নহিমিয় 2:5 - Chakma Bible

⁵ সে পরেন্দি জোবত্‌ রাজারে কলুঙ্‌, “মহারাজে যুনি হুজি ওই থায় আর তঅ চাগর্‌বো যুনি তঅ চোগেন্দি দোয়্যে-মেয়্যে পেই থায় সালে মর্‌ পূরোণিমানুচ্চুনোর্‌ গোরানি যিয়েনত্‌ আঘে যিহূদার সে শঅরত্‌ তুই মরে যেবাত্তে অনুমতি দে যেনে মুই সিয়েনি আরঅ বানেই পারং।”

নহিমিয় 2:5 Iomraidhean Croise

২ শমূয়েল 14:22

যোয়াবে মাদিত্‌ উবোত্‌ পুন্দুরী ওই পড়িনে রাজারে সালাম গুরিলো আর তারে ভালেদি জানেল। সে পরেন্দি যোয়াবে কলঅ, “ও মর্ গিরোজ্‌ মহারাজ, এচ্ছ্যে তঅ চাগর্‌ মুই হবর্‌ পেলুং, মুই তইদু দোয়্যে পেইয়োং, কিত্যে মহারাজে মঅ কোজোলিগান রোক্ষ্যে গোজ্যে।”

ইষ্রা 5:17

ইক্কিনে মহারাজে যুদি চায় সালে বাবিলোর্ রাজ-সরকারর কাগজপাদি রাগেবার জাগায়ান্ থবাত্তে যেইনে দেগিবাক্ যে, ‍যিরূশালেমত্ গোজেনর্ এই ঘরান বানেবার উগুমান রাজা কোরসে ঘেচ্চ্যেকগুরি দিয়্যে কিনা। সে পরেদি এই বেপারে মহারাজে যিয়েনি ঠিগ্ গুরিবো সিয়েনি যেনে আমারে জানেই দে।

নহিমিয় 2:4

রাজা মরে কলদে, “তুই কি চাজ্‌?” সেক্কে মুই স্বর্গর গোজেনর ইদু তবনা গুরিলুঙ্‌।

নহিমিয় 2:6

রাজার কায়-কুরে রাণীয়ো বোই এলঅ। রাজা মরে পুযোর্‌ গুরিলো, “তর্‌ যাদে কয়দিন লাগিবো, আর কক্কে বা তুই ফিরি এবে?” মুই এক্কান্‌ সময়োর্‌ কধা কনার্‌ পরেন্দি রাজা হুজি ওইনে মরে যেবার্‌ অনুমতি দিলো।

ইষ্টের 1:19

সেনত্তেই যুনি রাজার অমত্‌ ন-থায় সালেন্ তে যেনে এক্কান্‌ রাজ-উগুম্‌ দে, বষ্টী আর কনদিনঅ রাজা অহশ্বেরশর মুজুঙোত্‌ এই ন-পারিবো। এ উগুমান্‌ পারস্য আর মাদিয়ার আইনোত্‌ লেগা থোক্‌ যেনে সিয়েন্‌ বাদ দিয়্যে ন-যায়। ইয়েনি বাদেয়ো রাজা যেনে বষ্টীত্তুন্‌ বেশ্‌ যগাজ্যে অন্য আর একজনরে রাণীর পোজিশনান্‌ দে।

ইষ্টের 5:8

মহারাজে যুনি মরে দোয়্যের্‌ চোগেন্দি দেগচ্‌ আর মঅ কোজোলিগান্‌ রাগেবাত্তে চাজ্‌ আর মঅ আওজ্‌চান পূরেই দিবাত্তে চাজ্‌ সালে এজেত্তে কেল্যে মুই যে হানাগান্‌ যুক্কোল্‌ গুরিম্‌ সিয়েনত্‌ যেনে মহারাজে আর হামনে এজঅ। সেক্কে মুই মহারাজর প্রশ্নগানির্‌ জোব্‌পান দিম্‌।”

ইষ্টের 7:3

জোবত্‌ রাণী ইষ্টেরে কলঅ, “মহারাজ, মুই যুনি তর্‌ দোয়্যে পেই থাং আর মহারাজে যুনি হুজি ওই থায় সালে মঅ কোজোলিগান্‌ অলঅ মর্‌ আর মঅ জাদর্‌ মানুচ্চুনোরে পরাণে রোক্ষ্যে গর্‌,

ইষ্টের 8:5

ইষ্টেরে কলঅ, “মহারাজর যুনি গম্‌ বিলিনে মনে অয়, তে যুনি মরে দোয়্যের্‌ চোগেন্দি দেগে আর যুনি মনে গরেদে, কামান্‌ গরানা উচিত্ আর যুনি তে মঅ উগুরে হুজি ওই থায়, সালে মহারাজর পুরো রেজ্যত্‌ যিহূদীগুনোরে ভস্ত গুরিবাত্তে ফন্দী গোজ্যে অগাগীয় হম্মাদাথার পূঅ হামনে যে চিদিগান লেখ্যে সিয়েন্‌ বাতিল গুরিবাত্তে এক্কান্‌ উগুম্‌ লেগা ওক্‌।

গম্ উপদেজ্ 3:4

সিয়েনি গুরিলে গোজেন আর মান্‌জ্য মুজুঙোত্ তুই দোয়্যে আর সুনাঙ্ পেবে।

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

মথি লেখ্যে গম্ হবর্ 23:27

ফক্কর্ ধর্ম-মাষ্টর্ আর ফরীশীগুন, তমাত্যে কত্তমান্ দর্‌গরেপারা! তুমি চিবিদিলোই বানেয়্যে গৌর ধোক্ক্যেন্, যিয়েনর বারেদিগান্ দোল্ মাত্তর্ ভিদিরেদিগান্ মরা মান্‌জ্য আড়্-গোড়া আর নানান্ বাবোত্যে কজরালোই ভোজ্যে।

রূত 2:13

সেক্কে রূতে কলঅ, “ও মর্‌ প্রভু, তুই যেনে মরে মেইয়্যের চোগেন্দি চাজ্‌। তর্‌ এ চাগরানিবো ইদু উজ্‌সোমির্‌ কধানি কোইনে তুই মরে বুঝেলে, যুনিয়ো মর্‌ এই কামঅ‌ মিলেগুনোর কার লগে থিয়্যেবার সেদাম্অ মত্তুন্‌ নেই।”