মার্ক 7:7 - Chakma Bible

⁷ তারা মিজে মিজে মর্ উবোসনা গরন্, তারার্ দিয়্যে শিক্ষ্যে মান্‌জ্যর্ বানেয়্যে কয়েক্কো সুদোম্ বানা।

মার্ক 7:7 Iomraidhean Croise

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

মালাখি 3:14

তুমি কোইয়ো, ‘গোজেনর্ সেবা গরানা অনত্তক্। তার্ রীদি-সুদোম মজিম্ কাম্ গুরিবাত্তে আর আপ্‌সোজ্ গুরিনে বেগত্তুন্ খেমতাবলা লগেপ্রভুর মুজুঙোত্ আদাউদো গুরিনে আমার কি লাভ্ অলঅ?‌‌‌‌‌

মথি লেখ্যে গম্ হবর্ 15:9

তারা মিজে মিজে মর্ উবোসনা গরন্; তারার্ দিয়্যে শিক্ষ্যেনি মান্‌জ্যর্ বানেয়্যে কয়েক্কান সুদোম্ বানা।

মথি লেখ্যে গম্ হবর্ 6:7

যেক্কে তুমি তবনা গরঅ সেক্কে অযিহূদীগুনো ধোক্ক্যেন্ অত্ত নেইয়্যে কধা বার্ বার্ ন-কোয়্য। অযিহূদীগুনে মনে গরন, বেশ্ কধা কলে গোজেনে তারার্ তবনাগানি শুনে।

১ করিন্হীয় 15:14

আর খ্রীষ্টরে যুনি জেদা গরা ন-ওই থায় সালে আমার্ প্রচার-অ মিজে আর তমার বিশ্বেজ্-অ মিজে।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

তীত 3:9

অঘা ধোক্ক্যেন তর্কাতর্কি, বংশর-নাঙানি, কোল্-কোজ্জ্যে আর রীতি-সুদোমর্ কধা সলাসুলিত্তুন্ তুই দূরোত্ থাগ, কিয়া ইয়েনি গুরিনে কনঅ লাভ নেই; ইয়েনি বেক্কানি অত্ত-নেইয়্যে।

যাকোব 1:26

কেঅ যুনি নিজোরে ধার্মিক মনে গরে অদচ নিজোর্ জিলানরে ন-সামালায় তে নিজোরে থগায়। তার্ ধর্মর্ কামানি মিজে।

যাকোব 2:20

হায় ভুলো! কাম্ বাদে বিশ্বেজ্‌চান যে ফল-নেইয়্যে সিয়েনর প্রমাণান্ কি তুই চাজ্?

ফগদাং পেইয়্যে 22:18

যে মানুচ্চো এ বোইবোর্ বেক্ কধানি, অত্তাৎ গোজেনর্ কধা শুনিনে মুই তা ইধু এ সাক্ষ্যগান দোঙত্তে, কেঅ যুনি ইয়েন সমারে কিজু মিজেয় সালে গোজেনেয়ো এ বোইবোত্ লেখ্যে বেক্ আঘাত্‌‌তানি তা জিংকানিত্ যোগ গুরিবো।

১ শমূয়েল 12:21

তুমি তাত্তুন্‌ সুরি ন-যেইয়ো, কিত্যে সিয়েন গুরিলে তুমি অসার দেব-দেবেদাগুনোর পিজেন্দি যেবা। সিগুন অসার বিলিনে তমার কনঅ উপকারঅ গুরি ন-পারিবাক্ আর তমারে রোক্ষেয়ো গুরি ন-পারিবাক্।