নহিমিয় 1:3 - Chakma Bible

³ তারা মরে কলাক্‌, “বন্দীদজাত্তুন্‌ যিগুনে দেজত্‌ ফিরি যেইয়োন্‌ তারা অমকদ দুগোত্‌ আর অসর্মানর্‌ ওইনে আগন্‌। যিরূশালেমর দেবালান্‌ ভাঙি যেইয়্যে আর সিয়েনর্‌ গেট্‌টুন আগুন্দোই পুড়ি দিয়্যে ওইয়্যে।”

নহিমিয় 1:3 Iomraidhean Croise

১ রাজাবলী 9:7

মাত্তর্‌ ইস্রায়েলীয়গুনোরে যে দেজ্‌ছান মুই দুয়োং সিয়োত্তুন্‌ মুই তারারে ধাবেই দিম্‌। যে তবনা-ঘরান মুই মর্‌ থেবারঘর্‌ ইজেবে যুদো গোজ্যং সিয়েন্অ মঅ চোগো মুজুঙেত্তুন্‌ দূর্‌ গুরি দিম। সেক্কে ইস্রায়েলানে অন্য বেক্‌ জাত্তুনোর্‌ ইদু ঈচ্‌গোজ্যা আর চোগোছাল্ অবঅ।

২ রাজাবলী 25:10

রাজার রোক্ষ্যেদলর সেনাপতি অধীনোত্‌ বেক্‌ বাবিলীয় সৈন্যদলুনে যিরূশালেম দেবালানি ভাঙি ফেলেলাক্‌।

২ বংশধর 36:19

তা মানুচ্চুনে গোজেনর ঘরান্‌ পুড়ি দিলাক্‌ আর যিরূশালেম দেবালান্‌ ভাঙি ফেলেলাক্‌। তারা সে জাগার্‌ বেক্‌ দাঙর্‌ দাঙর্‌ ঘরানি পুড়ি দিলাক্‌ আর বেক্‌ মংগা পযাপিরানি বর্‌বাত্‌ গুরি ফেলেলাক্‌।

ইষ্রা 2:1

বাবিলর্ রাজা নবূখদ্‌‌‌‌নিৎসরে যিদুক্কুন মান্‌‌‌‌জ্যরে বন্দী গুরিনে বাবিলোত্ নেযেয়োন তারা ভিদিরে ভালোকজনে বন্দী অবস্থাত্তুন্ যিরূশালেম আর যিহূদাত্ নিজোর্ নিজোর্ শঅর্ আর আদামত্ ফিরি এচ্চোন।

ইষ্রা 5:8

মহারাজে যেনে হবর্ পায় যে, আমি যিহূদা রেজ্যত্ দাঙর্ গোজেনর্ ঘরত্ যেইয়্যেই। মানুচ্চুনে দাঙর্ দাঙর্ পাত্তরলোই ঘরান্ বানেয়োন আর দেবাল উগুরে বীম বজাদন্। অমকদ যত্তন্ গুরিনে কামান্ গরা অর্ আর সিয়েন ফলেদে ধোক্ক্যেন উজেই যার্।

নহিমিয় 11:3

বোউত্‌ ইস্রায়েলীয়, ধর্মগুরু, লেবীয়, উবোসনা-ঘরর্‌ সেবাগুরিয়্যে আর শলোমনর্ চাগরুনোর্‌ বংশধরুনোরে যিহূদা দেজর্‌ নানান্‌ আদামত্‌ নিজোর্‌ নিজোর্‌ ভূইয়োত্‌ বজত্তি গুরিদাক্‌। ইয়েনিবাদেয়ো যিহূদা আর বিন্যামীন-গুট্টির কয়েক্কো মান্‌জ্যে যিরূশালেমত্‌ বজত্তি গুরিদাক্‌। দেজর্‌ যিদুক্কুন্‌ নেতায় যিরূশালেমত্‌ বজত্তি গুরিদাক্‌ তারা অলাক্‌: যিহূদার বংশধরুনো ভিদিরেত্তুন্‌ উষিয়োর পূঅ অথায় আর বারূকোর পূঅ মাসেয়। উষিয়োর পূরোণিমানুচ্চুন্‌ অলাক্‌ সখরিয়, অমরিয়, শফটিয়, মহললেল আর পেরস। বারূকোর পূরোণিমানুচ্চুন্‌ অলাক্‌ কল্‌হোষি, হসায়, অদায়া, যোয়ারীব, সখরিয় আর শীলোনীয়।

