নহিমিয় 2:15 - Chakma Bible

¹⁵ ইয়েনত্তে মুই সে রেদোত্‌ দেবালর অবস্থাগান চাদে চাদে কিজিঙোর্‌ ভিদিরেন্দি গেলুঙ্‌ আর কিজিঙোর-গেদো ইন্দি আরঅ শঅরত্‌ ফিরি এলুঙ্‌।

নহিমিয় 2:15 Iomraidhean Croise

২ শমূয়েল 15:23

দায়ূদোর বেক্‌ মানুচ্চুন যেক্কে যাদন্‌ সেক্কে দেজর্‌ বেক্‌ মানুচ্চুনে গুজুরি গুজুরি কানা ধুরিলাক্। রাজা আর তার বেক্‌ মানুচ্চুনে কিদ্রোণ কলক্কান পার্ ওইনে ধূল্যেচর্‌ ইন্দি উজেই গেলাক্‌।

২ বংশধর 26:9

উষিয় যিরূশালেমর কোণা গেট্টোত্‌, কিজিঙো-গেট্টোত্‌ আর দেবাল কোণাবোত্‌ অজল্‌ চুগিদার-ঘর্‌ বানেইনে সিয়েনিরে দরমর গুরিলো।

নহিমিয় 2:16

মুই কুদু যেইয়োং বা কি গোজ্যং সিয়েন্‌ দাঙর্‌ পধর্ কামগুরিয়্যেগুনে হবর্‌ ন-পান, কিত্যে মুই সেক্কেয়ো সামান্য যিহূদীগুনোরে বা ধর্মগুরুগুনোরে বা মুরুব্বী মানুচ্চুনোরে বা দাঙর্‌ পোজিশনর্‌ কাম্‌গুরিয়্যেগুনোরে বা যিগুনে কাম্‌ গুরিবাক্‌ তারারে কিচ্ছু ন-কঙ্‌।

নহিমিয় 3:13

কিজিঙো-গেট্‌তুয়ো ঠিগ্‌ গুরিলাক্ হানূনে আর সানোহর আদাম্মেগুন। তারা সিয়েন দোরান্‌, খিলুন্‌ আর হুক্কুন্‌ লাগেলাক্‌। তারা সার-গেট্‌তুয়ো সং দেবালর এক আজার আত্‌ জাগায়ো ঠিগ্‌ গুরিলাক্‌।

যোহন 18:1

এ বেক্‌ কধানি কনার্ পরেদি যীশু তা শিচ্চ্যগুনো সমারে কিদ্রোণ নাঙে এক্কান কলগর্ উকুলে গেলাক্। সিধু এক্কান্ বাগান এলঅ। যীশু আর তা শিচ্চ্যগুনে সেই বাগানানত্ গেলাক্।