নহিমিয় 7:72 - Chakma Bible

⁷² বাদবাগি মানুচ্চুনে দিলাক্‌ বেক্কুনে একশঅ ত্রিশ কেজি সোনা, এক আজার তিনশঅ কেজি রূবো আর ধর্মগুরুগুনোত্তে সাতষট্টিবো পোজাক্‌।

নহিমিয় 7:72 Iomraidhean Croise

২ রাজাবলী 22:14

এ কধাগান্‌ শুনিনে ধর্মগুরু হিল্কিয়, অহীকাম, অক্‌বোর, শাফন আর অসায় মিলে-ভাববাদী হুল্‌দা ইদু যেইনে তা লগে কধাবার্তা কলাক্‌। হুল্‌দা অলদে কাবড়-চুগোর্‌ রোক্ষ্যেগুরিয়্যে শল্লুমো মোগ্‌। শল্লূম অলদে হর্হসের নাদিন, অত্তাৎ তিক্‌বর পুয়ো। হুল্‌দা যিরূশালেমর দ্বিলম্বর্‌ ভাগত্‌ বজত্তি গুরিদো।

ইষ্রা 3:1

ইস্রায়েলীয়গুনে নিজোর্ নিজোর্ আদামত্ আর শঅরত্ বজত্তি গরানা আরাম্ভ গরানার্ পরেদি সাত মাজত্ বেক মানুচ্চুনে একসমারে মিলিনে যিরূশালেমত্ এগত্তর্ অলাক্।

নহিমিয় 10:28

আমি বাদবাগি মানুচ্চুনে, অত্তাৎ ধর্মগুরুগুনে, লেবীয়গুনে, রোক্ষীগুনে, গানগেইয়্যেগুনে, উবোসনা-ঘরর্‌ সেবাগুরিয়্যেগুনে আর গোজেনর রীদি-সুদোমানি পালেবাত্তে যিগুনে কায়-কুরে জাদ্‌‍‌‍তুনো ভিদিরেত্তুন্‌ নিজোরে ফারগ্‌ গুরি নেযেয়োন্‌, আমা মোগ্‌কুন আর আমা যিদুক্কুন্‌ ঝি-পূঅর্‌ বুঝিবার্‌ জ্ঞান্‌ ওইয়্যে, আমি বেক্কুনে আমা ভেইয়ূনোরে, অত্তাৎ মুরুব্বীগুনোর্‌ লগে মিজের্‌। আমি কোত্তে, আমি যে শমক্‌কান্ হেবাত্তে যের্‌ সিয়েন্‌ যুনি আমি ন-পালেই সালে আমা উগুরে অভিশাব্‌পান পড়ে। আমি গোজেনর চাগর্‌ মোশির মাধ্যমে দিয়্যে গোজেনর্‌ রীদি-সুদোম্ মজিম চলিবোং আর আমা প্রভু লগেপ্রভুর বেক্‌ উগুমানি, হুকুমানি আর সুদোমানি যত্তন্‌ গুরিনে পালেবং।

নহিমিয় 7:71

বংশর মুরুব্বীগুনে কয়েকজনে এ কামানিত্তে একশঅ ত্রিশ কেজি সোনা আর এক আজার চের্‌শঅ ত্রিশ কেজি রূবো ধনভান্ডালত্‌ দিলো।

নহিমিয় 7:73

ধর্মগুরুগুনে, লেবীয়গুনে, চুগিদারুনে, গানগেইয়্যেগুনে, উবোসনা-ঘরর্‌ সেবাগুরিয়্যেগুনে আর অন্য মানুচ্চুনে, অত্তাৎ বেক্‌ ইস্রায়েলীয়গুনে সাত্‌ মাসর্‌ আগেন্দি যে যার্‌ আদামত্‌ আর শঅরত্‌ বজত্তি গরা ধুরিলাক্‌।