নহিমিয় 2:6 - Chakma Bible

⁶ রাজার কায়-কুরে রাণীয়ো বোই এলঅ। রাজা মরে পুযোর্‌ গুরিলো, “তর্‌ যাদে কয়দিন লাগিবো, আর কক্কে বা তুই ফিরি এবে?” মুই এক্কান্‌ সময়োর্‌ কধা কনার্‌ পরেন্দি রাজা হুজি ওইনে মরে যেবার্‌ অনুমতি দিলো।

নহিমিয় 2:6 Iomraidhean Croise

নহিমিয় 1:11

ও প্রভু, কোজোলি গরঙ্‌, তর্‌ এ চাগর্‌বোর তবনালোই আর যিগুনে তর্‌ নাঙান্‌ ভক্তি গুরিনে ইদোত্‌ তুলোন্‌ তর্‌ সে চাগরুনোর্‌ তবনাগানি তুই শুনিচ্‌। তর্‌ চাগর্‌বোরে এচ্ছ্যে ফোলেই দে আর এ রাজাবো ইদু দোয়্যে-মেয়্যের্‌ মানুচ্চো গর্‌।” মুই রাজার আংগুর-রস ভাগগুরি দিয়্যে এলুঙ্‌।

নহিমিয় 13:6

মাত্তর্‌ ইয়েনি যেক্কে অর্‌ সেক্কে মুই যিরূশালেমত্‌ ন-এলুঙ্‌, কিত্যে বাবিলোর রাজা অর্তক্ষস্তর্‌ বত্রিশ বজর্‌ রাজাগিরির্‌ সময়োত্‌ মুই রাজার্‌ ইদু ফিরি যেইয়োং। ইয়েনর্‌ কয়েকদিন পরেন্দি মুই রাজার্‌ অনুমতি নেযেইনে যিরূশালেমত্‌ ফিরি এলুঙ্‌।

নহিমিয় 2:4

রাজা মরে কলদে, “তুই কি চাজ্‌?” সেক্কে মুই স্বর্গর গোজেনর ইদু তবনা গুরিলুঙ্‌।

নহিমিয় 2:5

সে পরেন্দি জোবত্‌ রাজারে কলুঙ্‌, “মহারাজে যুনি হুজি ওই থায় আর তঅ চাগর্‌বো যুনি তঅ চোগেন্দি দোয়্যে-মেয়্যে পেই থায় সালে মর্‌ পূরোণিমানুচ্চুনোর্‌ গোরানি যিয়েনত্‌ আঘে যিহূদার সে শঅরত্‌ তুই মরে যেবাত্তে অনুমতি দে যেনে মুই সিয়েনি আরঅ বানেই পারং।”

নহিমিয় 5:14

অর্তক্ষস্ত রাজার রাজাগিরর্‌ কুড়ি বজরত্‌ যেক্কে মুই যিহূদা দেজত্‌ মানুচ্চুনোর্‌ শাজন্‌গুরিয়্যে নিয়োগ্‌ ওইয়োং, সেক্কেত্তুন্‌ ধুরি তার্‌ রাজাগিরির্‌ বত্রিশ বজর্‌ সং, অত্তাৎ সে বার বজর ধুরিনে মুই বা মর্‌ ভেইয়ূনে শাজন্‌গুরিয়্যেবোর পাইদে হেবার্‌ জিনিজছানি গুজি ন-লোই।

যিশাইয় 58:12

তমা মানুচ্চুনে আগে ভস্ত ওইয়্যে জাগায়ানি আরঅ বানেবাক্ আর পুরোণি দিনো গড়াগানি উগুরে আরঅ গাড়েবাক্; তমারে কুয়ো অবঅ ভাঙা দেবাল আর বজত্তি গুরিবার জাগানর পথ্‌তানি ঠিগ্ গুরিয়্যে।‍‌

যিশাইয় 61:4

তারা আগ দিনোত্ ভস্ত ওইয়্যে জাগানি আরঅ তুলিবাক আর ঠিগ্ গুরিবাক। যেদক্কানি শঅর্ বংশর পর বংশ ধুরিনে ভস্ত ওই যেইয়্যে সিয়েনি তারা আরঅ নূয়ো গুরি বানেবাক্।

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।