মার্ক 1:14 - Chakma Bible

¹⁴ যোহনে জেলখানাত্ বন্দী অনার্ পরেদি যীশু গালীল রেজ্যত্ গেলঅ। সিধু তে এ কধাগান্ কোইনে গোজেনর্ দিয়্যে গম্ হবরান্ ফগদাং গরা ধুরিলো,

মার্ক 1:14 Iomraidhean Croise

মথি লেখ্যে গম্ হবর্ 11:2

বাপ্তিষ্মদিয়্যে যোহনে জেলোত্ থেইনে যেক্কে যীশু খ্রীষ্টর কামর্ কধা শুনিলো সেক্কে তা শিচ্চ্যগুনোরে দিইনে যীশুরে পুজোর্ গুরিবাত্তে পাধেল,

মথি লেখ্যে গম্ হবর্ 4:12

পরেদি যীশু শুনিলো যোহনরে জেলখানাত্ বন্দী গুরি রাগা ওইয়্যে। সেক্কে তে গালীলোত্ গেলগোই আর নাসরত্ আদামান্ ফেলেইনে সবূলূন আর নপ্তালি চাগালা ভিদিরে সাগর পারর্ কফরনাহূম শঅরত্ যেইনে রলঅ।

মথি লেখ্যে গম্ হবর্ 4:17

সে সময়ত্তুন্ ধুরি যীশু ইয়েন কোইনে ফগদাং গরা ধুরিলো, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 9:35

যীশু শঅরত্ আর আদামে আদামে যেইনে যিহূদীগুনোর সমাজ-ঘরত্ শিক্ষ্যে দিবাত্তে আর স্বর্গ-রেজ্যর্ গম্ হবর্ ফগদাং গরা ধুরিলো। ইয়েনি বাদেয়ো তে মানুচ্চুনোর্ নানান্ বাবোত্যে পীড়েয়ো গম্ গুরিলো।

লূকে লেখ্যে গম্ হবর্ 3:20

সেনত্যে তে যোহনরে বন্দী গুরিনে জেলোত্ দিলো। ইয়েন্দোই তার্ অন্য বেক্ ভান্ন্যেই কামানি সমারে এই বজং কামান্অ মিজেল।

লূকে লেখ্যে গম্ হবর্ 8:1

পরেদি যীশু আদামে আদামে আর শঅরে শঅরে ঘুরিনে গোজেন রেজ্যর্ গম্ হবর্ ফগদাং গরা ধুরিলো। তা সমারে তার্ বারজন শিচ্চ্য আর কয়েক্কো মিলেয়ো এলাক্। এ মিলেগুনে ভান্ন্যেই আত্মার্ আঢত্তুন্ রেহাই পেইয়োন আর পীড়েত্তুন্ গম্ ওইয়োন্। ইগুনে অলাক্ মরিয়ম, যিবেরে মগ্‌দলীনী কুয়ো অদঅ আর যিবে ভিদিরেত্তুন্ সাত্তো আত্মা নিগিলি যেইয়োন্;

প্রেরিত্‌ 20:25

ইক্কিনে মুই এ কধাগান্ কোই পারং, তমার্ যিগুনো ইধু মুই যেইনে গোজেন রেজ্য পৌইদ্যেনে প্রচার গোজ্জ্যং তারাত্তুন্ কনজনে মরে আর ন-দেগিবাক্।

প্রেরিত্‌ 28:23

তারা পৌল সমারে এগত্তর্ অবাত্যে এক্কো দিন ঠিগ্ গুরিলাক্। পৌলে যিধু থেদঅ সিধু তারা বাদে আরঅ ভালোক্জনে এলাক্। সেক্কে পৌলে বেন্ন্যেত্তুন্ ধুরি সাজোন্যে অয় সং গোজেন রেজ্যর্ পৌইদ্যেনে তারারে জানেল আর বুঝেল। মোশির আইন-কানুন্ আর ভাববাদীগুনোর্ বোইয়ো ভিদিরেত্তুন্ যীশু পৌইদ্যেনে দেগেইনে তা পৌইদ্যেনে তারারে বিশ্বেজ্ গোরেবাত্তে চেষ্টা গুরিলো।

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

ইফিষীয় 2:17

তুমি যিগুনে দূরোত্ এলা আর তারা যিগুনে কায়কুরে এলাক্, বেক্কুনো ইধু তে এইনে শান্তির্ গম্ হবর্ ফগদাং গোজ্জ্যে।