মার্ক 4:8 - Chakma Bible

⁸ মাত্তর্ আর কয়েক্কো বীজ্ গম্ ভূইয়োত্ পড়িলাক্ আর গাজ্ গেজেইনে বাড়ি উদিলাক্ আর ফল দিলাক্; কনবোত্ ত্রিশ গুন্, কনবোত্ ষায়েট্ গুন্, আরঅ কনবোত্ একশগুন্ ফসল জোর্মেল।”

মার্ক 4:8 Iomraidhean Croise

পত্থম 26:12

ইস্‌হাকে সে বজরত্ সেই দেজত্‌ চাষ্‌ গুরিনে একশঅ গুণ ফল্‌ পেলঅ। লগেপ্রভু তারে বর্ দিলো,

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিরমিয় 23:29

মঅ কধানি কি আগুনো ধোক্ক্যেন নয়? যে আদুরোবোলোই পাত্তর্‌বোরে কট্টা কট্টা গুরি মঅ কধানি কি সে আদুরোবো ধোক্ক্যেন নয়?‌

মথি লেখ্যে গম্ হবর্ 13:23

গম্ ভূইয়োত্ পোজ্যে বীজিগুনোর্ মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনিনে বুঝোন্ আর ফল দুয়োন্। কনজনে দে একশগুন, কনজনে দে ষায়েট্গুন্ আর কনজনে দে ত্রিশগুণ।”

মথি লেখ্যে গম্ হবর্ 13:8

মাত্তর্ কয়েক্কো বীজি গম্ ভূইয়োত্ পড়িনে কনবোত্ একশগুন, কনবোত্ ষায়েত্‌গুন আর কনবোত্ ত্রিশগুন শোজ্য অলাক্।”

মার্ক 4:20

সেনত্তে সিয়েনত্ কনঅ ফল ন-অয়। আর গম্ ভূইয়োত্ ফেলেয়্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সেই কধানি শুনিনে সিয়েনি মানি লন্ আর ফল দুয়োন্। কেঅ দে ত্রিশগুন্, কেঅ দে ষায়েট গুন্ আরঅ কেঅ দে একশগুন্।”

মার্ক 4:7

আর কয়েক্কো বীজ্ কাদাঝুবো ভিদিরে পড়িলাক্। কাদাঝুব্‌পুন বাড়ি উদিনে চারাগুনোরে চাপি রাগেলাক্, সেনত্তে ফল্ ন-ধুরিলাক্।

মার্ক 4:9

যেরেদি যীশু কলঅ, “যিবের্ শুনিবার কান্ আঘে, তে শুনোক্।”

লূকে লেখ্যে গম্ হবর্ 8:15

গম্ ভূইয়োত্ পোজ্যে বীজ্‌‌চুনো মাধ্যমে তারা পৌইদ্যেনে কুয়ো ওইয়্যেদে যিগুনে গম্ আর সরল্ মনে সেই কধানি শুনিনে দরমর গুরি ধুরি রাগান্ আর থির্ থেইনে জিংকানিত্ পাগানা ফল দেগান্।

লূকে লেখ্যে গম্ হবর্ 8:8

আরঅ কয়েক্কো বীজ্ গম্ ভূইয়োত্ পড়িলাক্ আহ্ দাঙর্ ওইনে একশ গুণ ফসল বাড়িলাক্।” এ কধাগান কনার্ পরেদি যীশু শেজদি কলঅ, “যিবের্ শুনিবার্ কান্ আঘে তে শুনোক্।”

যোহন 15:5

মুয়ই আংগুর্ গাজ্, আর তুমি সিবের্ ডেলা-পাদা। যুনি কেঅ মঅ সমারে থায় আর মুই তা সমারে থাং সালে তা জিংকানিত্ সয়-সাগোজ্যে গুলোগুলি ধরে, কিয়া মরে বাদে তুমি কিচ্চু গুরি ন-পারঅ।

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

প্রেরিত্‌ 17:11

থিষলনীকীর্ যিহূদীগুনোত্তুন্ বিরয়া শঅরর্ যিহূদীগুনো মনানি বোউৎ বেশ্ খুলোমেলা এলঅ। তারা জদবদে আওচ্ গুরিনে গোজেনর্ কধা শুনিনে সিয়েনি মানি ললাক্। পৌলে যিয়েনি কোইয়্যে সিয়েনি সত্য নাহি চেবাত্যে পত্তিদিন্ তারা বোইয়োত্ তোগেদাক্।

ইফিষীয় 2:21

খ্রীষ্ট লগে মিজেনার্ কারনে বিল্ডিঙানর্ পুরো ভাগ্‌কান এক সমারে এগত্তর্ ওইনে প্রভুর্ থেবাত্যে এক্কান পবিত্র ঘর্ উঠ্যে।

কলসীয় 1:6

এ গম্ হবরান গোদা পিত্‌থিমীত ছিদি পড়িনে ফল ধরের্ আর দিন দিন উজেই যার্। যেদিন্ন্যে তুমি এ গম্ হবরান শুন্ন্য আর গোজেনর্ দোয়্যের কধা ঘেচ্চ্যেক্ গুরি কোই পাজ্জ্য সে দিন্নোত্তুন্ ধুরি সিয়েন তমা ভিদিরেয়ো ঠিগ্ সেবাবোত্যেগুরি কাম গরের্।