নহিমিয় 6:9 - Chakma Bible

⁹ তারা আমা কামানি দোঙেই রাগেবাত্তে এ কধানি কোইনে আমারে দর্‌বুগ্‌ লাগেবার্‌ চেট্ট্যা গরা ধুরিলাক্‌। ও গোজেন্‌, ইক্কিনে তুই মঅ আঢত্‌ বল্‌ দে।

নহিমিয় 6:9 Iomraidhean Croise

২ বংশধর 15:7

মাত্তর্‌ তুমি দরমর অ, নিরাজ্ ন-অবা, কিত্তে তমা কামর্‌ বক্‌শিজ্ তুমি পেবা।”

২ বংশধর 32:18

সন্‌হেরীবোর মানুচ্চুনে ইব্রীয় কধান্দি রঅ ছাড়িনে সে কধাগান কুয়ো ধুরিলাক্‌, যেনে যিরূশালেমর যে মানুচ্চুনে দেবাল উগুরে এলাক্‌ তারা অমকদ দোরান্‌ আর আসিরিয়ার মানুচ্চুনে শঅরান্‌ গজক্‌ গুরি নেযেই পারন্‌।

ইষ্রা 1:6

তারার্ বেক পাড়াল্যেগুনে রুবোর্ পিলে, সনা, অন্য পযাপিরা, য়েমানপাল আর মংগা মংগা জিনিস দিইনে তারারে সাহায্য গুরিলাক্ আর গোজেনর্ ঘরত্যে নিজোর্ আওজে বক্‌‌‌শিজ্অ দিলাক্।

নহিমিয় 6:14

ও মর্‌ গোজেন, টোবিয় আর সন্‌বল্লটে যিয়েনি গোজ্যন্‌ সিয়েনি তুই মনত্‌ রাগা। মিলে-ভাববাদী নোয়াদিয়া আর বাদবাগি যিদুক্কুন্‌ ভাববাদীয়্যে মরে দোরেবাত্তে চেট্ট্যা গোজ্যন্‌ তারার্‌ কধানিয়ো মনত্‌ রাগেচ্‌।

গীতসংহিতা 138:3

মুই যেক্কেনে তরে ডাগিলুং তুই মরে জোব্ দিলে; মঅ মনত্ খেমতা দিইনে তুই মরে সাহসী বানেয়োচ্।

গীতসংহিতা 56:3

মনত্ দর্‌বুক্ লাগিলে মুই তঅ উগুরে বিশ্বেজ্ গুরিম।

গীতসংহিতা 68:35

ও গোজেন, তর্ পবিত্র জাগানত্ তুই থেলে ভোক্তিবলা দর্‌বুক্ লাগে। ইস্রায়েলর গোজেন তা মানুচ্চুনোর বল্ আর খেমতা দে। গোজেনর বাঈনী ওক্!

গীতসংহিতা 71:1

ও লগেপ্রভু, মুই তইদু আশ্রয় নেযেয়োং, মরে কনদিন্‌অ লাজত্ ন-ফেলেজ্।

যিশাইয় 40:29

তে বল্‌‌‌পোজ্যেগুনোরে বল্ দে আর বল্ নেইয়্যেগুনোরে বল্ বাড়েই দে।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিরমিয় 38:4

সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

যিহিষ্কেল 30:24

মুই বাবিল রাজার আঢত্ খেমতা দিম আর মঅ লাম্বা ছুরিগান্ তা আঢত্ দিম, মাত্তর্ ফরৌণর আঢ্‌‌‌‌তানি মুই ভাঙি ফেলেম। সেক্কে ফরৌণে বাবিল রাজার মুজুঙোত্ আহত মান্‌‌‌‌জ্য ধোক্ক্যেন এগুর্-উগুর্ হেবঅ।

সখরিয় 10:12

মর্ খেমতালোই মুই তারারে বোলী গুরিম আর মর্ আওজ্ মজিম তারা আদাউদো গুরিবাক্। মুই লগেপ্রভু এ কধাগান কঙর্।”

২ করিন্হীয় 12:9

মাত্তর্ তে মরে কোইয়্যেদে, “মর্ দোয়্যেগান্ তর্ পক্ষে যদেষ্ট; কিয়া বল্‌পোজ্জ্যেগানর্ মাধ্যমে মর্ বলান্ পুরোপুরি গুরিনে ফগদাং অয়।” সেনত্যে মর্ বল্‌গোজ্জ্যেগান পৌইদ্যেনে মুই অমকদ হুজি ওইনে বাড়্ গুরিম, যেন খ্রীষ্টর্ খেমতাগান্ মঅ উগুরে থায়।

ইফিষীয় 3:16

মুই তবনা গরং যেন গোজেনর্ শেচ্‌-নেইয়্যে মহিমা অনুসারে তে তমারে এমন্‌ খেমতা দে যেনে পবিত্র আত্মার মাধ্যমে তমা মনানি খেমতাবলা অয়,

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

ইব্রীয় 12:12

সেনত্যে তমার্ বেসত্ আঢ্‌তানি আর গির্‌গিরেইদ্যে আঢুগিলেগুন দরমর গরঅ।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।