মার্ক 3:7 - Chakma Bible

^7-8 ইয়েনর পরেদি যীশু তা শিচ্চ্যগুনো সমারে সাগর পারত্ গেলঅ। গালীল রেজ্যর্ বোউত্ মানুচ্ তা পিজে পিজে যাহ্ ধুরিলাক্। যীশু যেদক্কানি কাম গোজ্যে সিয়েনির্ কধা শুনিনে যিহূদিয়াত্তুন, যিরূশালেমত্তুন, ইদোম চাগালাত্তুন্, যর্দন গাঙর্ উপারত্তুন আর সোর আহ্ সীদোন শঅরর্ চেরোকিত্তেত্তুন্ বোউত্ মানুচ্ তাইধু এলাক্।

মার্ক 3:7 Iomraidhean Croise

মথি লেখ্যে গম্ হবর্ 10:23

কনঅ আদাম মান্‌জ্যে যেক্কে তমা উগুরে অত্যেচার গুরিবাক্ সেক্কে অন্য আদামত্ ধেই যেয়ো। মুই তমারে ঘেচ্চেকগুরি কঙর্, ইস্রায়েল দেজর্ শঅর আর আদামত্ তমা কামানি থুম্ অবার্ আগেদি মান্‌জ্যপুয়োবো এবঅ।

মথি লেখ্যে গম্ হবর্ 12:15

সেই সল্লাগান পৌইদ্যেনে হবর্ পেইনে যীশু সিয়েনত্তুন গেলগোই। সেক্কে বোউত্ মানুচ্ তা পিজে পিজে গেলাক্।

মথি লেখ্যে গম্ হবর্ 12:16

তারা ভিদিরে যিগুনে অসুগ্ এলাক্ তে তারারে বেক্কুনোরে গম্ গুরিলো আর উজিয়ার্ গুরি দিলো যেন তা পৌইদ্যেনে তারা কুয়োকি ন-গরন্।

মথি লেখ্যে গম্ হবর্ 4:25

গালীল, দিকাপলি, যিরূশালেম, যিহূদিয়া আর যর্দনর অন্য পারত্তুন্ বোউত্ মানুচ্ যীশুর পিজে পিজে যাহ্ ধুরিলাক্।

মার্ক 1:45

মাত্তর্ সে মানুচ্চো বারেদি যেইনে বেক্‌ জাগানিত্ এ হবরান্ কুয়ো ধুরিলো। সিয়েনত্যে যীশু আর্ কনঅ আদামত্ খুলোমেলা গুরিনে যেই ন-পারিলো। তাত্তুন্ নিরিবিলি জাগাত্ থা পল্ল; তো মানুচ্চুনে নানান্ জাগাত্তুন্ তা ইধু এজা ধুরিলাক্।

মার্ক 3:20

যীশু ঘরত্ এযানার্ পরেদি আরঅ এদক্ মানুচ্ তা মুজুঙোত্ তুবেলাক্ যে, তে আর তা শিচ্চ্যগুনে কিজু হেবাত্তেয়ো ন-পেলাক্।

মার্ক 4:1

যীশু আরঅ গালীল সাগর পারত্ মানুচ্চুনোরে শিক্ষ্যে দিয়্যে ধুরিলো। তা চেরোকিত্তে বোউত্ মান্‌জ্যর্ ভিড়্ অলঅ; সেনত্তে তে সাগর সংমোধ্যে এক্কান্ নৌকোত্ উদিনে বুজিলো আর মানুচ্চুনে সাগর পারত্ থিয়্যেই রলাক্।

লূকে লেখ্যে গম্ হবর্ 23:5

মাত্তর্ তারা জিদ্ গুরিনে কুয়ো ধুরিলাক্, “যিহূদিয়া রেজ্যর্ বেক্ জাগানিত্ শিক্ষ্যে দিইনে ইবে মানুচ্চুনোরে রাগ্ তুলি দিয়্যে। গালীল রেজ্যত্তুন্ ধুরি তে আরাম্ভ গোজ্যে, আর ইক্কিনে ইধু এচ্চ্যে।”

লূকে লেখ্যে গম্ হবর্ 6:12

ইয়েনর্ পরেদি যীশু তবনা গুরিবাত্তে এক্কো মুড়োত্ গেলঅ আর গোদা রেত্তো গোজেন ইধু তবনা গুরিনে কাদেল।

লূকে লেখ্যে গম্ হবর্ 6:17

যীশু তা শিচ্চ্যগুন্ সমারে লোইনে মুড়োত্তুন্ লামিনে এক্কান্ সং জাগাত্ যেইনে থিয়্যেল। সিয়েনত্ তার ভালোক্কুন্ শিচ্চ্য এগত্তর্ ওইয়োন্। ইগুন বাদেয়ো যিহূদিয়াত্তুন্, যিরূশালেমত্তুন্ আর সোর আহ্ সীদোন নাঙে সাগর পারর্ দ্বিয়েন্ শঅর চাগালাত্তুন্অ বোউত্ মানুচ্ সিয়েনত্ এলাক্।

যোহন 7:41

অন্যগুনে কলাক্, “ইবেই মশীহ।” মাত্তর্ কেঅ কেঅ কলাক্, “মশীহ কি গালীল রেজ্যত্তুন্ এবঅ?

যোহন 7:52

ফরীশীগুনে নীকদীমরে জোব্ দিলাক্, “তুইয়ো কি গালীলো মানুচ্‌? পবিত্র বোইবোত্ তোগেই চাহ্, গালীলোত্ কনঅ ভাববাদীর জোর্মেবার্ কধা নেই।”

প্রেরিত্‌ 17:10

রেত্ অলে পরেদি বিশ্বেজি ভেইয়ুনে পৌল আর সীলরে বিরয়াত্ পাধেই দিলাক্। সিধু লুমিনে তারা যিহূদীগুনোর্ সমাজ-ঘরত গেলাক্।

প্রেরিত্‌ 17:14

বিশ্বেজি ভেইয়ুনে সেক্কে পৌলরে সাগর পারত্ পাধেই দিলাক্, মাত্তর্ সীল আর তীমথিয় বিরয়াত্ থেলাক্।

যিহোশূয় 20:7

সেনত্তেই ইস্রায়েলীয়গুনে আশ্রয়-শঅর্‌ ইজেবে নপ্তালি-গুট্টিগুনোর্‌ ভাগর্‌ মুড়ো-মুড়ি চাগালার গালীলর কেদশ, ইফ্রয়িম-গুট্টির ভাগর মুড়ো-মুড়ি চাগালার শিখিম আর যিহূদা-গুট্টির ভাগর মুড়ো-মুড়ি চাগালার কিরিয়ত-অর্ব, অত্তাৎ হিব্রোণান ফারক্‌ গুরি রাগেল।

যিহোশূয় 21:32

নপ্তালি-গুট্টির জাগানত্তুন্‌ তারারে দিয়্যে অলঅ গালীলর কেদশ, হম্মোৎ-দোর আর কর্তন নাঙে তিনেন্‌ আদাম আর সিয়েনির লগে য়েমান চোড়েবার খলা। ইয়েন ভিদিরে কেদশছান্‌ এলদে খুনি আজামীর্ আশ্রয়-শঅর্‌।