নহিমিয় 2:13

সে রেদোত্‌ নিগিলিনে মুই কিজিঙো-গেট্টোর্‌ ভিদিরেন্দি সাপ-কূয়ো আর সে পরেন্দি সার-গেদোর্‌ ইন্দি গেলুং আর যিরূশালেমর ভাঙা দেবাল্‌ আর আগুন্দোই ভস্ত গোজ্যে গেট্‌তুনোর অবস্থাগান্‌ চেলুঙ্‌।

নহিমিয় 2:17

পরেন্দি মুই সে দাঙর্‌ পোজিশনর্‌ কাম্‌গুরিয়্যেগুনোরে কলুঙ্‌, “আমি যে কেধোক্কেন্‌ দুঘোত্ আগিই সিয়েন্‌ তুমি দেগর্‌। যিরূশালেমান ভস্ত ওই রোইয়্যে আর সিয়েনর্‌ গেট্‌তুন্‌ আগুন্দোই পুড়ো ওইয়্যে। এজঅ, আমি যিরূশালেমর দেবালান্‌ আরঅ গাদেইনে তুলিই। ইয়েন্দোই আর আমি ঘিনাইদে মানুচ্‌ ওই ন-থেবং।”

নহিমিয় 2:3

তো রাজারে কলুং, “মহারাজ জিংকানিবর্‌ বাঁজি থেজ্‌। মর্‌ পূরোণিমানুচ্চুনে যে শঅরত্‌ গোর্‌ পেইয়োন্‌ সে শঅরান্‌ যেক্কে ভস্ত ওই যেইয়্যে আর সিয়েনর গেট্‌টুন আগুন্দোই পুড়িনে বর্‌বাত্‌ লাগা ওইয়্যে সেক্কে মর্‌ মুয়োন্‌ কিত্তেই সুদোমু ন-লাগিবো?”

নহিমিয় 7:6

বাবিলোর রাজা নবুখদ্‌নিৎসরে যিদুক্কুন্‌ ইস্রায়েলীয়রে বানিনে বাবিলোত্‌ নেযেয়্যে তারার্‌ ভিদিরেত্তুন্‌ ভালোক্‌ জনে বান্যে অবস্থাত্তুন্‌ যিরূশালেমত্‌ আর যিহূদাত্‌ নিজো নিজো শঅর্‌ আর আদামত্‌ ফিরি এচ্ছ্যন্‌।

ইষ্টের 1:1

রাজা অহশ্বেরশে যেক্কেনে শূশনর্ তাম্বুলোত্‌ তার্‌ সিংহাসনত্‌ বজিনে রাজাগিরি গুরিদো সে অক্তত্‌ এ ঘটনাগান্‌ ঘোট্যে। ইবে সেই অহশ্বেরশ যিবে হিন্দুস্থানত্তুন্ কূশ দেজছান সং একশ সাতেশ্‌চান্ রেজ্য উগুরে রাজাগিরি গুরিদো।

গীতসংহিতা 79:4

পাড়াল্যেগুনো ইদু আমি মুয়োন দেগেই ন-পারির্, আমা চেরোকিত্যে মানুচ্চুনোর ইদু ঈচ্ গরা হেইয়্যে মানুচ্ ওইয়্যেই।

গম্ উপদেজ্ 25:28

যে মানুচ্চো নিজোরে দোঙেই ন-পারে তে এবাবোত্যে শঅর ধোক্ক্যেন্ যিয়েনর দেবালান্ ভাঙি ফেলা ওইয়্যে।

যিশাইয় 43:28

সেনত্তে মুই তমা উবোসনা-ঘরর্ ধর্মগুরুগুনোরে অগমান গুরিম আর যাকোবরে ভস্তর্ অভিশাবর্ তলে গুরিম আর ইস্রায়েলরে ঠাট্টা-তামাজার্ মানুচ্ বানেম্।”

যিশাইয় 5:5

মঅ আংগুর খেদ্‌‌তান উগুরে যিয়েনি গুরিম সিয়েন ইক্কিনে মুই তমারে কোম্: মুই সিয়েনর্ বেড়াগান্ তুলি ফেলেম্ আর সেক্কে ভূইয়ান শেজ্ ওই যেবঅ; মুই সিয়েনর্ দেবালান্ ভাঙি ফেলেম্ আর সেক্কে সিয়েন টেঙোই মাড়া অবঅ।

যিরমিয় 24:9

মুই তারারে যিয়েনত্ দূর গুরি দুয়োং সাৎ সিয়েনত্ মুই তারারে দর্‌‌গরেপারা মান্‌‌‍জ্য ধোক্ক্যেন গুরিম‍, পিত্‌থিমীর বেক্ জাদ্‌‌‍‌‌তুনো ইধু কাঙেলেত্যের বেপার্, এক্কো ঈচ্ গরা হেইয়্যে মানুচ্, এক্কান দাগ কধা আর এক্কো ঈচ্ গরা হেইয়্যে মানুচ্। মান্‌‌‍‌‍‌জ্যে তারা নাঙানিলোই অভিশাব্ দিবাক্।

