নহিমিয় 7:73 - Chakma Bible

⁷³ ধর্মগুরুগুনে, লেবীয়গুনে, চুগিদারুনে, গানগেইয়্যেগুনে, উবোসনা-ঘরর্‌ সেবাগুরিয়্যেগুনে আর অন্য মানুচ্চুনে, অত্তাৎ বেক্‌ ইস্রায়েলীয়গুনে সাত্‌ মাসর্‌ আগেন্দি যে যার্‌ আদামত্‌ আর শঅরত্‌ বজত্তি গরা ধুরিলাক্‌।

নহিমিয় 7:73 Iomraidhean Croise

২ রাজাবলী 7:10

সেনত্তে তারা যেইনে শঅর-গেদো চুগিদারুনোরে ডাগিনে কলাক্‌, “আমি অরামীয়গুনোর তাম্বুলোত্‌ যেইয়্যেই। সিদু এক্কো মানুচ্‌অ নেই, কারঅ রঅয়ো নেই; বানা ঘোড়া আর গাধাগুন্‌ বান্যে আগন্‌ আর তাম্বুলানি যেবাবোত্যে এলঅ সেবাবোত্যে গুরি রাগেইনে তারা যেইয়োন্‌।”

১ বংশধর 9:2

যিগুনে পত্তমে ফিরি এচ্ছ্যন্‌ নিজো শঅরত্‌ আর আদামত্‌ নিজো জাগা-জোমি উগুরে আরঅ বজত্তি গরানা আরাম্ভ গুরিলাক্‌ তারা অলাক্কে ধর্মগুরু, লেবীয়, তবনা-ঘরর্‌ সেবাগুরিয়্যে আর অন্য ইস্রায়েলীয়গুন।

ইষ্রা 2:70

ধর্মগুরুগুন, লেবীয়গুন, গানগেইয়্যেগুন, উবোসনা-ঘরর্ চুগিদারুন আর সেবাগুরিয়্যেগুন আর অন্য মানুচ্চুন্ অত্তাৎ বেক্ ইস্রায়েলীয়গুন যে যার্ আদামত্ আর শঅরত্ বজত্তি গরা ধুরিলাক।

ইষ্রা 3:1

ইস্রায়েলীয়গুনে নিজোর্ নিজোর্ আদামত্ আর শঅরত্ বজত্তি গরানা আরাম্ভ গরানার্ পরেদি সাত মাজত্ বেক মানুচ্চুনে একসমারে মিলিনে যিরূশালেমত্ এগত্তর্ অলাক্।

নহিমিয় 11:3

বোউত্‌ ইস্রায়েলীয়, ধর্মগুরু, লেবীয়, উবোসনা-ঘরর্‌ সেবাগুরিয়্যে আর শলোমনর্ চাগরুনোর্‌ বংশধরুনোরে যিহূদা দেজর্‌ নানান্‌ আদামত্‌ নিজোর্‌ নিজোর্‌ ভূইয়োত্‌ বজত্তি গুরিদাক্‌। ইয়েনিবাদেয়ো যিহূদা আর বিন্যামীন-গুট্টির কয়েক্কো মান্‌জ্যে যিরূশালেমত্‌ বজত্তি গুরিদাক্‌। দেজর্‌ যিদুক্কুন্‌ নেতায় যিরূশালেমত্‌ বজত্তি গুরিদাক্‌ তারা অলাক্‌: যিহূদার বংশধরুনো ভিদিরেত্তুন্‌ উষিয়োর পূঅ অথায় আর বারূকোর পূঅ মাসেয়। উষিয়োর পূরোণিমানুচ্চুন্‌ অলাক্‌ সখরিয়, অমরিয়, শফটিয়, মহললেল আর পেরস। বারূকোর পূরোণিমানুচ্চুন্‌ অলাক্‌ কল্‌হোষি, হসায়, অদায়া, যোয়ারীব, সখরিয় আর শীলোনীয়।

নহিমিয় 7:72

বাদবাগি মানুচ্চুনে দিলাক্‌ বেক্কুনে একশঅ ত্রিশ কেজি সোনা, এক আজার তিনশঅ কেজি রূবো আর ধর্মগুরুগুনোত্তে সাতষট্টিবো পোজাক্‌।