মার্ক 13:2 - Chakma Bible

² যীশু কলঅ, “তুই দঅ এই দাঙর্ দাঙর্ বিল্ডিঙানি দেগর্, মাত্তর্ ইয়েনত্ এক্কো পাত্তর উগুরে আর এক্কো পাত্তর্ ন-থেবঅ; বেক্কুন্ ভাঙি ফেলা অবঅ।”

মার্ক 13:2 Iomraidhean Croise

যিরমিয় 26:18

“যিহূদার রাজা হিষ্কিয়র সময়োত্ মোরেষ্টীয় মীখা ভাববাদী ইজেবে কধা কদঅ। তে যিহূদার মানুচ্চুনোরে কোইয়্যেদে, ‘বেগত্তুন খেমতাবলা লগেপ্রভু কোইয়্যেদে, সিয়োনানরে ক্ষেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্ আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।’

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

মথি লেখ্যে গম্ হবর্ 24:2

সেক্কে যীশু তারারে কলঅ, “তুমি দঅ ইয়েনি বেক্কানি দেগর্, মাত্তর্ মুই তমারে ঘেচ্চেকগুরি কঙর্, ইয়েনত্ এক্কো পাত্তর উগুরে আর এক্কো পাত্তর্ ন-থেবঅ; বেক্কুন্ ভাঙি ফেলা অবঅ।”

লূকে লেখ্যে গম্ হবর্ 21:6

“তুই দঅ ইয়েনি বেক্কানি দেগর্, মাত্তর্ এমন সময় এবঅ যেক্কে ইয়েনত্ এক্কো পাত্তর উগুরে আর এক্কো পাত্তর্ ন-থেবঅ; বেক্কুন্ ভাঙি ফেলা অবঅ।”

প্রেরিত্‌ 6:14

আমি তারে এ কধাগান কধে শুন্ন্যেই, সেই নাসরত্ আদামর যীশু এ উবোসনা-ঘরান ভাঙি ফেলেব আর মোশি যে চলেদে সুদোমানি আমারে দি যেয়্যে সিয়েনিয়ো বুদুলি ফেলেব।”

ফগদাং পেইয়্যে 11:2

মাত্তর্ উবোসনা-ঘরর্ বারেদি যে উদোনান্ আঘে সিয়েন বাদ দিচ্‌, ন-মাবিচ্; কিয়া সিয়েন অযিহূদীগুনোরে দিয়্যে ওইয়্যে। তারা বিয়াল্লিশ্ মাস সং পবিত্র শঅরান টেঙোই উরিবাক্।