পূরোণ জিনিস নিগিলায়।”

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 23:2

রীতি-সুদোম শিক্ষ্যে দেনা পৌইদ্যেনে ধর্ম-মাষ্টরুনে আর ফরীশীগুনে মোশি জাগানত্ আগন্।

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

বিচের গুরিয়্যেগুন 20:1

ইয়েনর্ পরেন্দি গিলিয়দর ইস্রায়েলীয়গুনে আর দানত্তুন বের্‌-শেবা সং পুরো চাগালায়ানর ইস্রায়েলীয়গুনে বেক্কুনে নিগিলি এলাক্‌ আর মিস্পাত্‌ লগেপ্রভুর ইদু এগত্তর অলাক্‌।

বিচের গুরিয়্যেগুন 20:8

সেক্কে বেক্‌ মানুচ্চুনে একসমারে ঠিয়্যেই উদিনে কলাক্‌, “আমি কনজনে ঘরত্‌ ন-যেবং; আমা ভিদিরে একজনেয়ো ফিরি ন-যেবা।