নহিমিয় 12:1 - Chakma Bible

¹ যিদুক্কুন্‌ ধর্মগুরু আর লেবীয়গুনে শল্টীয়েলর পূঅ সরুব্বাবিল আর যেশূয়োর লগে বন্দীদজাত্তুন্‌ ফিরি এচ্ছ্যন্‌ তারা অলাক্‌: ধর্মগুরুগুনো ভিদিরে সরায়, যিরমিয়, ইষ্রা,

নহিমিয় 12:1 Iomraidhean Croise

ইষ্রা 3:2

সে পরেদি যোষাদকর্ পুয়ো যেশূয় আর তা সমাজ্যে ধর্মগুরুগুন আর শল্টীয়েলর্ পুয়ো সরুব্বাবিল আর তা সমাজ্যেগুনে পূজ্যে-উৎসর্বর অনুষ্ঠানত্যে গোজেনর্ মানুচ্ মোশির রীদি-সুদোমর লেগা মজিম্ ইস্রায়েলর্ গোজেনর্ পূজোবো বানেলাক্।

ইষ্রা 3:8

যিরূশালেমত্ গোজেনর্ ঘরত্ ‍লুমিবার পরেদি দ্বিবজরত্ দ্বিমাজত্ শল্টীয়েলর পুয়ো সরুব্বাবিল, যোষাদকর পুয়ো যেশূয় আর তারার্ বাদবাগী ভেইয়ুনে কাম গুরিবাত্তে আরাম্ভ গুরিলাক্। এই ভেইয়ুনে অলাক্ ধর্মগুরু, লেবীয় আর অন্য বেক্ মানুচ্চুন যিগুনে বন্দীদযাত্তুন্ যিরূশালেমত্ ফিরি এচ্চ্যন্। কুড়ি বজর্ আর তাত্তুন্ বেশ বয়জর্ লেবীয়গুনোরে লগেপ্রভুর ঘর বানেবার কামত্ দেগাশুনো গুরিবাত্তে নেযা অলঅ।

ইষ্রা 4:2

সেই শত্রুগুনে যেক্কে সরুব্বাবিল আর বংশর নেতাগুনো ইদু এইনে কলাক্, উবোসনা-ঘর বানেবার কামত্ আমিয়ো তমা সমারে মিজেবং, কিত্যে তমা ধোক্ক্যেন আমিয়ো তমা গোজেনর্ আওজ্ মজিম্ চলিবাত্তে চেট্ট্যা গুরির। আসিরিয়ার রাজা এসর-হদ্দোন আমা ইদু আনিবার পরেত্তুন্ ধুরি গোজেনর্ নাঙে আমি য়েমান-উৎর্সগ গুরি এজির্।

ইষ্রা 5:2

সেক্কে শল্টীয়েলর পুয়ো সরুব্বাবিল আর যোষাদকর পুয়ো যেশূয় যিরূশালেমত্ গোজেনর্ ঘরান আরঅ বানেবাত্যে আঢ্ দিলাক। গোজেনর্ ভাববাদীগুনেয়ো তারারে সাহায্য গরা ধুরিলাক।

নহিমিয় 11:36

ইয়েনিবাদেয়ো কিজু লেবীয়, যিগুনে আগেন্দি যিহূদা-চাগালাত্‌ বজত্তি গুরিদাক্‌, তারা বিন্যামীন-চাগালাত্‌ যেইনে বজত্তি গরা ধুরিলাক্‌।

নহিমিয় 12:10

যেশূয়োর পূঅবোর্‌ নাঙান্‌ যোয়াকীম, যোয়াকীমোর পূঅবোর্‌ নাঙান্‌ ইলিয়াশীব, ইলিয়াশীবোর পূঅবোর্‌ নাঙান্‌ যোয়াদা;

নহিমিয় 12:2

অমরিয়, মল্লুক, হটুশ,

নহিমিয় 7:7

এ মানুচ্চুনে সরুব্বাবিল, যেশূয়, নহিমিয়, অসরিয়, রয়মিয়া, নহমানি, মর্দখয়, বিল্‌শন, মিস্পরৎ, বিগ্‌বয়, নহূম আর বানার লগে ফিরি এচ্ছ্যন্‌। যিদুক্কুন্‌ ইস্রায়েলীয় মরদ পূঅ ফিরি এচ্ছ্যন্‌ তারার্‌ অলাক্‌:

হগয় 1:1

রাজা দারিয়াবসর রাজাগিরির দ্বিবজরত্ শল্টীয়েলর পুয়ো সরুব্বাবিলে এলদে যিহূদার শাজন্‌ গুরিয়্যে আর যিহোষাদকর পুয়ো যিহোশূয় এলদে দাঙর্ ধর্মগুরু। সেই বজরর্ ছয় মাসর পত্তম দিনোত্ লগেপ্রভু ভাববাদী হগয়রে দিইনে তারারে কলঅ,

হগয় 1:12

সেক্কে শল্টীয়েলর পুয়ো সরুব্বাবিল, যিহোষাদকর পুয়ো ধর্মগুরু যিহোশূয় আর অন্য বেক্ মানুচ্চুনে তারার্ গোজেন লগেপ্রভুর কধা মজিম আর তার পাদেয়্যে ভাববাদী হগয়র কধা মজিম কাম গুরিলাক্, কিত্যে তারা লগেপ্রভুরে দোরেলাক্।

হগয় 1:14

ইয়েনর্ পরেদি লগেপ্রভু যিহূদার শাজন্‌গুরিয়্যে সরুব্বাবিলর, দাঙর্ ধর্মগুরু যিহোশূয়র আর বাদবাগি বেক্ মানুচ্চুনোর মনানি জাগেই তুলিলো। সেক্কে তারা বেক্কুনে এইনে তারার্ বেগত্তুন্ খেমতাবলা লগেপ্রভুর ঘরর কাম গরানা আরাম্ভ গুরি দিলাক্।

হগয় 2:2

তুই শল্টীয়েলর পুয়ো যিহূদার শাজন্‌গুরিয়্যে সরুব্বাবিলরে, যিহোষাদকর পুয়ো দাঙর্ ধর্মগুরু যিহোশূয়রে আর বাদবাগি বেক মানুচ্চুনোরে পুযোর্ গর্,

সখরিয় 6:11

সে পরেদি তুই সেই সোনা আর রূবোলোই এক্কো মুকুট বানা আর সিবে যিহোষাদকর পুয়ো ধর্মগুরু যিহোশূয়র মাঢাত্ পিনেই দেগোই।