নহিমিয় 4:7 - Chakma Bible

⁷ মাত্তর্‌ সন্‌বল্লট, টোবিয়, আরবীয়োগুনে, অম্মোনীয়গুনে আর অস্‌দোদর মানুচ্চুনে যেক্কে শুনিলাক্‌, যিরূশালেমর দেবালান্‌ ঠিগ্‌ গরানার্‌ কামান্‌ উজেই যেইয়্যে আর ফাক্‌কানি বন্দ গরা অর্‌ সেক্কে তারা অমকদ রাগ্‌ তুলিলাক্‌।

নহিমিয় 4:7 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

২ রাজাবলী 24:2

লগেপ্রভু যিহোয়াকীমোর বিরুদ্ধে বাবিলোনীয়, অরামীয়, মোয়াবীয় আর অম্মোনীয় লুট্‌ গুরিয়্যে মানুচ্চুনোরে পাধেই দিলো। লগেপ্রভু তা চাগরুনোরে, অত্তাৎ ভাববাদীগুনোরে দিইনে যে কধাগান ফগদাঙ্‌ গোজ্যে সেই মজিম্ যিহূদা দেজ্‌ছানরে ভস্ত গুরিবাত্তে তে তারারে পাধেই দিলো।

২ বংশধর 20:1

ইয়েন পরেন্দি মোয়াবীয়গুনে, অম্মোনীয়গুনে আর মায়োনীয়গুনোর কিজু মান্‌জ্যে যিহোশাফট বিরুদ্ধে যুদ্ধো গুরিবাত্তে এলাক্‌।

ইষ্রা 5:8

মহারাজে যেনে হবর্ পায় যে, আমি যিহূদা রেজ্যত্ দাঙর্ গোজেনর্ ঘরত্ যেইয়্যেই। মানুচ্চুনে দাঙর্ দাঙর্ পাত্তরলোই ঘরান্ বানেয়োন আর দেবাল উগুরে বীম বজাদন্। অমকদ যত্তন্ গুরিনে কামান্ গরা অর্ আর সিয়েন ফলেদে ধোক্ক্যেন উজেই যার্।

নহিমিয় 2:10

ইস্রায়েলীয়গুনোরে ভালেদি গুরিবাত্তে এক্কো মানুচ্‌ এচ্ছ্যে শুনিনে হোরোণীয় সন্‌বল্লট আর অম্মোনীয় মুরুব্বী টোবিয় অমকদ বেজার্‌ অলঅ।

নহিমিয় 2:19

মাত্তর্‌ হোরণীয় সন্‌বল্লট, অম্মোনীয় মুরুব্বী টোবিয় আর আরবীয় গেশম্‌ এ কধাগান শুনিনে আমারে ঘিনা ধুরিলাক্‌। তারা কলাক্‌, “তুমি ইয়েন কি গরর্‌? তুমি কি রাজার বিরুদ্ধে উল্লোমি গুরিবা?”

নহিমিয় 4:1

আমি আরঅ দেবালান্‌ বানের্‌ শুনিনে সন্‌বল্লটে রাগে আগুনো ধোক্কেন্‌ ওই গেলঅ আর অমকদ বেজার্‌ অলঅ। তে যিহূদীগুনোরে ঠাট্টা গরা ধুরিলো।

নহিমিয় 4:6

দেবালান্‌ যেদক্‌ অজল্‌ অবঅ সিয়েনর্‌ অদ্দেকান্‌ সং এধোক্কেন্‌ গুরিনে আমি তুলিলোং, কিত্যে মানুচ্চুনে তারার্‌ বেক্‌ মনান্‌-পরাণান দিইনে কাম্‌ গোজ্যন্‌।

নহিমিয় 4:8

তারা বেক্কুনে মিলিনে এ কুজুরোমিগান্‌ গুরিলাক্‌, তারা যেইনে যিরূশালেমর বিরুদ্ধে যুদ্ধো গুরিবাক্‌ আর বেজাল্‌ আরাম্ভ গুরি দিবাক্‌।

