মার্ক 16:6 - Chakma Bible

⁶ সে গাবুজ্যেবো কলঅ, “আমক্ ন-ওইয়ো। মুই হবর্ পাং তুমি নাসরত আদামর্ যীশুরে তগর্, যিবেরে ক্রুশোত্ দিয়্যে ওইয়্যে। তে দঅ ইয়েনত্ নেই, তে জেদা ওই উঠ্যে। চগি, ইয়েনই সেই জাগায়ান্ যিয়েনত্ তে পড়ি এলঅ।

মার্ক 16:6 Iomraidhean Croise

গীতসংহিতা 71:20

যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

মথি লেখ্যে গম্ হবর্ 12:40

যোনা যেবাবোত্যেগুরি সেই মাছ পেদত্ তিন দিন আর তিন রেত্ এলঅ মান্‌‌জ্য পুয়োবোয়ো সেবাবোত্যেগুরি তিন দিন আর তিন রেত্ মাদিত্ তলে থেবঅ।

মার্ক 1:24

তে রঅ ছাড়িনে কলঅ, “ও নাসরতর্ যীশু, আমা লগে তর্ কি দরকার্? তুই কি আমারে সর্বনাশ্ গুরিবাত্তে এচ্চোস্? মুই হবর্ পাং তুই কন্না; তুই দঅ গোজেনর্ সেই পবিত্র মানুচ্চো।”

মার্ক 1:27

এ ঘদনাগান্ দেগিনেই মানুচ্চুনে এদক্ আমক্ অলাক্ যে, তারা নিজো ভিদিরে কুয়ো ধুরিলাক্, “ইয়েনি কি বেপার? এ অধিকার ভরা নুয়ো শিক্ষ্যেগান বা কি? এন্‌ কি, ভুদ্‌‌‌তোরেয়ো তে উগুম দে আর তারা তা কধানি শুনোদে বাধ্য অন্।‌”

মার্ক 10:34

অযিহূদীগুনে তারে ঠাট্টা-মশ্‌‌‍কারি গুরিবাক্, তা কিয়্যেত্ সেফ্ ফেলেই দিবাক্, তারে অমকদ চাবুক্ মারিবাক্ আর মারে ফেলেবাক্। তিন দিনোত্ আরঅ তে জেঈ উদিবো।”

মার্ক 14:33

ইয়েন কোইনে তে পিতর, যাকোব আর যোহনরে সমারে নেযেল আর মনত্ অমকদ দুঘ্ পেলঅ।

মার্ক 9:15

মানুচ্চুনে যীশুরে দেগিনে অমকদ আমক্ ওই গেলাক্ আর দাবা যেইনে তারে ভালেদি জানেলাক্।

প্রেরিত্‌ 2:24

মাত্তর্ গোজেনে মরণ যন্ত্রণাত্তুন্ উদ্ধোর্ গুরিনে তারে জেদা গুরি তুল্ল্যে, কিয়া তারে ধুরি থবার্ সাধ্য মরণানর্ ন-এলঅ।

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।