নহূম 1:2 - Chakma Bible

² লগেপ্রভু এমন গোজেন যিবে তার পাওনা ভোক্তি চায় আর কামফল দে; লগেপ্রভু হেনা সুজে আর তে রাগে গুল্ ওইয়্যে। লগেপ্রভু তা বিপক্ষগুনো উগুরে হেনা সুজে আর তা শত্রুগুনোত্তে তা রাগ্‌‌কান জমা রাগায়।

নহূম 1:2 Iomraidhean Croise

ইয়োব 20:23

তার্‌ পেট ভুরিবার সময়ত্‌ গোজেনে তার্‌ জোল্‌জোল্যে রাগ্‌কান তা উগুরে ঢালি দিবো, সিয়েন্‌ ঢালি দিবো ঝড় ধোক্ক্যেন্ গুরিনে।

গীতসংহিতা 94:1

ও লগেপ্রভু, অন্যেয়র্ সাজা দিবার অধিকারী গোজেন, ও অন্যেয়র্ সাজা দিবার অধিকারী গোজেন, তর্‌ পহ্‌রান ফগদাং ওক্।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যাত্রা 34:14

তুমি কনঅ‌ দেবেদার্‌ উবোসনা ন-গুরিবা, কিত্তে লগেপ্রভুর্‌ নাঙান্‌ অলঅ পাইদে ভোক্তি পেবার্‌ আওজি গোজেন; তে তার্‌ পাইদে ভোক্তিগানি চায়্‌।

যাত্রা 34:7

তার্‌ অমকদ কোচ্‌পানা আজার্‌ আজার্‌ বংশ ধুরিনে থেবঅ‌। তে অন্যেয়, উল্লোমি আর পাপ্‌ ক্ষেমা গরে, মাত্তর্‌ দুষীগুনোরে সাজা-দে। তে বাবর্‌ অন্যেয়র্‌ সাজা তার্‌ বংশর্‌ তিন্নো-চের্‌বো বংশধর্ সং দি থায়।”

যিশাইয় 42:13

এক্কো খেমতাবলা মান্‌জ্য ধোক্ক্যেন গুরি লগেপ্রভু নিগিলি এবঅ, তে যোদ্ধা ধোক্ক্যেন তা আওজ্‌‌ছানরে বাড়েই দিবো; তে রঅ ছাড়িনে যুদ্ধোর্ ডাগ্ দিবো আর শত্রুগুনো উগুরে জিদিবো।

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিশাইয় 51:20

তঅ পুয়োগুনে অজ্ঞান ওই যেইয়োন্; তারা জালত্ পোজ্যে উরিঙো ধোক্ক্যেন পত্তি পধ মাদাথ্ পড়ি থান্। তারা উগুরে লগেপ্রভুর রাগ্‌কান, তর্ গোজেনর সাজাগান ভর্‌‍পুনোং গুরি লামি এচ্চ্যে।‍

যিশাইয় 66:15

চঅ, লগেপ্রভু আগুনো ভিদিরেদি এবঅ আর তা রথ্‌‌তানি টুত্যেবোইয়্যের ধোক্ক্যেন এবঅ। তা রাগ্‌কান তে দর্‌‌‌‌‌গরেপারা ফগদাং গুরিবো, আর তা গেইল্ দেনাগান আগুনো জিল্‌‌‌‌‌লোই ফগদাং অবঅ।‌

যিরমিয় 25:15

ইস্রায়েলর গোজেন লগেপ্রভু মরে কোইয়্যেদে, “তুই মঅ আঢত্তুন আংগুর রস, অত্তাৎ মর্ রাগে ভরা এ গলস্‌চো নেযা আর যিদুক্কুন জাদ ইধু মুই তরে পাদেম্ তারারে সিয়েন হেবাত্তে দে।‌‌

