নহিমিয় 13:4 - Chakma Bible

^4-5 এ আগেন্দি ধর্মগুরু ইলিয়াশীব, যিবেরে আমা গোজেনর ঘরঅ ভান্ডাল্‌-ঘরর্‌ ভারান্‌ দিয়্যে ওইয়্যে, তে টোবিয়রে এক্কান্‌ দাঙর্‌ গুদি দিলো, কিয়া টোবিয় অলদে তার্‌ কুদুম্মো। সে গুদিবোর্‌ আগেন্দি সোজ্য-উৎসর্বর জিনিস, আগর্‌বাট্টি আর উবোসনা-ঘরর্‌ জিনিসছানি রাগা অদঅ। ইয়েনিবাদেয়ো সিদু লেবীয়, গান্‌গেইয়্যে আর চুগিদারুনোত্তে উগুম্‌-গোজ্যে সোজ্যর্‌, নূয়ো আংগুর-রসর আর তেলর্‌ দশমাংশ রাগা অদঅ আর ধর্মগুরুগুনোরে যিয়েনি দিয়্যে অদঅ সিয়েনিয়ো রাগা অদঅ।

নহিমিয় 13:4 Iomraidhean Croise

নহিমিয় 12:10

যেশূয়োর পূঅবোর্‌ নাঙান্‌ যোয়াকীম, যোয়াকীমোর পূঅবোর্‌ নাঙান্‌ ইলিয়াশীব, ইলিয়াশীবোর পূঅবোর্‌ নাঙান্‌ যোয়াদা;

নহিমিয় 12:44

ভান্ডাল-ঘরত্‌ যিদুক্কুন্‌ দান, পত্তমে তুল্যে ফসল আর দশমাংশ আনা অদঅ সিগুন্‌ চেইচিদিবাত্তে সে অক্তত্‌ মানুচ্চুনোরে নেযা অলঅ। তারা আদামানির কায়-কুরে ক্ষেদত্তুন্‌ রীদি-সুদোম মজিম ধর্মগুরু আর লেবীয়গুনোত্তে মানুচ্চুনোর ইত্তুন্‌ ফসলর ভাগ্‌ লোই এদাক্‌। যিহূদার মানুচ্চুনে হুজি মনে দিদাক্‌, কিত্যে সেবাগুরিয়্যে ধর্মগুরু আর লেবীয়গুনোরে কামত্‌ তারা হুজি এলাক্‌।

নহিমিয় 13:28

আজল্‌ ধর্মগুরু ইলিয়াশীবোর্‌ পূঅ যিহোয়াদার এক্কো পূঅ হোরোণীয় সন্‌বল্লটর ঝিবোরে লোইয়্যে। সেনত্তেই মুই সে পূঅবোরে মর্‌ কায়-কুরেত্তুন্‌ ধাবেই দিলুং।

নহিমিয় 2:10

ইস্রায়েলীয়গুনোরে ভালেদি গুরিবাত্তে এক্কো মানুচ্‌ এচ্ছ্যে শুনিনে হোরোণীয় সন্‌বল্লট আর অম্মোনীয় মুরুব্বী টোবিয় অমকদ বেজার্‌ অলঅ।

নহিমিয় 3:1

দাঙর্‌ ধর্মগুরু ইলীয়াশীবে আর তা লগে ধর্মগুরুগুনে কামত্‌ যেইনে মেষ-গেট্টো আরঅ গাদেলাক্‌। তারা সিবে গোজেনর নাঙে উৎসর্ব গুরিনে সিয়েনর্‌ দোরান্‌ লাগেলাক্‌। সে পরেন্দি তারা হম্মেয়া-তাম্বুল আর হননেল-তাম্বুলান সং গাদেইনে দেবালর্‌ সে দ্বিভাগ উৎসর্ব গুরিলো।

নহিমিয় 6:1

পরেন্দি সন্‌বল্লট, টোবিয়, আরবীয় গেশম আর আমা বাদবাগি শত্রুগুনে শুনিলাক্‌, মুই দেবালান্‌ আরঅ বানেয়োং আর সে দেবালানর্‌ ভিদিরে কনঅ ফাক্‌ নেই। মাত্তর্‌ সেক্কেয়ো মুই গেট্‌তুনোত্‌ দোর্‌ ন-লাগাঙ্‌।