নহিমিয় 4:6 - Chakma Bible

⁶ দেবালান্‌ যেদক্‌ অজল্‌ অবঅ সিয়েনর্‌ অদ্দেকান্‌ সং এধোক্কেন্‌ গুরিনে আমি তুলিলোং, কিত্যে মানুচ্চুনে তারার্‌ বেক্‌ মনান্‌-পরাণান দিইনে কাম্‌ গোজ্যন্‌।

নহিমিয় 4:6 Iomraidhean Croise

১ বংশধর 29:14

“মাত্তর্‌ ও প্রভু, মুই কন্না বা মর্‌ মানুচ্চুনে বা কন্না, আমি ইঙিরিনে হুজি ওইনে দান গুরি পারিই? বেক্কানি দঅ তত্তুন্‌ এজে। তঅ আদত্তুন্‌ যিয়েনি পেইয়োং মুই বানা তরে সিয়েনি দুয়োঙ্‌।

১ বংশধর 29:3

এ পবিত্র তবনা-ঘরানত্তে মুই যিয়েনি থুবেয়োং সিয়েনি বাদেয়ো মর্‌ গোজেন ঘরান উগুরে মর্‌ কোচ্‌পানার্‌ কারনে ইক্কিনে মুই মর্‌ নিজোর্‌ সোনা আর রূবো দুয়োঙর্‌।

২ বংশধর 29:36

গোজেনে তা মানুচ্চুনোত্তে এ বেক্‌ কামানি খুব্‌ যাদিমাদি গোজ্যে বিলিনে হিষ্কিয় আর বেক্‌ মানুচ্চুনে রঙ্গ-ফুত্তি গুরিলাক্‌।

নহিমিয় 4:5

তারার্‌ অন্যেয়ানি তুই মাব্‌ ন-গুরিচ্‌ বা তঅ চোগোর্‌ মুজুঙোত্তুন্‌ তারার্‌ পাপ্পানি তুই ফুজি ন-ফেলেচ্‌, কিত্যে যিগুনে দেবালান্‌ গাদাদন্‌ তারার্‌ মুজুঙোত্‌ তারা তরে অগমান্‌ গোজ্যন্‌।”

নহিমিয় 4:7

মাত্তর্‌ সন্‌বল্লট, টোবিয়, আরবীয়োগুনে, অম্মোনীয়গুনে আর অস্‌দোদর মানুচ্চুনে যেক্কে শুনিলাক্‌, যিরূশালেমর দেবালান্‌ ঠিগ্‌ গরানার্‌ কামান্‌ উজেই যেইয়্যে আর ফাক্‌কানি বন্দ গরা অর্‌ সেক্কে তারা অমকদ রাগ্‌ তুলিলাক্‌।

নহিমিয় 6:15

ইলূল মাজর্‌ পোজোচ্‌ তারিগোত্‌, বায়ূন্নো দিনোত্‌ দেবালান্‌ তুলোনা থুম্‌ অলঅ।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

গীতসংহিতা 122:3

সেই যিরূশালেমানরে এক্কান দোল্ শঅর্ ইজেবে বানা ওইয়্যে, যিয়েন ভিদিরে কনঅ ভস্ত জাগা নেই।

হগয় 1:14

ইয়েনর্ পরেদি লগেপ্রভু যিহূদার শাজন্‌গুরিয়্যে সরুব্বাবিলর, দাঙর্ ধর্মগুরু যিহোশূয়র আর বাদবাগি বেক্ মানুচ্চুনোর মনানি জাগেই তুলিলো। সেক্কে তারা বেক্কুনে এইনে তারার্ বেগত্তুন্ খেমতাবলা লগেপ্রভুর ঘরর কাম গরানা আরাম্ভ গুরি দিলাক্।

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।