নহিমিয় 3:22 - Chakma Bible

²² সে পরেন্দি ভাগ্‌কান ঠিগ্‌ গুরিলাক্যে যর্দন গাঙর্‌ সংজাগাত্‌ বজত্তি গুরিয়্যে ধর্মগুরুগুনে।

নহিমিয় 3:22 Iomraidhean Croise

নহিমিয় 12:28

যিরূশালেমর কায়-কুরে জাগাত্তুন্‌ নটোফাতীয়গুনোর্‌ আদামত্তুন্‌, বৈৎ-গিল্‌গলত্তুন্‌ আর গেবা আর অস্মাবৎ চাগালাত্তুন্‌ গানগেইয়্যেগুনোরেয়ো আনিনে এগত্তর্‌ গরা অলঅ। এ লেবীয় গানগেইয়্যেগুনে যিরূশালেমর চেরোকিত্তে এ জাগায়ানিত্‌ নিজোত্তে আদাম্‌ বোজেলাক্‌।

নহিমিয় 3:21

সে পরেন্দি ভাগকান্‌ ঊরিয়োর পূঅ মরেমোৎ ইলিয়াশীবোর ঘরর্‌ দোরানত্তুন্‌ আরাম্ভ গুরিনে ঘরানর্‌ থুম্‌ সং ঠিগ্‌ গুরিলো। ঊরিয় অলদে হক্কোসর পূঅ।

নহিমিয় 3:23

সে পরেন্দি ভাগ্‌কান ঠিগ্‌ গুরিলাক্‌ বিন্যামীন আর হশূব। ইয়েন্‌ অলদে তারার্‌ ঘরর্‌ মুজুঙোন্দি ভাগ্‌কান। সে পরেন্দি ভাগ্‌কান মাসেয়র পূঅ অসরিয় ঠিগ্‌ গুরিলো। এ ভাগ্‌কান অলদে তা ঘরর্‌ কায়-কুরে ভাগ্‌কান। মাসেয় অলদে অননিয়োর পূঅ।

নহিমিয় 6:2

সেক্কে সন্‌বল্লটে আর গেশমে মরে এ কধাগান কোই পাদেলাক্‌, “আয়, আমি ওনো সংজাগানত্‌ এক্কান্‌ আদামত্‌ এগত্তর্‌ ওই।” আজলে তারা মরে ক্ষতি গুরিবাত্তে কুজুরোমি গোজ্যন্‌।