মার্ক 12:2 - Chakma Bible

² যেক্কে আংগুরুন পাগিবার্ অক্ত ওই এলঅ সেক্কে তে সেই আংগুরোর্ ভাগ্‌কুন আনিবাত্তে তা চাগরুনোরে সেই চাষাবলাগুনো ইধু পাধেই দিলো।

মার্ক 12:2 Iomraidhean Croise

২ রাজাবলী 17:13

লগেপ্রভু তা বেক্‌ ভাববাদীগুনোরে আর চেইয়্যেগুনোর্‌ মাধ্যমে ইস্রায়েল আর যিহূদারে ইয়েন্‌ কোইনে উজিয়ার্‌ গুরি দিলো, “তুমি তমার্‌ ভান্ন্যেই পধত্তুন্‌ ফিরো আর বেক্‌ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্‌ চাগরুনোরে, অত্তাৎ ভাববাদীগুনোর্‌ মাধ্যমে তমারে জানেয়োঙ্‌ তুমি সে ইজেবে মর্‌ বেক্‌ উগুমানি আর সুদোমানি পালঅ।”

২ বংশধর 36:15

ইস্রায়েলীয়গুনোর পূরোণিমানুচ্চুনোর গোজেন লগেপ্রভু বার্‌ বার্‌ মানুচ্‌ পাদেইনে তারারে উজিয়ার্‌ গুরিদো, কিত্যে তার্‌ মানুচ্চুনোর্‌ আর তার্‌ থেবার্‌ ঘরানি উগুরে তার্‌ দোয়্যে-মেইয়্যে এলঅ।

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

যিরমিয় 35:15

মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

মীখা 7:1

কি দযা মর্! মুই ওইয়োংগে তা ধোক্ক্যেন যে বেক্ ফলুন পাড়ি নেযেবার পরেদি আংগুর তুলোদে আর অন্য ফল পাড়িবাত্তে যায়, মাত্তর্ সিদু হেবাত্তে কনঅ আংগুরোর্ থুপ্ নেই, কনঅ পত্তমে পাক্যে ডোমোর্‌অ নেই যিগুন্ মঅ পরাণানে চায়।

সখরিয় 7:7

যেক্কে যিরূশালেম আর তার কায়কুরে শঅরানিত্ মানুচ্ বজত্তি গত্তন্ আর সিয়েনির অবস্থাগান্ ভালেদি অর্ আর নেগেভ আহ্ পোজিমেদি তলে মুড়ো চাগালাত্ মানুচ্চুনোর্ বজত্তি এলঅ সেক্কেয়ো লগেপ্রভু এই বেক্ কধানি পুরোণি ভাববাদীগুনোর মাধ্যমে কোইয়্যে।’ ”

মথি লেখ্যে গম্ হবর্ 21:34

যেক্কে আংগুরুন পাগিবার্ অক্ত ওই এলঅ সেক্কে তে সেই আংগুরোর্ ভাগ্‌কুন আনিবাত্তে তা চাগরুনোরে সেই চাষাবলাগুনো ইধু পাধেই দিলো।

মার্ক 12:1

ইয়েনর্ পরেদি যীশু হিত্ত্যলোই তারা ইধু শিক্ষ্যে দিয়্যে ধুরিলো। তে কলঅ, এক্কো ভূইয়ো গিরোজে এক্কান আংগুর খেদ গুরিনে সিয়েনর্ চেরোকিত্তে ঘিরি দিলো। পরেদি তে আংগুর-রস বানেবাত্তে এক্কো গাঢ্ খুড়িলো আর এক্কান অজল্ চুগিদার ঘর্ বানেল। পরেদি তে কয়েক্কো চাষাবলা ইধু খেদ্‌তান বাগা দিইনে বিদেশত্ গেলঅ।

মার্ক 12:3

মাত্তর্ সেই চাষাবলাগুনে সেই চাগরবোরে ধুরিনে মারিলাক্ আর সুদো আঢে পাধেই দিলাক্।

লূকে লেখ্যে গম্ হবর্ 12:48

মাত্তর্ কোই ন-পারিনে যে সাজা-পেবার্ কাম্ গোজ্যে তার কম্ সাজা অবঅ। যিবেরে বেশ্ দিয়্যে অয় তাত্তুন্ বেশ্ দাবি গরা অবঅ; আর মান্‌‌‌জ্যে যিবে ইধু বেশ্ থোইয়োন তাত্তুন্ তারা বেশ্ মাগিবাক্।

লূকে লেখ্যে গম্ হবর্ 20:10

যেক্কে আংগুরুন পাগিবার্ অক্ত ওই এলঅ সেক্কে তে সেই আংগুরোর্ ভাগ্‌কুন আনিবাত্তে তা চাগরুনোরে সেই চাষাবলাগুনো ইধু পাধেই দিলো। মাত্তর্ চাষাবলাগুনে তারে মারিনে খালি আঢে ফেরৎ পাধেই দিলাক্।

ইব্রীয় 1:1

ভালোক্ দিন আগে ভাববাদীগুনোরে দিইনে গোজেনে আমা পূরোণি মানুচ্চুনো ইধু নানান্ ধগে ভালোক্ বার এক্কেনা এক্কেনা গুরি কধা কোইয়্যে।