নহিমিয় 1:2 - Chakma Bible

² হনানি নাঙে মঅ ভেইয়ূনো ভিদিরে একজন আর যিহূদার অন্য কয়েক্কো মানুচ্‌ শূশনত্‌ এলাক্‌। বাবিলো বন্দীদজাত্তুন্‌ যিগুনে ফিরি যেইয়োন্‌ সে মানুচ্চুনোর্‌ পৌইদ্যেনে আর যিরূশালেমর পৌইদ্যেনে মুই তারার্‌ ইদু পুযোর্‌ গুরিলুঙ্‌।

নহিমিয় 1:2 Iomraidhean Croise

পত্থম 14:10

সিদ্দীম কলগত্‌ মাত্যে তেল্লোই ভরা বোউত্‌ গাত্‌ এলাক্। যেক্কে সদোম আর ঘমোরা রাজাগুনে ধেই যাদন্‌ সেক্কে তারা মানুচ্চুনো ভিদিরে কয়েকজনে সে মাত্যেতেলর্ গাদ্‌‌তোত্‌ পড়ি যেইয়োন্‌, আর অন্যগুনে মুড়ো-মুড়ি মোক্কে ধেই গেলাক্।

২ রাজাবলী 24:14

ইয়েনিবাদে যিরূশালেমর বেক্কুনোরে, অত্তাৎ বেক্‌ কাম্‌গুরিয়্যেগুনোরে আর যুদ্ধোগুরিয়্যেগুনোরে, বেক্‌ কালিগর আর কামারুনোরে-বেক্কুনে মিলিনে দশ আজার মান্‌জ্যরে তে বন্দী গুরি নেযেল। দেজত্‌ নাদা মানুচ্চুন্‌ বাদে আর কনজন ন-রলাক্‌।

২ রাজাবলী 25:12

মাত্তর্‌ আংগুর ক্ষেত চেবাত্তে আর ভূইয়ো চাষ গুরিবাত্তে কিজু নাদা মান্‌জ্যরে তে দেজত্‌ থোই গেলঅ।

ইষ্রা 9:14

আমি কি আরঅ তর্ উগুমানি অমান্য গুরিনে সেই জঘন্য কাম গোজ্যে মানুচ্চুুনো সমারে বৌ বেপারে কধা কবং? সিয়েন গুরিলে দঅ তুই আমা উগুরে এমন রাগ গুরিবে যিয়েনত্যে তুমি আমারে ভস্ত গুরি ফেলেবে আর আমারে কাররে বাঁজি থেবাত্যে ন দিবে।

নহিমিয় 7:2

মর্‌ ভেই হনানি আর তাম্বুলোর্‌ সেনাপতি হনানিয়রে মুই যিরূশালেমর কাম ভারান্‌ দিলুঙ্‌, কিত্যে হনানিয় গম্‌ মানুচ্‌ এলঅ আর গোজেনরে বেক্কুনোত্তুন্‌ বেশ্‌ ভোক্তিগুরিনে দোরেদ।

যিরমিয় 44:14

যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে যেইয়োন তারা যিহূদা দেজত্ ফিরি এবাত্তে ধেই যেবাত্তে বা বাঁজি থেই ন-পারিবাক্, যুনিয়ো তারা সিয়েনত্ ফিরি এইনে বজত্তি গুরিবাত্তে চেবাক্; তারা ভিদিরে কয়েকজন বাদে আর কনজনে ধেইনে ফিরি এই ন-পারিবাক্।”

যিহিষ্কেল 6:9

সেই বেক্ জাদ্‌তুনো ভিদিরেত্তুন্ তারা মঅ পৌইদ্যেনে এ কধাগান মনে গুরিবাক্ যে, তারার্ অবিশ্বেজি মনানি আর চোগ্‌কুন্দোই মরে কিবাবোত্যেগুরি দুঘ্ দুয়োন; সেই মনান্ মত্তুন্ সুরি যেইয়্যে আর সেই চোগ্‌কুনে তারার্ মূত্তিগুনোরে আওজ্ গুরি কামনা গত্তন্। তারার্ বেক ভান্ন্যেই আর জঘন্য কামানিত্তে তারা নিজেরে নিজে ঘিনেবাক্।

যিহিষ্কেল 7:16

যিগুনে বাঁজি থেবাক্ আর ধেই যেবাক্ তারা বেক্কুনে মুড়োই মুড়োই থেবাক্ আর পত্তিজনে তা পাপত্তে কলগ কঅ ধোক্ক্যেন আবিলেচ্ গুরিবাক্(দুগুরিবাক্)।