মার্ক 16:1 - Chakma Bible

¹ জিরেবার্ দিন্নো পার্ ওই যানার্ পরেদি মগ্‌দলীনী মরিয়মে, যাকোব মা মরিয়ম আর শালোমী যীশুর কিয়্যেগানত্ গুলি দিবাত্তে তুম্বাজ্ মলম কিনি আনিলাক্।

মার্ক 16:1 Iomraidhean Croise

পত্থম 50:2

পরেদি তে তা তলেদি ডাক্তরুনোরে উগুম্‌ দিলো যেনে তারা তা বাবঅ কিয়্যেগান্‌ তুম্বাস্‌ মজলা দিইনে ঠিগ রাগেবার্‌ বেবস্থা গরন্‌। তারা সিয়েন গুরিলাক্।

২ বংশধর 16:14

নানান বাবোত্যে মজলা আর মিজেয়্যে তুম্বাজ্‌ জিনিজ্‌সোই ভোজ্যে খাট্‌তানত্‌ মানুচ্চুনে তারে পোড়েলাক্‌ আর দায়ূদ-শঅরত্‌ তে নিজোত্তে যে গোরান্‌ ঠিগ্‌ গুরি রাগেয়্যে তারা সিয়েনত্‌ তারে গোর্ দিলাক্‌। মানুচ্চুনে তার্‌ সর্মানত্তে বড়্‌ এক্কান্‌ আগুন জ্বালেলাক্‌।

মার্ক 14:3

সেক্কে যীশু বৈথনিয়াত্ ফারাঙিরুগি শিমোন ঘরত্ এলঅ। তে যেক্কে খার্ সেক্কে এক্কো মিলে এক্কো ধুব্ পাত্তর পিলেত্ গুরি অমকদ মংগা আর খাটি তুম্বাজ্ তেল্ আনিলো। পিলেবো ভাঙিনে তে যীশু মাঢাবোত্ সেই তুম্বাজ্ তেলান্ ঢালি দিলো।

মার্ক 14:8

তে যিয়েন্ পাজ্যে সিয়েন্ গোজ্যে। মরে কবরত্তে যুক্কোল্ গত্তে আর আগেবাগে মঅ কিয়্যেগান উগুরে তুম্বাজ্ তেল্ ঢালি দিয়্যে।

মার্ক 15:40

কয়েক্কো মিলে দূরোত্ থিয়্যেইনে ইয়েনি বেক্কানি দেগদন্। তারা ভিদিরে এলাক্ মগ্‌দলীনী মরিয়ম, দ্বিবে যাকোব ভিদিরে চিগোন্ যাকোব আহ্ যোষেফ মাবো মরিয়ম আর শালোমী।

মার্ক 15:42

সেদিন্নো এলদে আয়োজনর্ দিন, অত্তাৎ জিরেবার্ আগ দিন।

মার্ক 15:47

মগ্‌দলীনী মরিয়ম আর যোষেফর মা মরিয়মে রিনি চেই আঘন্ আর যীশুর কিয়্যেগান কন্ জাগানত্ সিয়েন দেগিলাক্।

মার্ক 16:2

সাপ্তার্ পত্তম্ দিনোত্ বেন্ন্যে মাদান্, বেলান্ উদোনার লগে লগে তারা গোরান ইধু গেলাক্।

মার্ক 16:8

সেই মিলেগুনে কিচ্চু বুঝি ন-পারিনে গির্‌গিরেদে গির্‌গিরেদে গোর গাঢতোত্তুন্ নিগিলি এলাক্ আর সিয়েনত্তুন্ ধেই গেলাক্। তারা এদক্ দোরেয়োন্ যে, কাররে কিচ্চু ন-কলাক্।

লূকে লেখ্যে গম্ হবর্ 23:54

সেই দিন্নো এলঅ জিরেবার্ দিনোর্ জুগেলেবার্ দিন। জিরেবার্ দিন্নো পেরায় আরাম্ভ ওই যেইয়্যে।

লূকে লেখ্যে গম্ হবর্ 23:56

সে পরেদি তারা ফিরি যেইনে তা কিয়্যেগানত্তে তুম্বাজ্ মজলা আর মলম্ বানেলাক্। ইয়েনর্ পরেদি তারা মোশির উগুম্ মজিম্ জিরেবার্ দিনোত্ জিরেলাক্।

লূকে লেখ্যে গম্ হবর্ 24:1

সাপ্তার্ পত্তম দিনোর্ বেন্ন্যে মাদান্ সেই মিলেগুনে সে তুম্বাজ্‌ মজলাগান্দোই গোরান ইধু গেলাক্।

যোহন 19:25

যীশুর্ মাবো, তা মাবোর্ বোন, ক্লোপার মোক্ মরিয়ম আর মগ্‌দলীনী মরিয়মে যীশুর ত্রুুশো কায়কুরে থিয়্যেই এলাক্।

যোহন 19:31

সে দিন্নো এলঅ পরবর্ জুগোলোনার্ দিন। যেরেদি দিন্নো এলঅ জিরেবার্ দিন, আর সেই জিরেবার্ দিন্নো এক্কো বিশেষ দিন এলঅ বিলি যিহূদী নেতাগুনে চেইয়োন্ যেন সে দিন্ন্যে কিয়্যেগানি ত্রুুশো উগুরে ন-থায়। ইয়েনত্যে তারা পীলাত ইধু কোজোলি গুরিলাক্ যেন ত্রুুশোত্ যিগুনে আঘন্ তারা টেঙানি ভাঙিনে ত্রুুশোত্তুন্ তারারে সোরেই ফেলা অয়।