নহিমিয় 3:19 - Chakma Bible

¹⁹ সে পরেন্দি ভাগ্‌কান, অত্তাৎ মিস্পার শাজন্‌গুরিয়্যে যেশূয়োর পূঅ এসর আত্যের্‌ রাগেবার ঘরত্‌ উদিবার্‌ পধ মুজুঙোন্দি জাগানত্তুন্‌ দেবালর টেক্কো সং ঠিগ্‌ গুরিলো।

নহিমিয় 3:19 Iomraidhean Croise

২ বংশধর 26:9

উষিয় যিরূশালেমর কোণা গেট্টোত্‌, কিজিঙো-গেট্টোত্‌ আর দেবাল কোণাবোত্‌ অজল্‌ চুগিদার-ঘর্‌ বানেইনে সিয়েনিরে দরমর গুরিলো।

নহিমিয় 10:9

লেবীয়গুনোর্‌ ভিদিরেত্তুন্‌ যিগুনে সীলমহ্‌র্‌ দুয়োন্‌ তারা অলাক্‌ অসনিয়োর্‌ পূঅ যেশূয়, হেনাদদর্‌ বংশধর বিন্নুয়ী আর কদ্‌মীয়েল আর তারার্‌ সমাজ্যে শবনিয়, হোদিয়, কলীট, পলায়, হানন,

নহিমিয় 12:8

লেবীয়গুনো ভিদিরে যেশূয়, বিন্নুয়ী, কদ্‌মীয়েল, শেরেবিয়, যিহূদা আর মত্তনিয়। ভালেদি গানর্‌ চেইচিদিবার্‌ ভারান্‌ এলদে মত্তনিয় আর তা বংশর মানুচ্চুনো উগুরে।

নহিমিয় 3:15

মিস্পা জেলার শাজন্‌গুরিয়্যে কল্‌হোষির পূঅ শল্লুম পয়নালার্‌-গেট্‌তুয়ো ঠিগ্‌ গুরিলো। তে সিয়েন উগুরে ছাল্‌ দিলো আর সিয়েনর দোরান্‌, খিলুন্‌ আর হুক্কুন্‌ লাগেল। রাজার বাগানর কায়-কুরে শীলোহর পুয়োরর্‌ দেবালত্তুন্‌ আরাম্ভ গুরিনে দায়ূদোর শঅরত্তুন্‌ যে সিড়িগান্‌ তলেন্দি লামি যেইয়্যে সিয়েন সং তে ঠিগ্‌ গুরিলো।

নহিমিয় 3:18

সে পরেন্দি ভাগ্‌কান তারার্‌ ভেইয়ুনে, অত্তাৎ কিয়ীলা জেলার বাদবাগি অদ্দেক্‌ ভাগর্‌ মানুচ্চুনে ঠিগ্‌ গুরিলাক্‌। তারা তারার্‌ শাজন্‌গুরিয়্যে হেনাদদর পূঅ ববয়র অধীনোত্তুন্‌ ঠিগ্‌ গরেদে কামানি গুরিলাক্‌।

নহিমিয় 3:24

তা কায়-কুরে হেনাদদর পূঅ বিন্নুয়ী অসরিয়োর ঘরানত্তুন্‌ আরাম্ভ গুরিনে দুযি সং আর কোণাবো সং আর এক্‌ ভাগ্‌ ঠিগ্‌ গুরিলো।