নহিমিয় 6:16

আমা বেক্‌ শত্রুগুনে যেক্কে এ কধাগান শুনিলাক্‌ আর কায়-কুরে বেক্‌ জাদ্‌তুনে সিয়েন্‌ দেগিলাক্‌ সেক্কে আমা শত্রুগুনে সাহস আরেলাক্‌, কিত্যে তারা বুঝিলাক্‌, এ কামান্‌ আমা গোজেনর বল্লোই গরা ওইয়্যে।

যিরমিয় 25:20

সিদুগোর্ বেক বিদেশীগুনোরে; ঊষ দেজর্ বেক রাজাগুনোরে; পলেষ্টীয়গুনোর বেক রাজাগুনোরে, অত্তাৎ অস্কিলোন, গাজা, ইক্রোণ আর অস্‌দোদর বাদবাগি ভাগ্‌কানর রাজাগুনোরে;‌‌‌‌‌

যিরমিয় 41:10

ইশ্মায়েলে মিসপার বাদ্‌‌বাগি বেক মানুচ্চুনোরে বন্দী গুরিলো। সিগুনো ভিদিরে এলাক্ রাজার ঝিগুন আর সিধু থোই যেয়্যে অন্য বেক্ মানুচ্চুন। রাজার্ রোক্ষ্যে দলর্ সেনাপতি নবূষরদনে এই বেক্ মানুচ্চুনো উগুরে গদলিয়রে বোজেই দিয়্যে। ইশ্মায়েল তারারে বানি লোইনেই অম্মোনীয়গুনো ইধু পার ওই যেবাত্যে যাহ্ ধুরিলো।

আমোষ 1:13

লগেপ্রভু কত্তে, “অম্মোনর তিনেন্ পাপ, এমন কি, চেরান পাপর্ কারনে মুই হামাক্কায় তারে সাজা দিম, কিত্যে তা দুজিগান বাড়েবাত্তে তে গিলিয়দর্ পিদিলী মিলেগুনোর্ পেট্‌‌‌তুন ফাদি দিয়্যে।

আমোষ 1:8

মুই অস্‌‌দোদ মানুচ্চুনোরে আর অস্কিলোনত্ যে মানুচ্চো রাজলুদিক্কো ধুরি আঘে তারে ভস্ত গুরিম। মুই ইক্রোণ বিরুদ্ধে মঅ আঢ্‌‌তান তুলিম, সেক্কে পলেষ্টীয়গুনোর বাঁজি থেইয়্যে মানুচ্চুনে মুরি যেবাক্।”‌‌

আমোষ 3:9

তুমি অস্‌দোদ আর মিসরর বেক ঘরানির্ মানুচ্চুনো ইধু কঅ, “তুমি শমরিয়ার মুড়োগুনো উগুরে এগত্তর্ অ; চঅ, সিয়েন ভিদিরে কদক্ যাগুলুক্! তা মানুচ্চুনো ভিদিরে কদক্ অত্যেচার!”

প্রেরিত্‌ 5:33

এ কধাগান শুনিনে সেই নেতাগুনে রাগে আগুন ওই উদিলাক্ আর দিপাধেয়্যে প্রচারক্কুনোরে মারে ফেলেবাত্তে চেলাক্,

ফগদাং পেইয়্যে 12:17

সেক্কে সেই দানপ্পো সেই মিলেবো উগুরে অমকদ রাগ গুরিলো; আর সেই মিলেবো গুট্টির বাদ্‌বাগী মানুচ্চুন্, অত্তাৎ যিগুনে গোজেনর্ উগুম পালান্ আর যীশুর শিক্ষ্যেনি ধুরি রাগান্ তারা বিরুদ্ধে তে যুদ্ধো গুরিবাত্যে গেলঅ আর দোজ্জ্যে সাগর পারত্ থিয়্যেই রলঅ।

১ শমূয়েল 11:2

অম্মোনীয় নাহশে জোবত্‌ তারারে কলঅ, “মুই এক্কো শর্তলোই তমা লগে চুক্তি গুরি পারং। সিয়েন অলঅ, তমার পত্তিজনর্‌ ডেন্‌ চোক্কো তুলি ফেলা অবঅ। সিয়েন গুরিনে মুই বেক্‌ ইস্রায়েল জাদ্‌‌‌তোরে অসর্মান গুরিম।”