নহিমিয় 13:16 - Chakma Bible

¹⁶ যিরূশালেমত্‌ বজত্তিগুরিয়্যে সোরর মানুচ্চুনে মাছ আর বিজিবার্‌ অন্য বেক্‌ জিনিসছানি আনিনে জিরেবার্‌ দিন্নোত্‌ যিরূশালেমত্‌ যিহূদার মানুচ্চুনোর্‌ ইদু বিজি দিলাক্‌।

নহিমিয় 13:16 Iomraidhean Croise

নহিমিয় 13:15

সে অক্তত্‌ মুই দেগিলুঙ্‌ যিহূদার মানুচ্চুনে জিরেবার্‌ দিন্নোত্‌ আংগুর-মারেদে কাম্‌ গোজ্যন্‌ আর খেত্‌খেত্তি আনদন্‌ আর সেই খেত্‌খেত্তিগানি, আংগুর-রসছানি, আংগুর, ডোমোর্‌ আর অন্য নানান্‌ বাবোত্যে বুধি তারা গাধা উগুরে তুলি দুয়োন্‌। ইয়েনিবাদেয়ো তারা জিরেবার্‌ দিন্নোত্‌ সিয়েনি যিরূশালেমত্‌ আন্যন্‌। সেনত্তেই জিরেবার্‌ দিনোত্‌ হানা জিনিস বিজিবার্‌ পৌইদ্যেনে মুই তারারে উজিয়ার্‌ গুরিলুঙ্‌।

নহিমিয় 13:17

মুই সেক্কে যিহূদার মুরুব্বীগুনোরে গেইল্‌ দিইনে কলুঙ্‌, “তুমি ইয়েন্‌ কি গরর্‌? তুমি দঅ এ অন্যেই কামানি গুরিনে জিরেবার্‌ দিন্নোর্‌ সুদ্ধো-সাংগগান্‌ বর্‌বাত্‌ গোজ্য।

যাত্রা 20:10

মাত্তর্‌ সাত্‌ দিন্নো অলঅ‌ তমার গোজেন লগেপ্রভুর্‌ নাঙে জিরেবার্‌ দিন। সেদিন্যে তুমি, তমার ঝি-পূঅগুন, তমা চাগর্‌-চাগরানিগুন, তমার য়েমানুন্ বা তমার শঅরত্‌ আর আদামত্‌ বজত্তি গোজ্যে অন্য জাদর্‌ মানুচ্চুন, আজল্‌ কধা, কনজনে কনঅ‌ কাম্‌ গরানা ন-চুলিবো।

যাত্রা 23:12

তুমি সাপ্তায় ছয়দিন কাম্‌ গুরিবা মাত্তর্‌ সাত দিনোত্‌ কনঅ‌ কাম্‌ ন-গুরিবা। সেক্কে তমার্‌ গোরু আর গাধাগুনে জিরেন্‌ পেবাক্‌ আর তমা ঘরত্‌ জোর্মেয়োন এধোক্ক্যেন চাগর্‌ বা চাগরানী আর অন্য জাদর্‌ মানুচ্চুনেয়ো কামত্তুন্‌ জিরেন পেবাক্‌।

দ্বি’লম্বর বিররণ 5:14

মাত্তর্‌ সাত দিন্নো অলদে তমা গোজেন লগেপ্রভুর নাঙে জিরেবার্‌ দিন। সেদিন্যে তুমি, তমা ঝি-পূঅগুন, তমা চাগর আর চাগরানীগুন, তমা গোরু আর গাধাগুন বা অন্য কনঅ য়েমান বা তমা আদামত্‌ বা শঅরত্‌ বজত্তি গোজ্যে অন্য জাদর্‌ মানুচ্‌-কনজনে কনঅ কাম্‌ গরানা ন-চলিবো। সেক্কে তমা চাগর্‌ আর চাগরানীগুনেয়ো তমা ধোক্ক্যেন জিরেই পারিবাক্।