নহূম 1:11 - Chakma Bible

¹¹ তমা ভিদিরেত্তুন্ এমন এক্কো নিগিলি এজের্ যে লগেপ্রভু বিরুদ্ধে কুজুরোমি গরের্ আর ভান্ন্যেই সল্লা দের্।

নহূম 1:11 Iomraidhean Croise

২ শমূয়েল 20:1

বিন্যামীন-গুট্টির বিখ্রির পূঅ শেবঃ নাঙে এক্কো পাজি মানুচ্‌ সেক্কে সিদু এলঅ। তে শিংগা বাজেইনে কলঅ, “দায়ূদো উগুরে আমার কনঅ দাবি নেই, যিশয়র পূঅবো উগুরে কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ।”

২ রাজাবলী 18:30

হিষ্কিয় যেনে এ কধাগান কোইনে লগেপ্রভু উগুরে তমা বিশ্বেজ্‌ছান্‌ ন-জর্মায়, লগেপ্রভু হামাক্কাই আমারে উদ্ধোর্‌ গুরিবো; এ শঅরান্‌ আসিরিয়ার্‌ রাজা আঢত্‌ তুলি দিয়্যে ন-অবঅ।

২ বংশধর 13:7

কয়েক্কো অপদাত্ত আর পাজি মানুচ্‌ যারবিয়ামর চেরোকিত্তে এগত্তর্‌ ওইনে শলোমন পুয়ো রহবিয়াম বিরুদ্ধে থিয়্যেলাক্‌। সে অক্তত্‌ রহবিয়ামে এলদে গাবুজ্যে আর তার্‌ অভিজ্ঞতা এলদে কম; তারারে মানা গরেদে ধোক্ক্যেন যোগাজ্যে বল্‌ তার্‌ ন-এলঅ।

যিহিষ্কেল 11:2

লগেপ্রভু মরে কলঅ, “ও মান্‌‌জ্যর পুয়োবো, ইগুন সেই মানুচ্ যিগুনে শঅর ভিদিরে কুজুরোমি গত্তন্ আর ভান্ন্যেই সল্লা দেদন্।

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

নহূম 1:9

ও নীনবী মানুচ্চুন, লগেপ্রভুর বিরুদ্ধে তুমি যে কুজুরোমী গুরিদা সাৎ সিয়েন তে বিফল গুরি দিবো; তুমি কাররে আর্ দুঘ্ দি ন-পারিবা।

১ শমূয়েল 2:12

এলির পূঅগুনে এলাক অমহদ পাজি। লগেপ্রভু উগুরে তারার কনঅ মনযোগ ন-এলঅ।