নহিমিয় 7:3 - Chakma Bible

³ মুই তারারে কলুঙ্‌, “রোদ বেশ্‌ ন-অনা সং যিরূশালেমর গেট্‌তুন্‌ যেনে ন-খুলোন্‌। চুগিদারুনে যেবার্‌ আগেন্দি যেনে দোরানি বানা অয় আর হুক্কুন্‌ দিয়্যে অয়। যিরূশালেমর আদাম্মেগুনোর ভিদিরেত্তুন্‌ যেনে চুগিদারুনোরে নেযা অয়। তারাত্তুন্‌ কয়েকজনে থাদোক্‌ চুগি দিবার্‌ জাগানত্‌ আর কয়েকজনে থাদোক্‌ তারার্‌ নিজো নিজো ঘরর্‌ ইদু।”

নহিমিয় 7:3 Iomraidhean Croise

নহিমিয় 13:19

মুই এ উগুমান্‌ দিলুঙ্‌, জিরেবার্‌ দিন্নোত্‌ পত্তমে যেক্কে যিরূশালেমর গেট্টুনো উগুরে সাজোন্যে ছাবা লামি এবঅ সেক্কে যেনে গেট্টুন্‌ বানা অয় আর জিরেবার্‌ দিন্নো থুম্‌ ন-অনা সং সিবে বানি রাগা অয়। জিরেবার্‌ দিন্নো যেনে কনঅ বুধি ভিদিরে আনা ন-অয় সিবে চেবাত্তে মুই মর্‌ নিজোর্‌ কয়েক্কো কাম্‌গুরিয়্যেরে গেট্টুনোত্‌ নেযেলুঙ্‌।

নহিমিয় 3:23

সে পরেন্দি ভাগ্‌কান ঠিগ্‌ গুরিলাক্‌ বিন্যামীন আর হশূব। ইয়েন্‌ অলদে তারার্‌ ঘরর্‌ মুজুঙোন্দি ভাগ্‌কান। সে পরেন্দি ভাগ্‌কান মাসেয়র পূঅ অসরিয় ঠিগ্‌ গুরিলো। এ ভাগ্‌কান অলদে তা ঘরর্‌ কায়-কুরে ভাগ্‌কান। মাসেয় অলদে অননিয়োর পূঅ।

নহিমিয় 7:2

মর্‌ ভেই হনানি আর তাম্বুলোর্‌ সেনাপতি হনানিয়রে মুই যিরূশালেমর কাম ভারান্‌ দিলুঙ্‌, কিত্যে হনানিয় গম্‌ মানুচ্‌ এলঅ আর গোজেনরে বেক্কুনোত্তুন্‌ বেশ্‌ ভোক্তিগুরিনে দোরেদ।

নহিমিয় 7:4

এধোক্কেন্‌ বেবস্থা গরা অলঅ, কিত্যে যিরূশালেম শঅরান্‌ অলদে দাঙর্‌ আর বোউত্‌ জাগা, মাত্তর মানুচ্‌ অলাক্কে অমকদ কম্‌ আর ঘর্‌অ সেক্কে বানা ন-অয়।

গীতসংহিতা 127:1

লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।

গীতসংহিতা 147:13

তেয়ই দঅ তঅ গেট্‌তুনোর লাগাড়াগুন দরমর গোজ্যে, তঅ জাগা ভিদিরে বজত্তি গোজ্যে মানুচ্চুনোরে বর্ দিয়্যে।

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।