নহিমিয় 3:30 - Chakma Bible

³⁰ তার্‌ কায়-কুরে শেলিমিয়োর পূঅ হনানিয় আর সালফর ছয় লম্বর্‌ পূঅ হানূনে আর এক্কান্‌ ভাগ্‌ ঠিগ্‌ গুরিলো। সিয়েনর্‌ কায়-কুরে ভাগ্‌কান বেরিখিয়োর পূঅ মশুল্লমে ঠিগ্‌ গুরিলো। ইয়েন্‌ অলদে তা ঘরর্‌ মুজুঙেন্দিগান।

নহিমিয় 3:30 Iomraidhean Croise

নহিমিয় 13:13

ধর্মগুরু শেলিমিয়, ধর্ম-মাস্টর্‌ সাদোক আর পদায় নাঙে এক্কো লেবীয়রে মুই ভান্ডাল্‌-ঘরর্‌ ভারান্‌ দিলুঙ্‌ আর সক্কুরোর্‌ পূঅ, অত্তাৎ মত্তনিয়োর নাদিন্‌ হাননরে তারার্‌ এজাল্‌দিয়্যে ইজেবে নেযেলুঙ্‌। বেক্কুনে এ মানুচ্চুনোরে বিশ্বেজি মনে গুরিদাক্‌। তারা উগুরে তারার্‌ গুট্টি-ভেইয়ূনোর্‌ ভাগ্‌কুন ভাগ্‌ গুরি দেনার্‌ ভারান্‌ দিয়্যে অলঅ।

নহিমিয় 3:29

সে পরেন্দি ভাগ্‌কান ইম্মেরর পূঅ সাদোকে ঠিগ্‌ গুরিলো। ইয়েন্‌ অলদে তা ঘরর্‌ মুজুঙেন্দিগান। সে পরেন্দি ভাগ্‌কান পূগেন্দি-গেদোর্‌ চুগিদার শখনিয়োর পূঅ শময়িয় ঠিগ্‌ গুরিলো।

নহিমিয় 3:31

সে পরেন্দি ভাগ্‌কান মল্কিয় নাঙে এক্কো সনাবানেয়্যে ঠিগ্‌ গুরিলো। ইয়েন্‌ অলদে মিটিঙো-গেদোর্‌ মুজুঙোত্‌ উবোসনা-ঘরর্‌ সেবাগুরিয়্যেগুনোর্‌ আর বেবসায়ীগুনোর্‌ ঘরানি সং আর দেবাল কণার্‌ উগুরে গুদিবো সং।

নহিমিয় 3:4

সে পরেন্দি ভাগ্‌কান ঠিগ্‌ গুরিলাক্‌ ঊরিয়ের পূঅ মরেমোৎ। ঊরিয় অলদে হক্কোসর পূঅ। সে পরেন্দি ভাগ্‌কান বেরিখিয়োর পূঅ মশুল্লমে ঠিগ্‌ গুরিলো। বেরিখিয় অলদে মশেষবেলর পূঅ। সে পরেন্দি ভাগ্‌কান বানার পূঅ সাদোকে ঠিগ্‌ গুরিলো।

নহিমিয় 6:18

যিহূদার ভালোক্‌জনে টোবিয়োর ইদু শমক্‌তোই বান্যে এলাক্‌, কিত্যে তে অলদে আরহর পূঅ শখনিয়োর জামেই। টোবিয়োর পূঅ যিহোহানন বেরিখিয়োর পূঅ মশুল্লমর ঝিবোরে লোইয়্যে।