যিরমিয় 29:18

মুই যুদ্ধো, ভাদরাত্ আর ভানালোই তারা পিজেদি লোড়েম্ আর পিত্‌থিমীর বেক্ রেজ্যগানি ইধু তারারে দর্‌‍‌‍‍গরেপারা মান্‌‍জ্য ধোক্ক্যেন গুরিম। যিদুক্কুন জাদ ভিদিরে মুই তারারে ধাবেই দিম্ তারা ইধু তারারে গুরিম ঠাট্টা-মশকারি আর ঈচ্ গরেদে মান্‌‍জ্য ধোক্ক্যেন। তারার অবস্থা দেগিনে মানুচ্চুনে আমক্ অবাক্ আর তারার নাঙানি অভিশাব ইজেবে বেবহার গুরিবাক্।

যিরমিয় 39:8

বাবিলীয়গুনে রাজঘরত্ আর মান্‌জ্য ঘরত্ আগুন বাজেই দিলাক্ আর যিরূশালেমর দেবালানি ভাঙি ফেলেলাক্।

যিরমিয় 42:18

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, যিগুনে যিরূশালেমত্ বজত্তি গুরিদাক্ তারা উগুরে যেবাবোত্যে মর্ অহুজি আর রাগ্ ঢালি পোজ্যে তুমি মিসরত্ গেলে সেবাবোত্যেগুরি মঅ রাগ্‌কান তমা উগুরেয়ো পুরিবো। তুমি অবা ঠাট্টা আর ঈচ্ গরা হেইয়্যে মানুচ্; তমা অবস্থা দেগিনে মানুচ্চুনে আমক্ অবাক্ আর তমা নাঙানিলোই মান্‌জ্যে অভিশাব্ দিবাক্। তুমি আর কনদিন্‌অ এ জাগায়ান ন-দেগিবা।

যিরমিয় 5:10

“ও জাদ্‌তুন, তুমি যিরূশালেমর আংগুর খেত্‌‌‍‌‍তানিত্ যেইনে সিয়েনি ভস্ত গরঅ মাত্তর্ পুরোপুরি বর্‌‌বাত ন-গোজ্য। সিয়েনর ডেলাগুন কাবি ফেলঅ, কিত্তে এ মানুচ্চুন লগেপ্রভুর নয়।‍,

যিরমিয় 52:14

রাজার রোক্ষিদলর্ সেনাপতিবোর্ তলেদি বাবিলীয় বেক্ সৈন্যদলুনে যিরূশালেমর দেবালান ভাঙি ফেলেলাক্।

আবিলেচ্ 1:7

যিরূশালেমানে তার দুঘোর্ আর ঘুরি বেড়েবার দিনুনোত্ তার পুরোণি দিনোর ধন-সম্পদর কধানি ইদোত্ তুল্যে। তা মানুচ্চুন যেক্কে শত্রু আঢত্ পোজ্যন সেক্কে তারে সাহায্য গুরিবার কনজন ন-এলঅ। তা শত্রুগুনে তাইন্দি রিনি চেইনে তারে ভস্ত গুরিবাত্তে ঠাট্টা-মশ্‌‌‌‌কারি গোজ্যন।

আবিলেচ্ 2:9

তা গেট্‌তুন মাদিলোই নাঢি যেইয়োন; হুক্‌কুন তে ভাঙিনে বর্‌বাত গুরি দিয়্যে। তার রাজা আর নেতাগুনে জাদ্‌তুনো ভিদিরে বন্দী ওই আগন্; রীদি-সুদোম্ কধে কিচ্ছু নেই; তার ভাববাদীগুনে লগেপ্রভুত্তুন্ আর দর্শন ন-পান্।

আবিলেচ্ 3:61

ও লগেপ্রভু, তারার্ ঈচ্ গরানার কধা তুই শুন্যচ্, শুন্যচ্ মঅ বিরুদ্ধে তারার্ বেক কুজুরোমির্ কধানি।

আবিলেচ্ 5:1

ও লগেপ্রভু, আমা উগুরে যিয়েনি ঘোট্যে সিয়েনি ইদোত্ তুলি চাহ্; তুই রিনি চাহ্, আমা অগমানানি চাহ্।

লেবীয় 26:31

মুই তমার্‌ আদামানি আর শঅরানি আর উবোসনার্‌ ঘরানি শেজ্ গুরি দিম। তমার উৎসর্বর তুম্‌বাজ্‌চান্ মুই গুজি ন-লোম।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।