নহিমিয় 10:34 - Chakma Bible

³⁴ আমা রীদি-সুদোমত্‌ যিয়েনি লেগা আঘে সেধোক্কেন্‌ আমা গোজেন লগেপ্রভুর পূজোবো উগুরে পুড়িবাত্তে পত্তি বজর্‌ ঠিগ্‌গোজ্যে আমা গোজেনর্‌ ঘরত্‌ আমা পত্তি বংশত্তুন্‌ কক্কে তক্তা আনা পুরিবো সিয়েন্‌ ঠিগ্‌ গুরিবাত্তে আমি, অত্তাৎ ধর্মগুরুগুনে, লেবীয়গুনে আর মানুচ্চুনে চাম্বা চেলাক্‌।

নহিমিয় 10:34 Iomraidhean Croise

১ বংশধর 24:5

ইলিয়াসর আর ঈথামর, এ দ্বিবে বংশর নেতাগুনে তবনা-ঘরর্‌ আর গোজেনর কামগুরিয়্যে এলাক্‌ বিলিনে কার পক্ষেন্দি ন-টানিনে চাম্বা চেইনে ধর্মগুরুগুনোর কামানি ভাগ গরা অলঅ।

১ বংশধর 24:7

সেক্কে পৌইল্যা লম্বরত্ চাম্বাত্ উদিলো যিহোয়ারীবোর নাঙে, দ্বিলম্বরত্‌ যিদয়িয়োর নাঙে,

২ বংশধর 2:3

শলোমনে সোরর রাজা হীরমরে এ হবরান্‌ পাদেল, মঅ বাপ্পো দায়ূদে থেবাত্তে এক্কান্‌ রাজঘর বানেবাত্তে তুই যেধোক্ক্যেন্‌ তারে এরস গাজ্‌সোই পাদেয়োচ্‌ সেধোক্ক্যেন্‌ মত্তেয়ো এরস গাজ্‌ পাধেই দে।

ইষ্রা 3:5

সে পরেত্তুন্ ধুরি তারা পত্তিদিন পুজ্যে-উৎসর্গ, আঙোচ্যের্ পুজ্যে-উৎসর্গ, লগেপ্রভুর নাঙে ঠিগ্ গোজ্যে পরবর্ পুজ্যে-উৎসর্গ আর নিজোর্ আওজে আন্যে পুজ্যে-উৎসর্গর অনুষ্ঠান্ গরা ধুরিলাক্।

নহিমিয় 11:1

মানুচ্চুনোর নেতাগুনে যিরূশালেমত্‌ বজত্তি গুরিদাক্‌। বাদবাগি মানুচ্চুনে চাম্বা চেলাক্‌ যেনে তারা ভিদিরে পত্তি দশজনে একজন পবিত্র শঅর্‌ যিরূশালেমত্‌ বজত্তি গুরি পারন্‌, আর বাদবাগি নয়জনে তারার্‌ নিজোর নিজোর্‌ আদামত্‌ থেবাক্‌।

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

গম্ উপদেজ্ 18:18

পোরোক্ক্যে চেইনে কোল্-কোজ্যেগানি থামা অয় আর দ্বিবে বোলি তপ্পে ভিদিরে মিমাংসা গরা অয়।

যিশাইয় 40:16

আগুন জ্বালেবাত্তে লেবাননর্ গাজ্ আর পুজ্যে উৎসর্বত্তে লেবাননর্ য়েমানুন্ যগাজ্যে নয়।

লেবীয় 24:5

“নিগুজ্‌ ময়দেলোই বারোবো রুটি সিগি নেযা পুরিবো। পত্তি রুটিত্তে তিন কেজি ছয়শ গ্রাম মোয়দে নেযা পুরিবো।

লেবীয় 24:6

সে পরেদি লগেপ্রভুর মুজুঙোত্ রাগেয়ে আজল্‌ সনার টেবিলান উগুরে উই রুটিগানি ছগান গুরি দ্বি সুরোত্‌ সাজেইনে থুয়ো পুরিবো।

প্রেরিত্‌ 1:26

তারা ভাগ্য পোরোক্ষ্যে গরানার্ পরেদি মত্তথিয় নাঙান্ উদিলো। ইয়েনত্যে মত্তথিয় সেই এগারজন দিপাধেয়্যেগুনো সামরে মিজেল।

যিহোশূয় 9:27

যিহোশূয় গিবিয়োনীয়গুনোরে সেদিন্যে উগুম দিলো যেন তারা ইস্রায়েলীয়গুনোত্তে আর লগেপ্রভু যে জাগায়ান বেঈ নেযেব সেই জাগানত্‌ লগেপ্রভুর ডালি-পূজোত্তে দার্‌বো কাবিবার আর পানি আনিবার কাম্‌ গরন্‌। এজঅ‌ সং তারা সেই কামানি গত্তন্‌।