মার্ক 7:5 - Chakma Bible

⁵ সেনত্তে ফরীশী আর ধর্ম-মাষ্টরুনে যীশুরে পুযোর্ গুরিলাক্, “পুরোণি দিনোর্ ধর্ম-মাষ্টরুনোরে দিয়্যে যে সুদোমানি চলি এজের্ তঅ শিচ্চ্যগুনে সিয়েনি মানি ন-চলদন্ কিত্তে? মাত্তর্ তারা সিয়েনর্ বদলে দঅ আঢ্ ন-ধোইনে হান্।”

মার্ক 7:5 Iomraidhean Croise

মথি লেখ্যে গম্ হবর্ 15:2

“পুরোণি দিনোর্ ধর্ম-মাষ্টরুনোরে দিয়্যে যে সুদোমানি চলি এজের্ তঅ শিচ্চ্যগুনে সিয়েনি মানি ন-চলদন্ কিত্তে? হেবার্ আগেদি তারা গমেডালে আঢ্ ন-ঢন্।”

মার্ক 7:13

এবাবোত্যেগুরি তুমি তমার চলেত্তে সুদোমান্ শিক্ষ্যে দিইনে গোজেনর্ কধানি বাদ্ দুয়ো। ইয়েনি বাদেয়ো তুমি আরঅ এবাবোত্যে বোউত্ কাম গুরি থাগঅ।”

মার্ক 7:8

তুমি দঅ গোজেনর্ দিয়্যে উগুমানি বাদ্ দিইনে মান্‌জ্যর্ দিয়্যে চলেদে সুদোমানি পালর্।”

মার্ক 7:9

যীশু তারারে আরঅ কলঅ, “গোজেনর্ উগুম বাদ্ দিইনে নিজোর সুদোমানি পালেবাত্তে গমেডালে গম্ পথ্‌তান্ তমার জানা আঘে।

প্রেরিত্‌ 21:21

তারা হবর্ পেইয়োন, অযিহূদীগুনো ভিদিরে যিদুক্কুন্ যিহূদী থান্ তারারে তুই মোশির রীতি-সুদোম বাদ দিইনে চলিবাত্তে শিক্ষ্যে দি থাচ্, অত্তাৎ তুই তারার্ পুয়োগুনোরে চুনুগুলো মাঢাবো কাবিবাত্তে আর যিহূদীগুনোর্ চলেদে সুদোম্ পালেবাত্তে মানা গুরি থাচ্। ইক্কিনে আমি কি গুরিই।

প্রেরিত্‌ 21:24

এ মানুচ্চুনোরে তুই তঅ সমারে নেযা আর তারা সমারে তুই নিজেয়ো সিজি অ আর তারার্ মাধাবো মুড়েবার্ টেঙাগুনো দে। সেক্কে বেক্কুনে কোই পারিবাক্, তঅ পৌইদ্যেনে তারা যে হবরান্ পেইয়োন সিয়েন মিজে আর তুই রীতি-সুদোম পালর্।

রোমীয় 4:12

ইয়েন বাদে, চুনু মাঢাবো চামান কাবিবার্ আগেদি অব্রাহামে যেবাবোত্যেগুরি বিশ্বেজর্ পধেদি চুলিদো, যিদুক্কুন্ চুনু মাঢাবো চামান কাপ্যে মানুচ্ সেবাবোত্যেগুরি চলন্ অব্রাহামে তারার্‌অ বাপ।

গালাতীয় 1:14

মঅ বয়জর্ বোউত যিহূদীত্তুন্অ মুই সে ধর্মত্ ভালোদ্ দূর্ উজেই যাঙর্। ইয়েন বাদে মঅ পূরোণি মানুচ্চুনোত্তুন যেদক্কানি সুদোম এচ্চ্যে সেই পৌইদ্যেনেয়ো মুই অমকদ উচ্চোমি এলুং।

২ থিষলনীকীয় 3:11

আমি শুনির্, তমা ভিদিরে কেঅ কেঅ আল্‌সি গুরি চলদন্ আর এক্কুবারে কাম ন-গত্তন্, বরং অন্য পৌইদ্যেনে খিজেখিচ্চ্যে গত্তন্।

২ থিষলনীকীয় 3:6

ভেইলগ্, আমা প্রভু যীশু খ্রীষ্টর্ নাঙে আমি তমারে এ উগুমান দির্-যুনি কনঅ ভেই আল্‌সি গুরিনে কাদায় আর আমাত্তুন্ তুমি যে শিক্ষ্যেগানি পেয়ো সিয়েনি ন-পালায়, সালে তুমি তা সমারে ন-মিল্ল্য।