নহিমিয় 4:15 - Chakma Bible

¹⁵ আমা শত্রুগুনে যেক্কে হবর্‌ পেলাক্‌, আমি তারার্‌ কুজুরোমির কধানি হবর্‌ পেই আর গোজেনে সিয়েনি বিফল গুরি দিয়্যে, সেক্কে আমি বেক্কুনে দেবালর্‌ কায়-কুরে যেইনে যে যার্‌ কামত্‌ লাগি গেলঙ্‌।

নহিমিয় 4:15 Iomraidhean Croise

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

নহিমিয় 4:16

সেদিন্যেত্তুন্‌ ধুরি মর্‌ অদ্দেক্‌ মান্‌জ্যে কাম্‌ গরা ধুরিলাক্‌ আর বাদবাগি অদ্দেক্‌ সেল্‌, ঢাল, ধনু আর জাদিলোই যুক্কোল্‌ ওই রলাক্‌। যিহূদার যিদুক্কুন্‌ মান্‌জ্যে দেবালান্‌ বানেয়োন্‌ তারার্‌ পিজেন্দি থেদাক্‌ তারার্‌ নেতাগুনে। যিগুনে মাল্‌-মজলা বুয়োদাক্‌ তারা এক্‌ আদেন্দি কাম্‌ গুরিদাক্‌ আর অন্য আদন্দি আত্যের্‌ ধুরিদাক্‌।

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

যিশাইয় 44:25

ভন্ড ভাবভাদীগুনোর্ চিহ্নোগানি মুই বিফল গুরি দুয়োং আর গণক্ক্যেগুনোরে ভুল-বেদমা বানাং। মুই জ্ঞানীগুনোর শিক্ষ্যেগানি বিফল গুরিনে সিয়েনি ভুল-বেদমাগুনোর্ শিক্ষ্যে বানাং।‌

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

মার্ক 13:34

সিবে এমন্ এক্কো মান্‌‌জ্য ধোক্ক্যেন্ অবঅ যিবে বেড়ানত্ যেবাত্যে ঘরান্ ছাড়ি যেবার্ আগেদি তে চাগরুনো আঢত্ বেক্ কামানির ভারান্ দিলো। তে পত্তি চাগররে তার্ কামানি দিলো আর চুগিদার্‌‌বোরে জাগি থেবাত্তে কলঅ।

রোমীয় 12:11

গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ।

১ থিষলনীকীয় 4:11

আমি তমারে যে উগুম দিয়্যেই সেবাবোত্যেগুরি শান্ত জিংকানি কাঢাদে, নিজোর্ কামত থাগদে আর নিজো আঢে কাম গত্তে বিশেজ্ গুরিনে আয়োজি অ।