যিরমিয় 28:8

তর্ আর মঅ আগেদি পুরোণ দিনোর যে ভাববাদীগুনে এলাক্, তারা বোউত্ দেজ্ আর দাঙর্ দাঙর্ রেজ্যগানি বিরুদ্ধে যুদ্ধো, পারাদযা আর ভানা পৌইদ্যেনে আগামকধা কোইয়োন।

যিরমিয় 3:5

তুই কি নিত্য রাগ গুরি থেবে? তর্ রাগ্‌‌‌‌‌‌‍কান কি জিংকানিবর্ অদে অদে মনত্ থবে‍?’ তুই দঅ এবাবোত্যেগুরি কধা কচ্, মাত্তর্ তঅ তপ্পে যেত্তমান ভান্ন্যেই কাম্ গুরিবার সম্ভব তুই সেত্তমান গোজ্যস্।”

যিরমিয় 36:7

অয়ত তারা লগেপ্রভু ইধু তবনা গুরিবাক্ আর পত্তিজনে তারার ভান্ন্যেই পধত্তুন ফিরিবাক্, কিত্তে এ মানুচ্চুনো বিরুদ্ধে লগেপ্রভু অমকদ অহুজি আর রাগর্ কধা কোইয়্যে।”

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

যিরমিয় 50:15

তা বিরুদ্ধে চেরোকিত্তেত্তুন্ যুদ্ধোর্ রঅ ছাড়অ। তে উদিই যানা স্বিগের্ গোজ্যে, তার্ রোক্ষ্যে অনার বেবস্থাগান ভাঙি যেইয়্যে আর তা দেবালান্ ভস্ত ওইয়্যে। লগেপ্রভু সিয়েন উগুরে হেনা সুজের্, তুমিয়ো হেনা সুজো। তে অন্যগুনোরে যেবাবোত্যে গোজ্যে তুমিয়ো তা উগুরে সেবাবোত্যে গরঅ।

আবিলেচ্ 4:11

লগেপ্রভু তার্ অমকদ অহুজিগানরে পুরোপুরি নিগিলেয়্যে; তার্ অমকদ রাগ্‌কান তে ঢালি দিয়্যে। তে সিয়োনত্ আগুন জ্বালেয়্যে; সেক্কে তার্ খুদোগুন সং জ্বালেই দিয়্যে;

যিহিষ্কেল 36:6

তুই ইস্রায়েল দেজ পৌইদ্যেনে আগাম্ কধা কঅ। তার দাঙর্ দাঙর্ আর চিগোন্ চিগোন্ মুড়োগুন, গাদ আর কলগ্‌‌‌‌‌‌কানিরে কঅ, প্রভু লগেপ্রভু কোইয়্যেদে, মর্ মনর্ জ্বালালোই রাগে মুই কধা কঙর্, কিত্যে তুমি অন্য জাদ ইত্তুন্ অগমান পেইয়ো।

যিহিষ্কেল 38:18

সেদিন্যে যেক্কে গোগে ইস্রায়েল দেজ্‌‌‌‌‌‌চান আক্রমন গুরিবো সেক্কে মর্ অমকদ রাগে জুলি উদিম।

যিহিষ্কেল 38:19

মর্ আওজে আর অমকদ রাগে মুই ফগদাং গরঙর্, সে অক্তত্ ইস্রায়েল দেজত্ অমকদ ভূজোল্ অবঅ।

যিহিষ্কেল 39:25

প্রভু লগেপ্রভু আরঅ কোইয়্যেদে, “মুই ইক্কিনে যাকোবরে বন্দীদজাত্তুন্ ফিরেই আনিম আর ইস্রায়েলর বেক্ মানুচ্চুনোরে মেয়্যে গুরিম আরে মঅ নাঙানর্ পবিত্রতাগানত্তে আওজি ওম্।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

