নহিমিয় 11:1 - Chakma Bible

¹ মানুচ্চুনোর নেতাগুনে যিরূশালেমত্‌ বজত্তি গুরিদাক্‌। বাদবাগি মানুচ্চুনে চাম্বা চেলাক্‌ যেনে তারা ভিদিরে পত্তি দশজনে একজন পবিত্র শঅর্‌ যিরূশালেমত্‌ বজত্তি গুরি পারন্‌, আর বাদবাগি নয়জনে তারার্‌ নিজোর নিজোর্‌ আদামত্‌ থেবাক্‌।

নহিমিয় 11:1 Iomraidhean Croise

১ বংশধর 26:13

বংশ মজিম পুয়ো-বুড়ো বেক্কুনোত্তে চাম্বা চাহ্ ওইয়্যে যেনে ঠিগ্‌ গরা যায় কন্‌ দল্লো কন্‌ গেদোত্‌ চুগি দিবো।

১ বংশধর 8:28

ইগুনে বেক্কুনে এলাক্‌ নিজোর্‌ নিজোর্‌ বংশর্ নেতা আর বংশগুনো-নাঙানি মজিম ইগুনে পত্তিজনে এলাক্‌ আজল্‌ মানুচ্‌। ইগুনে যিরূশালেমত্‌ বজত্তি গুরিদাক্‌।

১ বংশধর 9:1

“ইস্রায়েলীয় রাজাগুনোর্ বোই”-বোত্‌ বেক্‌ ইস্রায়েলীয়গুনো বংশর্-নাঙানি লেগা আঘে।

১ বংশধর 9:2

যিগুনে পত্তমে ফিরি এচ্ছ্যন্‌ নিজো শঅরত্‌ আর আদামত্‌ নিজো জাগা-জোমি উগুরে আরঅ বজত্তি গরানা আরাম্ভ গুরিলাক্‌ তারা অলাক্কে ধর্মগুরু, লেবীয়, তবনা-ঘরর্‌ সেবাগুরিয়্যে আর অন্য ইস্রায়েলীয়গুন।

১ বংশধর 9:3

যিহূদা, বিন্যামীন, ইফ্রয়িম আর মনঃশি-গুট্টির্‌ যিগুনে যিরূশালেমত্‌ বজত্তি গরা ধুরিলাক্‌ তারা অলাক্‌:

নহিমিয় 10:34

আমা রীদি-সুদোমত্‌ যিয়েনি লেগা আঘে সেধোক্কেন্‌ আমা গোজেন লগেপ্রভুর পূজোবো উগুরে পুড়িবাত্তে পত্তি বজর্‌ ঠিগ্‌গোজ্যে আমা গোজেনর্‌ ঘরত্‌ আমা পত্তি বংশত্তুন্‌ কক্কে তক্তা আনা পুরিবো সিয়েন্‌ ঠিগ্‌ গুরিবাত্তে আমি, অত্তাৎ ধর্মগুরুগুনে, লেবীয়গুনে আর মানুচ্চুনে চাম্বা চেলাক্‌।

নহিমিয় 11:18

পবিত্র শঅরর্‌ লেবীয়গুনে বেক্কুনে অলাক্‌ দ্বিশঅ চুরোশি জন।

নহিমিয় 4:22

সে অক্তত্‌ মুই মানুচ্চুনোরে আরঅ কলুঙ্‌, “পত্তিজনে তা চাগর্‌বোরে লোইনে রেদো অক্তত্‌ যেনে যিরূশালেমত্‌ থায় যেনে রেদোত্‌ চুগি দি পারে আর দিনোত্‌ কাম্‌ গুরি পারে।”

গীতসংহিতা 122:5

সিয়োদোই আঘে বিচেরর্ বেক্ সিংহাসনানি, দায়ূদো বংশগুনোর বিচেরর্ সিংহাসনানি।

গীতসংহিতা 122:6

তুমি যিরূশালেমর সুগ-শান্দিত্ত্যে এ তবনাগান গরঅ, “যিগুনে যিরূশালেমানরে কোচ্‌পান তারার মংগল ওক্।

গম্ উপদেজ্ 16:33

মান্‌‌জ্যে পোরোক্ক্যে চান, মাত্তর্ সিয়েনর জোব্‌‌পান লগেপ্রভু ঠিগ্ গরে।

যিশাইয় 48:2

তুমি দঅ নিজোরে সুদ্ধো-সাংগ শঅরর্ আদাম্মে বিলি কোই থাগঅ আর ইস্রায়েলর গোজেন উগুরে বিশ্বেজ্ গরঅ, যিবের নাঙান বেগত্তুন্ খেমতাবলা লগেপ্রভু।

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

মথি লেখ্যে গম্ হবর্ 27:53

তারা গোরত্তুন্ নিগিলি এলাক্ আর যীশু মরণত্তুন্ জেদা ওই উদোনার্ পরেদি পবিত্র শঅর ভিদিরে গেলঅ। তারা সিদু ভালোক্ জনরে দেগা দিলাক্।

মথি লেখ্যে গম্ হবর্ 4:5

সেক্কে শদান্নো যীশুরে পবিত্র শঅর্ যিরূশালেমত্ নেযেল আর উবোসনা-ঘর মাঢা উগুরে তারে থিয়্যেই রাগেইনে কলঅ,

প্রেরিত্‌ 1:24

সে পরেদি তারা ইয়েন কোইনে তবনা গুরিলাক্, “প্রভু, তুই বেক্কুনো মনানি কোই পারচ্। যিহূদা তার পাওনা সাজা পেবাত্যে দিপাধেয়্যেগুনো পদ কামান্ ইরি দিয়্যে। ইক্ক্যে এ দ্বিজনত্তুন্ সেই পদ্‌তানত্তে যিবেরে তুই বেঈ লোইয়োচ্ সিবেরে আমারে দেগেই দে।”

প্রেরিত্‌ 1:26

তারা ভাগ্য পোরোক্ষ্যে গরানার্ পরেদি মত্তথিয় নাঙান্ উদিলো। ইয়েনত্যে মত্তথিয় সেই এগারজন দিপাধেয়্যেগুনো সামরে মিজেল।

যিহোশূয় 18:10

যিহোশূয় শীলোত লগেপ্রভুর মুজুঙোত্‌ ইস্রায়েলীয়গুনোত্তে চাম্বা চেই দিলো আর সিয়েনত্‌ তারার গুট্টি মজিম দেজ্‌চান ভাগ গুরি দিলো।