নহিমিয় 11:16 - Chakma Bible

¹⁶ ইগুন্‌ বাদেয়ো এলদে শব্বথয় আর যোষাবাদ নাঙে লেবীয়গুনোর ভিদিরে দ্বিজন আজল্‌ মানুচ্‌, যিগুনোর্‌ আঢত্‌ গোজেনর ঘরর্‌ বারেন্দি কামানি চেইচিদিবার্‌ ভারান্‌ এলঅ।

নহিমিয় 11:16 Iomraidhean Croise

১ বংশধর 26:20

গোজেন ঘরর ধনভান্ডাল্‌ আর গোজেন নাঙে যুদো গোজ্যে পযাপিরার্‌ ধনভান্ডাল চেইচিদেনার্‌ ভারান্‌ এলদে বাদবাগি লেবীয়গুনো ভিদিরেত্তুন্‌ অহিয়োর উগুরে।

১ বংশধর 26:29

যিষ্‌হরীয়গুনো ভিদিরেত্তুন্‌ কননিয় আর তাহ্ পুয়োগুনে তবনা-ঘরর্‌ কামত্‌ নয়, মাত্তর্‌ ইস্রায়েল দেজ উগুরে নেতা আর বিচেরগ কামত্‌ নেযা অলঅ।

ইষ্রা 10:15

এই কধাগানর্ বিরুদ্ধে থিয়্যের বানা অসাহেলর পুয়ো যোনাথন আর তিক্‌বর পুয়ো যহসিয়; তারার্ পক্ষে এলদে মশুল্লম আর লেবীয় শব্বথয়।

ইষ্রা 8:33

সে পরেদি চের্ দিনোত্ আমি আমার্ গোজেন ঘর ভিদিরে সেই সনা, রূবো আর পিলেগুন মাবিনে ধর্মগুরু ঊরিয়র পুয়ো মরেমোতর্ আঢত্ দিলোং। মরেমোত সমারে এলদে পীনহসর বংশধর ইলীয়াসর আর তারা সমারে এলদে যেশূয়র পুয়ো যোষাবদ আর বিন্নুয়ির পুয়ো নোয়দিয়। ইগুনে দ্বিজনে লেবীয় এলাক্।

নহিমিয় 11:15

লেবীয়গুনোর ভিদিরেত্তুন্‌ হশূবের পূঅ শিময়িয়; হশূবের পূরোণিমানুচ্চুনে অলাক্‌ অস্রীকাম, হশবিয় আর বুন্নি।

নহিমিয় 11:17

ইগুনে বাদেয়ো এলদে মীখার পূঅ মত্তনিয়, যিবে ভালেদি আর তবনাগানি পরিচালনা কামত্‌ আজল্‌ এলঅ। মীখার পূরোণিমানুচ্চুন অলাক্‌ সব্দি আর আসফ। ইগুনোর্‌ লগে এলাক্‌ বক্‌বুকিয়, যিবে তার্‌ সমাজ্যেগুনোর্‌ ভিদিরে দ্বিলম্বরত্‌। আরঅ এলদে শম্মুয়োর পূঅ অব্দ; শম্মুয়োর পূরোণিমানুচ্চুনে অলাক্‌ গালল আর যিদূথূন।

নহিমিয় 8:7

যেশূয়, বানি, শেরেবিয়, যামীন, অক্কুব, শব্বথয়, হোদিয়, মাসেয়, কলীট, অসরীয়, যোষাবদ, হানন আর পলায়-এ লেবীয়গুনে সিয়েনত্‌ থিয়্যেই থেইয়্যে মানুচ্চুনোরে রীদি-সুদোমর্ পৌইদ্যেনে বুঝেই দিলাক্‌।