যিহিষ্কেল 6:12

যে দূরোত্ আঘে তে ভানালোই মুরিবো আর যে কায়-কুরে আঘে তে যুদ্ধোত্ মুরিবো, আর যে বাঁজিবো তে ঘিজ্যে ভিদিরে পড়িনে ভাদরাদে মুরিবো। এবাবোত্যেগুরি মঅ রাগ্‌‌কান মুই তারা উগুরে পুরোপুরি গুরি ঢালি দিম্।

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

যোয়েল 2:18

সেক্কে লগেপ্রভু তা দেজ্‌‌‌চানত্তে আওজি অবঅ আর তা মানুচ্চুনো উগুরে মেয়্যে গুরিবো।

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

মীখা 5:15

যে জাদ্‌‌‌‌‌‌‌‌তুনে মর্ বাধ্য ন-অন মুই অমকদ রাগে তারা উগুরে হেনা সুজিম।”

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

সখরিয় 1:14

সেনত্তে সেই স্বর্গদূত্‌‌‌‌তো মরে কলঅ, “তুই এই কধাগান ফগদাং গর্ যে, বেগত্তুন খেমতাবলা লগেপ্রভু কোইয়্যেদে, ‘যিরূশালেমত্তে, অত্তাৎ সিয়োনত্তে মর্ মনত্ অমকদ জ্বলের্।

গণাণা 25:11

“ধর্মগুরু হারোণর নাদিন্‌, অত্তাৎ ইলিয়াসরর্‌ পূঅ পীনহস ইস্রায়েলীয়গুনো উগুরেত্তুন্‌ মর্‌ রাক্কান্‌ দূর্‌ গোজ্যে। ইস্রায়েলীয়গুনো ভিদিরেত্তুন্‌ তে মর্‌ পাওনা ভোক্তিগান পৌইদ্যেনে মঅ ধোক্ক্যেন আওজী। সেনত্তেই মর্‌ পাওনা ভোক্তিগান পৌইদ্যেনে মর্‌ অমহদ আওজ্ থেলেয়ো মুই তারারে শেজ্ গুরিবাত্তে ন-দুয়োং।

রোমীয় 12:19

কোচ্‌পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।”

রোমীয় 13:4

তমা ভালেদিত্যে তে গোজেনর্ সেবাগুরিয়্যে ইজেবে কাম্ গরে। তুমি যুনি অন্যেয় গরঅ সালে দোরেয়ো, কিয়া অন্যেয় গুরিয়্যেগুনোরে সাজা দিবার্ অধিকার্ তার্ আঘে। তে দঅ গোজেনর্ সেবাগুরিয়্যে; যিগুনে অন্যেয় কাম্ গরন্ তারারে তে গোজেনর্ ওইনে সাজা দে।

দ্বি’লম্বর বিররণ 4:24

কিত্যে তমা গোজেন লগেপ্রভু অলদে বেক্কানি পুড়ি ফেলেই দিয়্যে আগুন; তার্‌ পাওনা ভোক্তি পৌইদ্যেনে তে অমকদ খুজি।

দ্বি’লম্বর বিররণ 7:10

মাত্তর্‌ যিগুনে তারে কোচ্‌ ন-পান তারারে ভস্ত গুরিনে তে তার্‌ হেনা উগুরোই; আর সিয়েন্‌ গত্তে তে দেরি ন-গরে।

ইব্রীয় 10:30

আমি তারে কোই পারিই যিবে কোইয়্যে, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।” তে আরঅ এক জাগাত্ কোইয়্যে, “প্রভুই তার্ মানুচ্চুনো উগুরে ন্যায়বিচের্ গুরিবো।”

যিহোশূয় 24:19

এ কধাগান শুনিনে যিহোশূয় মানুচ্চুনোরে কলদে, “মাত্তর্‌ তুমি তার সেবা গুরি ন-পারিবা, কিত্যে তে পবিত্র গোজেন, তার্‌ পাওনা ভোক্তিগান্‌ তে আর কাররে পেবাত্তে ন-দিবো। তমার উল্লোমিগানি আর তমার পাপ্পানি তে খেমা ন-গুরিবো।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।