মার্ক 3:5 - Chakma Bible

⁵ সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

মার্ক 3:5 Iomraidhean Croise

পত্থম 6:6

সেনে লগেপ্রভু মনত্‌ দুখ্‌ পেলঅ। তে পিতথিমীয়ানত্‌ মানুচ্‌ বানেয়্যে বিলি দুখ্‌ পেইনে কলঅ, “মর্ বানেয়্যে মানুচ্চুনোরে মুই পিত্‌থিমীগান উগুরেত্তুন্ তুলি দিম; আর তা লগে বেক পরাণবলাগুন, বুগেদি-আঢি বেড়েয়্যে প্রাণী আর আগাজ পেক্কুনো তুলি দিম্‌ । ইগুনোরে বানেয়োং বিলিনে মঅ মনত্‌ কষ্ট অর্‌।”

১ রাজাবলী 13:6

সেক্কে রাজা গোজেনর্‌ মানুচ্চোরে কলদে, “তুই তর্‌ গোজেন্‌ লগেপ্রভুরে কোজোলি গর্‌ আর মত্তে তবনা গর্‌ যেনে মঅ আঢ্‌তান্‌ আরঅ গম্‌ ওই যায়।” যেক্কে গোজেন মানুচ্চো লগেপ্রভুরে কোজোলি গুরিলো সেক্কে রাজার আঢ্‌তান্‌ আরঅ গম্‌ ওইনে আগঅ ধোক্কেন্‌ অলঅ।

নহিমিয় 13:8

সেক্কে মুই অমকদ কাঙেলেত্যে পেইনে টোবিয়রে বেক্‌ জিনিস্‌ছানি সে গুদিবোত্তুন্‌ মেলা মারিনে ফেলেই দিলুঙ্‌।

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

মথি লেখ্যে গম্ হবর্ 12:13

সে পরেদি তে অবস্ আঢ্‌বলা মানুচ্চোরে কলঅ, “তঅ আঢ্‌তান বাবেই দে।” তে তার্ আঢ্‌তান্ বাবেই দিলো আর সিয়েন গম্ অলঅ, অন্য আঢ্‌তান ধোক্ক্যেন্।

মার্ক 3:4

সে পরেদি তে মানুচ্চুনোরে পুযোর্ গুরিলো, “জিরেবার দিনোত্ কিজু গরানা আমা সুদোমে কি কয়? সিয়েন কি সাহায্য না কি ক্ষতি? জিংকানিগান রোক্ষ্যে গরানা উচিত, না ভস্ত গরানা উচিত?” মাত্তর্ তারা কনঅ কিজু ন-কলাক্।

লূকে লেখ্যে গম্ হবর্ 13:15

সেক্কে প্রভু যীশু সেই নেতাগুনোরে কলঅ, তুমি ফক্কর্! জিরেবার্ দিনোত্ তুমি বেক্কুনে কি তমার্ বলদ্ গোরু বা গাধাবোরে গোরু ঘরত্তুন্ খুলিনে পানি খাবেবাত্যে লোই ন-যঅ?

লূকে লেখ্যে গম্ হবর্ 17:14

সেই পীড়েল্যেগুনোরে দেগিনে যীশু কলঅ, “ধর্মগুরুগুনো ইধু যেইনে নিজোরে দেগা।” তারা পধেদি যাদে যাদে গম্ ওই গেলাক্।

লূকে লেখ্যে গম্ হবর্ 6:10

সে পরেদি যীশু চেরোকিত্তে বেক্কুনো ইন্দি রিনি চেইনে মানুচ্চোরে কলঅ, “তঅ আঢ্‌তান বাবেই দে।” তে সিয়েন্ গুরিলো আর তা আঢ্‌তান এক্কুবারে গম্ ওই গেলঅ।

যোহন 9:7

“যাহ্, শীলোহ পোর্‌বোত্ যেইনে ধোই ফেলা।” শীলোহ মানে দিপাধা অলঅ। মানুচ্চো যেইনে চোগ্ ধোই ফেলেল আর চোগেদি দেগিনে ফিরি এলঅ। ইয়েন্ দেগিনে তা পাড়াল্ল্যেগুনে আর যিগুনে তারে আগে ভিক্ষ্যে মাগদে দেক্ক্যন্ সিগুনে বেক্কুনে কুয়ো ধুরিলাক্,

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

২ করিন্হীয় 3:14

মাত্তর্ সেই মানুচ্চুনোর্ মনানি দরঅ ওইয়্যে। সেনত্যে এজঅ যেক্কে সেই পুরোণি বেবস্থার্ কধা পড়া অয় সেক্কে তারার্ রিবেঙ উগুরে সেই একই বাবোত্যে পদ্দা থেই যায়, কিয়া বানা খ্রীষ্ট সমারে এগত্তর্ ওইনে সেই পদ্দাগান্ সুরি যায়।

ইফিষীয় 4:18

তারার্ মনানি আন্ধারত্ পড়ি আঘে। মনানি দরঅ বিলিনে তারা গোজেন পৌইদ্যেনে কিচ্চু কোই ন-পারন্, আর সেনত্যে গোজেনর্ দিয়্যে জিংকানিত্তুন্ তারা বোউত্ দূরোত্ আঘন।

ইফিষীয় 4:26

যুনি রাগ গরঅ সালে সেই রাগত্যে পাপ ন-গোজ্জ্য; বেলান্ ডুবিবার আগেদি তমা রাগ্‌‌‌কানি বাদ্ দুয়ো,

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

ইব্রীয় 3:10

মুই তারা উগুরে রাগে কোইয়োং, ‘এ মানুচ্চুনোর মনানি ভান্ন্যেই পধেদি ঘুরি বেড়ার্; তারা আমা পথ্‌তান হবর্ ন-পেলাক্।’

ইব্রীয় 3:17

আর চল্লিশ বজর্ ধুরিনে গোজেনে কুগুনো উগুরে তোচ্চ্যা পেলঅ? সিগুনে কি সে মানুচ্চুন নয় যিগুনে পাপ গোজ্জ্যন আর যিগুনোর্ মরা কিয়্যেনি ধূল্যেচর-চাগালাত পোজ্জ্যে এলঅ?

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

ফগদাং পেইয়্যে 6:16

তারা মোন্‌মুড়ো আর পাত্তরুনোরে কলাক্, “আমা উগুরে পড় আর যিবে সেই সিংহাসন উগুরে বৈ আঘে তা মুয়ো মুজুঙোত্তুন্ আর ভেড়া-ছবোর্ রাগত্তুন্ আমারে লুগেই থঅ,

বিচের গুরিয়্যেগুন 10:16

ইয়েনর্ পরেন্দি তারা ভিদিরে অন্য জাদ্‌‌‌‌তুনোর যিদুক্কুন দেব-দেবেদা এলাক্‌ সিগুনোরে দূর্ গুরি দিইনে তারা লগেপ্রভুরে সেবা গরা ধুরিলাক্‌। ইস্রায়েলীয়গুনোর দুঃখানি দেগিনেই লগেপ্রভুর মনত্‌ বুক্‌ ধিবেদিপ্যে অলঅ।

১ শমূয়েল 20:34

সেক্কে যোনাথনে অমকদ রাগে টেবিলান ছাড়িনে উদিলো আর সে দিন্যে খানাত্‌ কিচ্ছু ন-খেলঅ। তা বাবে দায়ূদোরে অগমান্ গোজ্যে বিলিনে তা মনত্‌ অমকদ দুঃখো অলঅ।