মার্ক 3:21 - Chakma Bible

²¹ যীশুর নিজো মানুচ্চুনে এ হবরান্ শুনিনে তারে নিগিলেই নিবাত্তে এলাক্। তারা কলাক্, “তে পাগল ওই যেইয়্যে।”

মার্ক 3:21 Iomraidhean Croise

২ রাজাবলী 9:11

যেহূ নিগিলিনে যেক্কে তা সমাজ্যে সেনাপতিগুনো ইদু গেলঅ সেক্কে তারাত্তুন্‌ একজনে তারে পূযোর্‌ গুরিলো, “বেক্কানি ঠিগ্‌ আঘে দঅ? সে পাগল্লো তমা ইদু কিত্তেই এচ্ছে?” জোবত্‌ যেহূ কলঅ, “তুমি দঅ মানুচ্চোরে চিনো আর তে কেধোক্ক্যেন্‌ কধা কয় সিয়েন্‌ অ তুমি হবর্‌ পঅ।”

যিরমিয় 29:26

তুই সফনিয়রে লেখ্যচ্, ‘লগেপ্রভু তরে যিহোয়াদার জাগানত্ ধর্মগুরু বানেয়্যে যেনে লগেপ্রভুর ঘরর্ ভারান তঅ উগুরে থায়। কনঅ পাগল যুনি ভাববাদী ধোক্ক্যেন কাম গরে সালে গাজকট্টা আর গত্তনাত্ লুয়ো চিগোল্লোই তারে তত্তুন্ থামানা উজিত্।

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

মার্ক 3:31

ইয়েনর্ পরেদি যীশুর মাবো আর ভেইয়ুনে সিয়েনত্ এলাক্ আর বারেদি থিয়্যেই থেইনে যীশুরে ডাগিবাত্তে হবর্ পাদেলাক্।

যোহন 10:20

তারা ভিদিরেত্তুন্ ভালোক্‌জনে কলাক্, “তারে ভূদে পেইয়্যে, তে পাগল্; তুমি তা কধা কিত্ত্যে শুন্নো?”

প্রেরিত্‌ 26:24

পৌলে এবাবোত্যেগুরি যেক্কে নিজো পক্ষে কধা কর্ সেক্কে ফীষ্ট তারে মানা গুরি রঅ ছাড়িনে কলঅ, “পৌল, তুই পাগল্ ওই যেয়োচ্। তুই বোউত্ পড়াশুনো গোজ্জ্যস্ আর সেই পড়াশুনোগানে তরে পাগল্ বানেয়্যে।”

২ করিন্হীয় 5:13

যুনি আমি পাগল্ ওই যেই সালে সিয়েন গোজেনত্যে ওইয়্যেই, আর যুনি গম্ মনে থেই সালে সিয়েন তমাত্যে আঘিই।