মার্ক 3:3 - Chakma Bible

³ যীশু সেই শুগুনো-আঢ্‌‌বলা মানুচ্চোরে কলঅ, “বেক্কুনো মুজুঙোত্ এইনে থিয়্যে।”

মার্ক 3:3 Iomraidhean Croise

যিশাইয় 42:4

পিত্‌থিমীত ন্যায়বিচের থিদেবর্ ন-অনা সং তে বল্‌‌‌পোজ্যে ন-অবঅ বা ভাঙি ন-পুরিবো। দূরো মানুচ্চুনে তা উগুমান বাজ্জেই থেবাক্।”

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

মথি লেখ্যে গম্ হবর্ 12:10

সিয়েনত্ এক্কো মানুচ্ এলঅ যিবের্ এক্কান আঢ্ অবস্ এলঅ। কয়েক্কো মানুচ্ সিয়েনত্ এলাক্ যিগুনে যীশুরে ভান্ন্যেই কাম গরের্ বিলিনে দুষ্ দেদন, সেনত্যে তারে পুযোর্ গুরিলাক্, “জিরেবার দিনোত্ কাররে গম্ গরানা কি আমার রীতি সুদোম বিরুদ্ধে?”

মার্ক 3:4

সে পরেদি তে মানুচ্চুনোরে পুযোর্ গুরিলো, “জিরেবার দিনোত্ কিজু গরানা আমা সুদোমে কি কয়? সিয়েন কি সাহায্য না কি ক্ষতি? জিংকানিগান রোক্ষ্যে গরানা উচিত, না ভস্ত গরানা উচিত?” মাত্তর্ তারা কনঅ কিজু ন-কলাক্।

লূকে লেখ্যে গম্ হবর্ 6:8

মাত্তর্ যীশু তারার্ মন কধানি হবর্ পেদঅ। সেনত্তে যিবে আঢ্‌তান শুগেই যেইয়্যে তে সে মানুচ্চোরে কলঅ, “উদিনে বেক্কুনো মুজুঙোত্ এইনে থিয়্যে।” সেক্কে তে উদিনে থিয়্যেল।

যোহন 9:4

যে মরে পাধেয়্যে, বেল্ থাগদে থাগদে তা কামানি গরানা আমার্ দরকার্। রেত্ এজের্, সেক্কে কেঅ কাম্ গুরি ন-পারিবাক্।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

গালাতীয় 6:9

আমি যেন গম কাম গত্তে গত্তে অরান্ ন-ওই, কিয়া সিয়েন ইরি ন-দিইনে গরানাত্ থেলে আমি ঠিগ্ সময়োত্ সিয়েনর্ ফসল পেবং।

ফিলিপীয় 1:14

ইয়েনবাদে, মর্ এ বন্দী অবস্থায় থানার্ কারনে বেশির্ ভাগ্ ভেইয়ুনে প্রভু উগুরে আরঅ বেশ্ গুরিনে নির্ভর্ গুরিবাত্তে শিক্ক্যন্ আর সেনত্যে তারা ন-দোরেইনে গোজেনর্ কধা প্রচার গত্তে আরঅ সাহচী ওইয়োন।

১ পিতর 4:1

সেনত্যে খ্রীষ্ট কিয়্যেদি দুঘ্ সোজ্জ্য গোজ্জ্যে বিলিনে তুমিয়ো নিজো মনভিদিরে সেই একই মনভাব গরঅ, কিয়া কিয়্যেদি যে দুঘ্ ভোগ্ গোজ্জ্যে তে পাপর্ অভ্যেচ্চান ছাড়ি দিয়্যে।