মার্ক 2:13 - Chakma Bible

¹³ পরেদি যীশু আরঅ গালীল সাগর পারত্ গেলঅ। সেক্কে বোউত্ মানুচ্ তাইধু এলাক্, আর তে তারারে শিক্ষ্যে দিয়্যে ধুরিলো।

মার্ক 2:13 Iomraidhean Croise

মথি লেখ্যে গম্ হবর্ 13:1

সেদিন্যে যীশু ঘরত্তুন্ নিগিলিনে সাগর পারত্ গেলঅ, যিয়েনত্ তে শিক্ষ্যে দিবাত্যে বুয়োল।

মথি লেখ্যে গম্ হবর্ 9:9

যীশু যেক্কে সিয়েনত্তুন্ যাল্লোই সেক্কে পদথ্ মথি নাঙে এক্কো মান্‌জ্যরে খাজানা তুলেদে ঘরত্ বুয়োই থাগদে দেগিলো। যীশু তারে কলঅ, “আয়, মঅ শিচ্চ্য অগি।” মথি সেক্কেনে উদিনে তা সমারে গেলঅ।

মার্ক 1:45

মাত্তর্ সে মানুচ্চো বারেদি যেইনে বেক্‌ জাগানিত্ এ হবরান্ কুয়ো ধুরিলো। সিয়েনত্যে যীশু আর্ কনঅ আদামত্ খুলোমেলা গুরিনে যেই ন-পারিলো। তাত্তুন্ নিরিবিলি জাগাত্ থা পল্ল; তো মানুচ্চুনে নানান্ জাগাত্তুন্ তা ইধু এজা ধুরিলাক্।

মার্ক 10:1

পরেদি যীশু সে জাগায়ান্ ফেলেইনে যিহূদিয়া রেজ্যত্ আর যর্দন গাঙর্ অন্য পারত্ গেলঅ। বোউত্ মানুচ্ আরঅ তাইধু এইনে তুবেলাক্। সেক্কে তে তার সুদোম্ মজিম্ মানুচ্চুনোরে শিক্ষ্যে দিয়্যে ধুরিলো।

মার্ক 2:2

সেক্কে এদক্ মানুচ্ সিয়েনত্ এগত্তর্ অলাক্ যে, ঘর্ দঅ দূরো কধা, দোরান বারেদিয়ো আর জাগা ন-রলঅ। যীশু মানুচ্চুনো ইধু গোজেনর্ কধা ফগদাং গুরিলো।

মার্ক 4:1

যীশু আরঅ গালীল সাগর পারত্ মানুচ্চুনোরে শিক্ষ্যে দিয়্যে ধুরিলো। তা চেরোকিত্তে বোউত্ মান্‌জ্যর্ ভিড়্ অলঅ; সেনত্তে তে সাগর সংমোধ্যে এক্কান্ নৌকোত্ উদিনে বুজিলো আর মানুচ্চুনে সাগর পারত্ থিয়্যেই রলাক্।

লূকে লেখ্যে গম্ হবর্ 19:48

মাত্তর্ কিবাবোত্যেগুরি সিয়েন গুরিবাক্ সিয়েনর্ কনঅ পথ তারা তোগেই ন-পেলাক্, কিয়া মানুচ্চুনে মন্ দিইনে তার বেক্ কধানি শুনিদাক্।

লূকে লেখ্যে গম্ হবর্ 21:38

বেক্ মানুচ্চুনে তা কধানি শুনিবাত্যে বেন্যেপোত্যে উবোসনা-ঘরত্ আঝির্ অদাক্।