নহিমিয় 2:8 - Chakma Bible

⁸ ইয়েনিবাদেয়ো তে যেনে তার্‌ ঝাড়-চুগিদিয়্যে আসফর ইদু এক্কান্‌ চিদি দে যেনে তে উবোসনা-ঘরর্‌ কায়-কুরে তাম্বুলানির গেদোর্‌ গাজ্‌ছানিত্তে আর শঅরর্‌ দেবাল আর মর্‌ থেবার্‌ ঘরত্তে মরে গাজ্‌ দে।”মঅ গোজেনর ভালেদির্ আঢ্‌তানি আমা উগুরে এলঅ বিলিনে রাজা মর্‌ বেক্‌ কোজোলিগানি রোক্ষ্যে গুরিলো।

নহিমিয় 2:8 Iomraidhean Croise

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

ইষ্রা 5:5

মাত্তর্ যিহূদীগুনোর্ বুড়ো নেতাগুনো ইন্দি গোজেনে মনযোগ দিলো। যেদকবিলোন্ সং দারিয়াবস ইধু হবর্ পাঢা ন অলঅ আর তাত্তুন্ লেখ্যে জোব্‌পান পাহ্ ন গেলঅ সেদকবিলোন্ সং নেতাগুনে কামানি থামেই ন দিলাক্।

ইষ্রা 6:22

সাত দিন সং তারা হুজিয়ে-রাজিয়ে সদানেইয়্যে রুটির পরব্ পালেলাক্। তারা হুজিয়ে ভর্‌‍‍‍‍‍পুণোং ওইয়োন, কিত্যে আসিরিয়ার রাজা যেনে ইস্রায়েলর গোজেনর্ ঘরর্ কামত্ তারারে সাহায্য গুরে সেনত্যে লগেপ্রভু তা মনান্ বুদুলি দিয়্যে।

ইষ্রা 6:8

ইয়েনিবাদেয়ো গোজেনর্ সেই ঘরান্ বানেবার কামত্ যিহূদীগুনোর্ বুড়ো নেতাগুনোত্তে তমার্ যিয়েনি গরা পুরিবো সেই বেপারে মুই উগুম দুয়োঙর্। সেই কামান্ যেনে বন্ধ ওই ন যায় সেনত্যে সেই মানুচ্চুুনোত্তুন্ পুরো খরচপাদিগানি রাজভান্ডালত্তুন্ দিয়্যে পুরিবো, অত্তাৎ ইউফ্রেটিস গাঙর্ পোজিম্ পারর্ চাগালাগানির্ রাজখাজানাত্তুন্।

ইষ্রা 7:6

ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্‌‌তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে।

নহিমিয় 7:2

মর্‌ ভেই হনানি আর তাম্বুলোর্‌ সেনাপতি হনানিয়রে মুই যিরূশালেমর কাম ভারান্‌ দিলুঙ্‌, কিত্যে হনানিয় গম্‌ মানুচ্‌ এলঅ আর গোজেনরে বেক্কুনোত্তুন্‌ বেশ্‌ ভোক্তিগুরিনে দোরেদ।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

উপদেশক 2:5

মুই চিগোন-দাঙর ভালোক্কুন্ বাগান্ বানেইনে নানান্ বাবোত্যে ফল গাজ্ লাগেলুং।

উপদেশক 2:6

মুই নিজোত্তে কয়েক্কো পোর্ বানেলুং যেন গাজ্‌চুনোত্ পানি দিয়্যে যায়।

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

দানিয়েল 1:9

গোজেনে সেই রাজার কামগুরিয়্যেবো মনত্ দানিয়েলত্তে দোয়্যে আর মেয়্যে দেগেল।

প্রেরিত্‌ 26:22

মাত্তর্ গোজেনে এচ্চ্যে সং মরে এজাল্ দি এজের্ আর সেনত্তে মুই ইয়েনত্ থিয়্যেইনে চিগোন্-দাঙর্ বেক্কুনো ইধু সাক্ষ্য দোঙর্। ভাববাদীগুনে আর মোশি যিয়েনি ঘুদিবার কধা কোই যেইয়োন্ সিয়েনির বারেদি মুই কিচ্চু ন-কঙর্।

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।